1 Ịsamụwẹrị 7:5 - IWE ỌNỊNỊ

⁵ Dị Ịsamụwẹrị va tụ́ na hị́ avaba Anisirẹrị dị ọ ka ẹ̀ vara gẹ ịzị aā hị́ Imizipa nị. Ọ kà èe tụ́ ịzọọ, ọnị vaa dá ịpẹ ịrẹyị ẹnịnị yị Ẹnẹyịmavara.

1 Ịsamụwẹrị 7:5 ပူးပေါင်းရင်းမြစ်များ

Oyinyima 20:7

Ọ kà Booro aanị ọ sị ose ọnọrụ ọnọọ varẹma naa yọ. Ọnọrụ ọnọọ vị ọnịsẹ, ọ vaa mẹ̀ aduwaa yọ, di o yi kuku sú. Ọ kà ama ò yị và a naa yọ, ọ̀ yẹ ka vị ee sú nị ne beri avaba aza anị nị.

Oyinyima 31:49

Atakuji ọnọọ a rẹẹ̄ hị́ Imizipa nị, agụvị ka Ịrabanị ộ kà a ka: Ẹnẹyịmavara ee re ọnịrị ọ ịjị ẹnị ẹ̀ sị ha hi. Imizipa: ịrẹha ọnọnị ô vene ịzị a yà sị eyi pè ẹtẹ ịnị ẹkụra Anihiburu.

2 Ohinọyị 25:23

Ịjị ọdọvịdị Anịjuda ọnịrị isoja ẹnẹ ẹ yị va ẹnya ịrẹkụ hi ẹtẹ wụ́ ka ohinọyị Ịbabịrọnị ọ raà sị Igidarịya mẹ̀ Ịgọvọnọ, dị ẹnịnị va ụvọ beri ọ Imizipa nị. Ọdọvịdị ẹnẹẹ ẹ vị Isimẹrị ozi Inetanaya, Ijohananị ozi Ikareya, Iseraya ozi Itanihumẹtị hụrẹ ẹkụra Inetohwa, ọnịrị Ijaazanaya ozi Imaaka.

Inehemaya 9:1

Ịnị ẹkụhị ohurẹwụrẹna ịnị ụhwẹ ịhịmba ịrayị, Anisirẹrị nịnị ệ kụ ẹngụ gụ, dị ẹ za awẹ, dị ẹ kụ edudu ku ịrẹsụ ana sị zụ ka ayị ẹnịnị ô du agụvị ịvị ẹnẹ ẹ mẹ nị.

Ijeremaya 40:6

Ijeremaya ka dị ọnị na ra pe Igidarịya ẹtẹ Imizipa nị. Ọnịrị aza ana vọ ana a navọ hị́ ịnị ẹkụra ẹ ra hi ịzọọ nị.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Ijowẹrị 2:16

Kụ aza gụ Mẹ̀ wa dị ẹ vị ọza ọnịnị; Hị́ azọkụ ọnịrị ezweyi ne beri ezịnụvọ, ọnịrị ẹvarose ọwọọwa anaa jẹrị ẹngụ. Ọzọza ọ va gụ ịnị irehi Ohomorihi.

Ijosuwa 15:38

Idirani, Imizipe, Ijokiteeri,

Ijosuwa 18:26

Imizipe, Chehwira Imoza,

Ọdọvịdị 10:17

Ẹkụhị ọnya dị isoja Anamọnị sị ẹngụ ịrẹkụ tenyi Igiriyadi ka ẹnị a kụ ịrẹkụ ne tu Anisirẹrị nịnị ẹtẹ Imizipa ịzị isoja Anisirẹrị nịnị rẹ ya e tenyi ẹngụ nị.

Ọdọvịdị 20:1

Anisirẹrị nịnị hụrị ẹtẹ Ịdaanị na ngụ Ịbẹẹsẹba huu na ngụ Igiriyadi, dị ệ wárá ẹngụ gụ vabẹ ọvịdị Ẹnẹyịmavara ịzị aā hị́ Imizipa.

1 Ịsamụwẹrị 10:17

Ẹkụhị ọnya dị Ịsamụwẹrị hị́ Anisirẹrị dị ọ ka ẹ̀ wara nọ Imizipa, ka ẹnị aa naa hẹkẹ Ẹnẹyịmavara ịzọọ nị.

1 Ịsamụwẹrị 12:17

Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 12:23

Àa vị ẹmịị yọ, mẹ yị zụ kà ka mẹ yị mẹ̀ aduwaa yị wụ nịnị. Ọchọnọọyịrẹsụ amị! Mẹ yị zụ vavọọ mẹ̀ ebira odivi. Mị vaa sịị zụ̀ wụ nịnị ebira ene zoza dị ọ rẹ vọrọ.

1 Ịsamụwẹrị 7:12

Ịhị ọnọọ dị Ịsamụwẹrị sị ịrẹta di o hì ọ jẹẹ ịnị akakana Imizipa ọnịrị Iseni nị. Dị ọ ka ịzọọ ọ rị “Ịrẹta ọgụvọ”. Ọ kà, “Ẹnẹyịmavara ọ gụ ẹnị ụvọ ve tù ịzọọ.”

1 Ịsamụwẹrị 7:16

Ọ̀ọ hụrẹ Ịbẹtẹrị, dị ọ vavọọ zị ọ pooro na ngụ Igirigari ọnịrị Imizipa dị ọ vavọọ aa mẹ̀ ọkarẹyị yị aza ẹnẹẹ. Avọọ ọ mẹ̀ẹ mẹ ịrayị-ịrayị nị.

1 Ịsamụwẹrị 7:4

Ịzẹyịza dị Anisirẹrị kụ́ ori ẹnịnị ana aā hị́ Ịbaarị ọnịrị Asịtọrẹtị kwooze, dị ahịka Ẹnẹyịmavara ịnya kẹnẹ ẹ kụkụ aa hẹkẹ nị.

1 Ịsamụwẹrị 8:6

Ịjị ẹ vavọọ kà ka Ịsamụwẹrị ọ̀ nyị ọza ịnya dị ọza ọnọọ ọ̀ vị ohinọyị ana kụkụ vaa vị ọdọvịdị ẹnịnị, ịrẹyị ọnọọ ô du Ịsamụwẹrị ayị. Dị Ịsamụwẹrị ne tù Ẹnẹyịmavara dị aa mẹ̀ aduwa nị.