1 Ịsamụwẹrị 7:9 - IWE ỌNỊNỊ

⁹ Dị Ịsamụwẹrị va si ozi atẹmẹ ọnya aanị ana ahịka ộ yi jị ịrẹva, dị ọ wụ̀ ọ, dị ọ rị avaba anị ịra yị Ẹnẹyịmavara nị. Ịjị ọ vavọọ sị ọ mẹ, di o ve nowu na za Ẹnẹyịmavara kà ọ̀ navọ ọ̀ ba Anisirẹrị owu nị. Ịzẹyịza dị Ẹnẹyịmavara ba wa owu nị.

1 Ịsamụwẹrị 7:9 ပူးပေါင်းရင်းမြစ်များ

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 99:6

Imosiisi ọnịrị Eerọnị yà ịnị aza ana vị ohirẹsụ irehi Ohomorihi. Ịsamụwẹrị ọnị rẹ yà ịnị aza ana nā mẹ̀ aduwaa hi Ohomorihi di o tụ́ wa ohi.

Ijeremaya 15:1

Ijeremaya ka Ẹnẹyịmavara ộ kà a yị ọnị ka, Imosiisi ọnịrị Ịsamụwẹrị ẹ̀ẹ daka va jẹẹ ọvịdị anị dị ẹ yaa dá ịpẹẹ yị ọnị nị, ọnị ẹ yị kụkụ aa vayị Anịjuda nịnị. Ẹnẹyịmavara kà, à dụ wa hụrẹ ọnị eyi, à kà a ka ẹnịnị ẹẹ na.

Ireevi 22:27

Imaaru à vị atẹmẹ, à vị ẹvụ ẹ̀ẹ ma ozi, a sị á dọ ọnyị anị pooro dị ọ̀ mẹ ẹkụhị ịhịmba; hụrị ịhị ẹ tụ ọ ẹkụhị ịhịnta, Ohomorihi ọ́ọ dọ ka a sị va mẹ̀ ịsọvọ ịsọyịrị yị ọnị.

Iwe Ọhụhị Imosiisi ana aa hị́ Ọyịvatụrọda 9:26

dị ọnị da ịpẹ yị Ẹnẹyịmavara kà asị ọ vu aza ẹtẹ. Ọnị ộ sị ụkata anị dọ wa ha hụrẹ ụvọ Anigipiti nịnị, dị ọ wara wa áanị nị.

Ijemiisi 5:16

Agụvị avọọ, dọ irenu ịvị awụ yị ẹngụ nịnị, dị ụ wa rẹ mẹ̀ aduwaa yị ẹngụ nịnị, agụvị Ohomorihi ọ̀ mẹ wụ nịnị ụkụ. Aduwa ọnịrẹyịzẹyịza ọ zụ mẹ ka ịsa ẹbanyị-ẹbanyị ẹ̀ mẹ.

Ọdọvịdị 6:26

Ọ kà Igidiyọnị o re hi ụta a mẹ vọrọ yị ọnị tụ ịrẹsụ ataba, dị ọ kụ ọkụ ọchị uyi Asẹra ene e che hi ẹtẹ, dị ọ kụ ọ rị avaba ụnọ ịsọvọ ọnọọ ịra.

Ọdọvịdị 6:28

Ịjị anẹkụra ọnọọ ha ẹnẹnẹ viri-viri eyinẹhẹ anị, di e re ka â sị ụta Ịbaarị ọnịrị uyi Asẹra wu, dị a rị ụnọ ịra ịrẹsụ ụta ọwọọwa ene hi tụ ịzọọ nị.

1 Ịsamụwẹrị 10:8

Dị Ịsamụwẹrị ka Ịsọọrụ ọ̀ dọ ọvịdị dị ọ̀ọ nọ Igirigarii zi ọnị, ka ọnị ee nee tù ọ ịzọọ. Ọ kà ọnị òo tù ịzọọ ọnị vaa mẹ̀ ịsọvọ ana aā rị ịraa yị Ohomorihi, ọnịrị ịsọvọ ana aā mẹ ka aza ẹ̀ nyị ẹngwọọrọ. Ọ kà Ịsọọrụ ọ̀ jẹẹ zi ọnị mẹ ẹkụhị ịhịmba dị ọnị ọ̀ va kà a yọ ịsị a vọrọ ka ọ̀ mẹ.

1 Ịsamụwẹrị 12:17

Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 16:2

Dị Ịsamụwẹrị kà, “Ho! m mẹmẹ aa na? Ịsọọrụ ộ wụ́, vị aa wụ̀ mị nọ!” Dị Ẹnẹyịmavara kà ọ̀ sị ozi imaaru ọnya hụụnị ịsụpa ẹnịnị rị ụvọ za aa na, dị ọ̀ kà a ka vị ọnị vẹ ka ọnị ọ̀ va mẹ̀ ịsọvọ yị Ẹnẹyịmavara nị.

1 Ịsamụwẹrị 2:35

Ohomorihi ka â nyị ọza ẹnẹsa ọnị ọnị vaa nyị ka ọ̀ vi ohirẹsụ irehi anị. Ọza ọnọọ vaa sị ayị ọnyaa mẹ̀ ụkọrọ ọnọọ. Avaba ịsa oni Ohomorihi òo sì ọ vaa mẹ nị. Ọ kà ọnị vaa mẹ ka ọza ọnọọ ọ̀ na ozi, di ezi ẹnẹẹ aa mẹ̀ ụkọrọ pooro ịda ọza ọnị ọnị Ohomorihi vaa nyị ka ọ̀ vị ohinọyị.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.

1 Ịsamụwẹrị 9:12

Di ezi anẹẹ ẹnẹẹ tụ́ ohi dị ẹ ka orẹtẹ yà ịnị ẹkụra ẹnịnị ịzọọ. Ẹ ka vị ọ maanị tụ́ ọvịdị Ịsọọrụ nịnị chee va ngụ ịnị ẹkụra nị. Ẹnịnị ẹ̀ wụsẹẹ dụ ọ na. Dị ẹ rẹ kà anẹkụra ẹnịnị aa mẹ̀ ịsọvọ ịhị ọnọọ aha ịsọvọ.