1 Ịsamụwẹrị 8:15 - IWE ỌNỊNỊ

¹⁵ Wàa mẹ̀ akụ ịnị aarẹ awụ nịnị, dị ụ rẹ ha oromi awụ nịnị, ọ vaa dọ wụ nịnị agẹẹwụ anị, dị ọ rẹ kụ́ ọ yị ọga isoja ene hi ịda anị ọnịrị ọdọvịdị nịnị ana vọ.

1 Ịsamụwẹrị 8:15 ပူးပေါင်းရင်းမြစ်များ

Oyinyima 37:36

Ụmẹ oni maanị ee sụ ùnè aanị, Animidiya ẹ sị Ijosẹẹhụ na yị Ipotihwa ịnị ẹtẹ Ijipiti. Ipotihwa vị ọnya ini ohi ọnị ohinọyị ka oo pe ọnịị mẹ̀ ụkọrọ. Ọnị ọ vị ọga isoja ene ee sere irehi ohinọyị nị. Animidiya ẹ rẹ vị Anisimẹrị nị (re Ọdọvịdị nịnị 8.22, 24).

Ayịsaya 39:7

Ezi ẹnịnị ẹnyị ana a vaa mà vị ana vaa za ọrịhị nọ ẹkụra ọsa, dị a mẹ̀ wa osuretu tu ịnị eehi ohinọyị Ịbabịrọnị.

Ịdanịyẹrị 1:18

Ịjị ịrayị ẹẹta ana ka à zụ̀ wa ịsa sị gụ, dị ohirẹsụ aza anaa mẹ̀ ụkọrọ ịdị ohinọyị kụ wa vẹ ọvịdị Inebukadineza ohinọyị nị.

Ịdanịyẹrị 1:3

 nyị ọnọrụ ọnya aanị ana aā hị́ Asipenazi, ana vị ohirẹsụ aza anaa mẹ̀ ụkọrọ ịdị ohinọyị. Dị Inebukadineza kà a yị ọ ka, ọ nọ ịnị ovwoovu ohinọyị Ijuda na tọ ozwọọmụha vẹ nị. Ẹnịnị ẹ vị aza ana ayị ẹnịnị vị, ọnị aza zụ́ sị ayị tụra, dị ẹ vị aza anaā tẹsị ọza.

1 Ịsamụwẹrị 8:14

Aarẹ awụ nịnị ọnịrị ụbazị awụ nịnị ene èe zoza hu vị ọnị ọ vaa dọ wụ nịnị. Ẹtẹ ọnị wàa kụ́ ọchị ana aā hị́ ịvayịnị ọnịrị orivi tụ́ ene zoza hu vị oni ohinọyị ọnọọ rẹ vaa dọ wụ nịnị. Ọ̀ọ vavọọ dọ wụ nịnị, dị ọ sị yị ọdọvịdị nịnị ọnịrị aza ana vị ọga isoja nịnị.

1 Ịsamụwẹrị 8:16

Ezida awụ nịnị anọrụ ọnịrị anẹẹ vị ọnị ọ vaa dọ wụ nịnị ka ẹ̀ naa mẹ ụkọrọọ yị ọnị. Dị ọ rẹ dọ wụ nịnị imaaru ọnịrị ịkẹrịkẹtẹ awụ nịnị dị ọ sị mẹ aanị.