1 Ịsamụwẹrị 6:6 - IWE ỌNỊNỊ

⁶ Dị ọga ori ẹnẹẹ ka asị Anihwirisiti nị nịnị na mẹ akamawụ anka Anijipiti ẹnịrị ohinọyị ẹnịnị mẹ̀ na mẹ ịyẹẹyẹ. Ẹ ka Ịjị Ohomorihi tana ụvọ za Anijipiti vị ẹ wụsẹ si oze yị Anisirẹrị ka ẹ̀ jịnẹ dị ẹ̀ẹ na nị.

1 Ịsamụwẹrị 6:6 ပူးပေါင်းရင်းမြစ်များ

Ijoovu 9:4

Ohomorihi ọ yẹ ịrẹyị dị ọ rẹ nyị ụkata ẹnẹmẹhị nị.

Ọyịkụra 10:3

Di Imosiisi ọnịrị Eerọnị ne tù Ihwarawo dị ẹ ka Ẹnẹyịmavara ana vị Ohomorihi Anihiburu ka ộ yị va dọ ka ọnị aa ká ẹngụ anịị chi yị ọnị ọgọnị? Di Imosiisi nịnị ka Ẹnẹyịmavara kà ọ̀ hụrẹ aza anị ụvọ dị ẹ na, dị ẹ̀ na hẹkẹ ọnị.

Ọyịkụra 14:17

Mị vaa mẹ ka ayị Anijipiti ọ̀ katẹngụ dị ẹ yaa dị waa na. Ịsị mị rẹ vaa mẹ Ihwarawo ọnịrị isoja anị ne beri ịkẹkẹ oni umaataā tura ọnịrị aza anị anaā tụra umaata vaa mẹ ka aza ẹ̀ẹ sị ụbanyịị mị.

Ọyịkụra 14:23

Dị Anijipiti nịnị kụ́ chire wa na ngụ ini òkū nị. Ẹnịrị umaata ẹnịnị beri ịkẹkẹ oni umaataā tura ne beri aza ana aa sị waa zị ẹ vavọọ dụ wa na ngụ ini òkù nị.

Ọyịkụra 4:21

Dị Ẹnẹyịmavara kà a yị Imosiisi dị ọ ka òo tù Ijipiti, re ka wâ mẹ avaba ịvọpa ọnị ọnị sị ụkata yọ ka ọ̀ mẹ éyi Ihwarawo. Ọ kà ama ọnị vaa mẹ ka Ihwarawo ọ̀ za ayị anị katẹngụ, dị ọ yị zẹẹ ka aza anị ẹ̀ na.

Ọyịkụra 7:13

Ihwarawo vị ana sị sị ayị anị katẹngụ anka Ẹnẹyịmavara mẹ̀ vịdị kà a. Ọ yị zẹẹ ka ọnị ọ̀ dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 7:14

Dị Ẹnẹyịmavara rẹ hị́ Imosiisi dị ọ ka: Éē re ka ayị Ihwarawo vị ana kị kà geri-geri, ọ yị zẹẹ ka aza ẹnẹẹ ẹ̀ na.

Ọyịkụra 8:15

Ama Ịjị Ihwarawo re ka ẹtẹ ọ sị rọ, dị ọ rẹ sị ayị anị kà geri-geri nị, Anka Ẹnẹyịmavara mẹ̀ vịdị kà a, Ihwarawo ọ yị dọ ịrẹyị Imosiisi ọnịrị Eerọnị tụ́ ịzọọ.

Ọyịkụra 8:32

Ama Ihwarawo vị ana sị sị ayị anị kà geri-geri ịnị ụmẹ ọnọnị bẹẹ. Ọ yị zẹẹ ka aza ẹnẹẹ ẹ̀ na.

Ọyịkụra 9:16

Ama ọnị ộ navọ wa ka ẹ̀ yị yà ẹhẹ agụvị dị ẹ̀ yẹ ka ọnị ọ nyị ụkata. Ọ kà ọnọọ ọ̀ vaa mẹ ka aa kà ịrẹkụkụ anị ịnị avaba ẹhẹ nị.

Ọyịkụra 9:34

Ịjị Ihwarawo re ka opomi ọnịrị ata orihi ne beri orihi e si ji, dị ọ raa mẹ̀ ebira odivi anị nị. Dị ọnịrị anụkọrọ anị rẹ sị ayị ẹnịnị kà geri-geri nị.

Aniroomi 2:5

Ayị awụ ọ sị katẹngụ, weyi sì ka we ro ịnẹ varẹma. Agụvị avọọ waa dàa tụ́ ịnị ụyaa yị ẹngụ awụ ịnị ẹkụhị oni Ohomorihi vaa sị ọyị kụ anị ọnịrị ọkarẹyị anị ana vọrọọ zụ̀ aza.

Anihiburu 3:13

Agụvị asị a nyị ọza ene vene ịvị na mẹ ka ayị anị ọ̀ katẹngụ, wee hú ẹngụ ụvọ nịnị eyinị-eyinị m màa yịị kà a ajịnị aanị.