1 Ịsamụwẹrị 8:6 - IWE ỌNỊNỊ

⁶ Ịjị ẹ vavọọ kà ka Ịsamụwẹrị ọ̀ nyị ọza ịnya dị ọza ọnọọ ọ̀ vị ohinọyị ana kụkụ vaa vị ọdọvịdị ẹnịnị, ịrẹyị ọnọọ ô du Ịsamụwẹrị ayị. Dị Ịsamụwẹrị ne tù Ẹnẹyịmavara dị aa mẹ̀ aduwa nị.

1 Ịsamụwẹrị 8:6 ပူးပေါင်းရင်းမြစ်များ

Ahẹ Ụgama 109:4

Mê sì ịrẹyị ẹnịnị dị ẹ yaa kụ́ ayị amị. Maa mẹ̀ aduwaa yị wa, ama dị ẹ yaa kịị kụ́ mị ịrẹkaa zị.

Ọyịkụra 32:21

Di Imosiisi va hị́ Eerọnị dị ọ ka, “Sị aza ẹnẹnị mẹhị na mẹ wụ dị ụ maanị tụra wa na mẹ̀ ebira odivi ọnọnị?”

Ọyịkụra 32:32

Aarịhịnị kwogwo, navọ wa vagu wa ini ebira odivi ẹnị ẹ maanị mẹ̀ aanị. Wàa ka wẹ yị vagu wa, ẹwa rẹ kụkụ nyee ịrẹha amị hụụnị iwe ọnị ụ chẹrẹ ịrẹha aza awụ hi.”

Ihoseya 13:10

Ộ họ̀ wa use ka, ịzị ohinọyị ẹnịnị ya booro aanị agụvị dị ọ dọ wa ha? Ẹ ka ene e si ohinọyị ọnịrị ọdọvịdị nịnị. Ịzị ẹnịnị hì?

Ịrịka 16:15

Ịrẹyị ọnọọ ọ kụ Imosiisi ayị, dị ọ mẹ̀ aduwa ka asị Ẹnẹyịmavara dọ ịsọvọ ẹnịnị. Ọ kà a yị nyị ịsị ọnị dọ wa. Ọnị ọ yị dọ wa ịkẹrịkẹtẹ.

Ịrịka 16:22

Ama dị ẹnị ẹyịva ẹnẹẹ ka ịrẹsụ hi, dị ẹ mẹ̀ aduwa kà a, Tee! Ohomorihi anaā sịị ụhwẹ yị aza, sị ẹ vị dị a vaa hụvị ọza ịnya kụ ayị hi avaba ịragụ?

Ịrịka 16:46

Dị Imosiisi kà yị Eerọnị ka ọ̀ sị ẹnya anaā rị eturare ịra, dị ọ sị ịra tụ ọ, dị ọ sị eturare tụ ọ, dị ọ̀ sị ọ obobooro ọnọọ nọ ịzị aza hi, dị ọ mẹ̀ ịsọvọ ịvị ẹnịnị agụvị Ẹnẹyịmavara ọ vagu wa. Ẹnẹyịmavara du ayị hi wa ẹtẹẹtẹrẹ, dị aza ee su ha nị.

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

1 Ịsamụwẹrị 10:19

Dị Ịsamụwẹrị ka ẹ sị Ohomorihi ẹnịnị ọnọọ yi tịtẹ. Ọ kà Ohomorihi ọ dọ wa hụụnị akanya ọnịrị ụya nị. Ọ kà ama aza ẹnẹẹ ka ẹnị e yi kuku sì ka Ohomorihi ọ̀ vi ohinọyị ẹnịnị. Ọ kà ẹnịnị ka ẹnị ee sì ọza ẹnẹsa ana vaa vị ohinọyị ẹnịnị. Dị Ịsamụwẹrị va ka ẹ̀ kụ́ ẹngụ ẹnịnị vẹ ịrẹsụ-ịrẹsụ ọnịrị ovwoovu-ovwoovu dị ẹ̀ vavọọ va gụ ọvịdị Ẹnẹyịmavara.

1 Ịsamụwẹrị 12:12

Ama u me re ka Inahasi ohinọyị Anamọrị e si ka ọnị ọ kụ́ ịrẹkụ ve tù wu nịnị, dị u yi ka asị Ẹnẹyịmavara vị ohinọyị awụ nịnị. Dị ụ ka we sì ohinọyị ana vaa vị ọdọvịdị awụ nịnị nị.”

1 Ịsamụwẹrị 12:17

Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 12:19

Dị avaba ẹnịnị kà yị Ịsamụwẹrị ka aarịhịnị ọ̀ dá ịpẹ yị Ẹnẹyịmavara ana vị Ohomorihi anị agụvị asị ẹnị sú. Ệ kà ẹnị ẹ sị yẹ ka ohinọyị ọnị ẹnị ka ẹnị ee sì avọọ vị ọnị ẹnị sị dà ẹnya tụ́ ịnị ịvị ọnị ẹnị vịdị mẹ.

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

1 Ịsamụwẹrị 15:11

“Ộ zị mị ẹngụ ka mâ sị Ịsọọrụ rị ohinọyị. Ộ raà vara ayị anị tu mị. Ộ yị mẹ ịsị mị ka ọ̀ na mẹ.” Ịrẹyị ọnọọ ô du Ịsamụwẹrị ayị, dị ahịka vi o ji orere pooro hi Ẹnẹyịmavara ẹngụ ịrahụ ọyịvụrụ nị.

1 Ịsamụwẹrị 7:5

Dị Ịsamụwẹrị va tụ́ na hị́ avaba Anisirẹrị dị ọ ka ẹ̀ vara gẹ ịzị aā hị́ Imizipa nị. Ọ kà èe tụ́ ịzọọ, ọnị vaa dá ịpẹ ịrẹyị ẹnịnị yị Ẹnẹyịmavara.