1 Ịsamụwẹrị 7:10 - IWE ỌNỊNỊ

¹⁰ Ụmẹ ọnị Ịsamụwẹrị aa sịị mẹ̀ ịsọvọ ọnọọ, di Anihwirisiti aa kà a pè Anisirẹrị ka ẹnị ẹ̀ na gẹ ịrẹkụ nị. Ẹ́ mẹ̀ vavọọ aa na kẹnẹ, dị Ẹnẹyịmavara há apaana ihinẹba kú wa pàra nị. Apaana ọnọọ ộ mẹ̀ ka ngwa ò hi Anihwirisiti nịnị ẹtẹẹtẹrẹ, dị ẹ và hi, di eyee zwe nị.

1 Ịsamụwẹrị 7:10 ပူးပေါင်းရင်းမြစ်များ

Ahẹ Ụgama 18:15

Ẹnẹyịmavara, ịjị ụ kụ́ ayị dị ụ kara eyi hi ọnịvị awụ òkū vị ana maanị tịnọ yaara dị aza ee re iruvo enyi Ẹtẹ vi ana ha hi, dị aza ee re iruvo ẹtẹ nị.

Ahẹ Ụgama 29:3

Ẹnẹyịmavara mè kà ịrẹyị dị enyi dọ ọngwẹ dị apaana ihinẹba aa ha kẹnẹ nị Ohomorihi ana nyị ụbanyị ộ mẹ̀ ka apaana ihinẹba ọ̀ há, di enyi ẹbanyị-ẹbanyị aa sụ́ wụụrụ kẹnẹ nị

Ahẹ Ụgama 29:4

Aza mẹ̀ wụ Ẹnẹyịmavara màa kà ịrẹyị, ệ yẹ ka vị ọ nyayịnẹ nyị ụkata ọnịrị ụbanyị nị.

Ahẹ Ụgama 78:66

Dị ọ za ọnịvị anị dị ọ dụ wa varẹma, dị ahịka vị ụhị kụkụ aa nyị wa pooro-pooro nị.

Ịzakaraya 4:6

Enube ọnị Ẹnẹyịmavara tụ́ anggẹẹrị hi Izerubabẹrị yị: Ẹnẹyịmavara Ochẹtẹẹngụ kà, ẹ yị vị ụkata isoja anị, a vị ụkata ọnị ụvọta ọ vaa sị nyị ẹbẹẹba ọnịvị anị. Ẹnẹyịmavara ọ vaa sị ụkata anị mẹ̀ ẹ yọ nị.

Iwe Ọhụhị Imosiisi ana aa hị́ Ọyịvatụrọda 28:7

Ọnịvị awụ nịnị ana àa kwẹẹtẹ tu wu nịnị, Ẹnẹyịmavara vee hú wa ẹtẹẹ yị wụ nịnị. Ẹ vaa zi oze ọnyaa kwẹẹtẹ tu wu nịnị, ama oze ịhịmba e vee zwèe zị nị.

Ijosuwa 10:10

Dị Ẹnẹyịmavara sị angwahi va wa zịị, dị Anisirẹrị wụ̀ wa va ha ẹtẹẹtẹrẹ nị. Dị ẹ dụ wa va tụra oze na ngụ Ịbẹtị-Ihoroni, dị ẹ wụ̀ wa oze Azeeka ọnịrị Imakeda.

Ọdọvịdị 4:15

Ẹnẹyịmavara ộ va Isisera ọnịrị isoja ana kụ ịkẹkẹ ịrẹkụ ne beri avaba isoja anị zi nị. Ịjị Isisera re ka ẹtẹ ọ sị va zi, di o ji hụụ ịrẹsụ ịkẹkẹ ịrẹkụ anị ee zwe nị.

Ọdọvịdị 5:20

Hụrị ẹbẹẹba ụzọmị nịnị kụ ịrẹkụ nị Ẹbẹẹba ẹ ya va eyi ịrazị ka Isisera nị.

Ọdọvịdị 5:8

Agụvị ka Anisirẹrị nịnị ệ nyị ka ẹnị aa hẹkẹ ori, dị ịrẹkụ ne gu wa hi oze ọbanyị ọbanyị ẹkụra ẹnịnị ene hi ịzọọ nị. Ẹ yị nyị ọza ana nyị ogonto a vị ọha ọyị sị kụ ịrẹkụ ịnị ẹnị akawụ-akawụ oze oohu.

1 Ịsamụwẹrị 12:17

Wáā yẹ ka ịnị ọhahị yị. Mị vaa mẹ̀ aduwa ka Ẹnẹyịmavara ọ̀ ha apaana ihinẹba, di ọ̀ zụ̀ orihi. Ọnọọ vaa mẹ ka wa yẹ nịnị ka ụ nyayịnẹ rị ịvị Ẹnẹyịmavara ụ̀ụ mẹẹ họ̀ ọ use ka ọ sị ohinọyị yị awụ nịnị.”

1 Ịsamụwẹrị 14:15

Angwahi ộ ka avaba isoja Anihwirisiti vẹ. Isoja ene hi udi ịnị avị ọnịrị ene hi ẹhẹ ana aa dụ aza, dị ẹ yaa dọ wa ẹnya vị ana angwahi ngụ ẹngụ. Ohomorihi ộ mẹ̀ ka ẹtẹ ò zizi.

1 Ịsamụwẹrị 2:10

Aza ana kwẹẹtẹ tù Ẹnẹyịmavara vị ọnị ọ vaa garaa ha. Apaana ihinẹba ọ vaa tụ́ụ hi wa nị. Ẹnẹyịmavara vaa mẹ̀ ọkarẹyị avaba anẹhẹ. Ọ vaa sị ụkataa yị ọza ọnị ọ sị mẹ ohinọyị, mị ka ọza ọnị ọ̀ọ nyị mẹ ohinọyị, vị ọnị ọ vaa sị ụkataa yị.”

1 Ịsamụwẹrị 7:11

Dị Anisirẹrị jịnẹ hi ẹhẹ hụrẹ Imizipa, di e kụ́ chire Anihwirisiti nịnị nị. Dị Anisirẹrị vavọọ wụ̀ wa huu na ngụ ọgụrị ịzị aā hị́ Ịbẹtị Ikari nị.