1 Ịsamụwẹrị 9:1 - IWE ỌNỊNỊ

¹ Ụmẹ ọnya yà ịzọọ â nyị ọza ọbanyị ọnya aanị, Anịbẹnjamịnị ọ vị nị, di eyi yẹ ẹ ẹtẹẹtẹrẹ nị. Ịrẹha ọnọrụ ọnọọ ọ rị Ikisi nị. Ikisi ọnọọ vị ozi Abiyẹrị. Abiyẹrị ọnị rẹ vị ozi Izerọ. Ada Izerọ ọ rị Ibekora nị. Ibekora ọnị rẹ vị ozi Apiya.

1 Ịsamụwẹrị 9:1 ပူးပေါင်းရင်းမြစ်များ

2 Ịsamụwẹrị 19:32

Ibarizirayi ọnọọ ọ sị vịra ẹtẹẹtẹrẹ, ọ sị gụ́ ịrayị ẹbẹẹna. Óhinọyị mẹ̀ yà Imahanayimi ọ́ màa vaa vẹ, Ibarizirayi ộ tọ̀ọ́ ịsa naa yọ Ibarizirayi ộ nyị rị ụvọ ẹtẹẹtẹrẹ.

Ẹsịta 2:5

Ụmẹ ọnọọ â nyị Aniju ọnyara ana ra ẹtẹ Isusa. Anịbẹnjamịnị ọ vị nị. Ịrẹha anị ọ rị Imodekaya nị. Ada anị ọ rị Ịjarị dị ada anị ọbanyị rị Isimeyi ana vị ozi Ikisi nị.

Ijoovu 1:3

Ô nyị atẹmẹ akawụ-akawụ oze ẹẹta tụra akahị, dị ịnyaakụmị anị vị akawụ rị akahị, dị ụnọ vị ẹvarẹwụ, dị ịkẹrịkẹtẹ anị ẹnị rẹ vị ẹvarẹwụ nị. Avọọ ezi ahụ anị mẹ gụ duu kẹnẹ nị. Opisa ọbanyị ọnị eyi yẹ tụ ịnị ẹtẹ ọnọọ ọ vị nị.

Odeyi 13:21

Ịrẹma ọnọọ, dị Anisirẹrị ka eni ee sì ohinọyị nị. Dị Ohomorihi sị Ịsọọrụ ozi Ikisi ana vị anovwoovu Ịbẹnjamịnị yị wa nị. Ộ mẹ ohinọyị yị wa mẹ ịrayị ẹbẹẹva.

1 Ịsamụwẹrị 10:23

Dị a wụsẹ tụ́ nọ ịzọọ, dị a na sị ọ vẹ nị. Ịsọọrụ mẹ̀ vẹ dị ọ jẹẹ ịnị akakana aza ẹnẹẹ, ọ sị ẹhụụ ịza dà a vahịrẹ gọdọ hu avaba aza ana vọ.

1 Ịsamụwẹrị 14:51

Ikisi ada Ịsọọrụ ọnịrị Ineri ada Abịna ẹnị vị ezi Abiyẹrị.

1 Ịsamụwẹrị 25:2

 nyị ọnọrụ ọnya aanị ana yà Imawoni. Ộ nyị ogu ẹtẹẹtẹrẹ tụ́ ịzị aā hị́ Ịkamẹrị. Opisa ọbanyị ọnọrụ ọnọọ vị nị. Ẹvụ ọnị ọ nyị vị akahị, dị ọ nyị atẹmẹ akawụ rị akahị nị. Atẹmẹ ọnọọ vị ọnị ọọ̄ yẹrẹ ẹyị anị Íkameri.