1 Ịsamụwẹrị 6:5 - IWE ỌNỊNỊ

⁵ Ọga ori ẹnẹẹ rẹ ka Anihwirisiti nị ẹ vavọọ tụ́ igooru anka ịtahụ ana tụra wa, dị ẹ̀ rẹ vavọọ sị igooru tụ́ usu ene du aarẹ ẹnịnị ha, dị ẹ̀ sị na sị ụbanyị yị Ohomorihi Anisirẹrị. Ọga ori ẹnịnị ẹnẹẹ ka Anihwirisiti nị ẹ̀ vavọọ mẹ, ịsavọọ dị Ohomorihi ọ̀ za ụvọọ jẹẹ dị asị ọ kụkụ rẹ pa ịva yị ẹnịrị ori ẹnịnị ne beri ẹtẹ ẹnịnị.

1 Ịsamụwẹrị 6:5 ပူးပေါင်းရင်းမြစ်များ

1 Ịtọpa 16:28

Ẹwụ nịnị aza, waa sị ụbanyịị yị Ẹnẹyịmavara, dị waa kà a ọ mẹmẹ nyị ụkata nịnị.

1 Ịtọpa 16:29

Wàa wụ́ ịrẹha Ẹnẹyịmavara, waa sị ụbanyị ana vọrọ tụra a yọ nịnị. Sị ịsa va mẹ̀ ẹ ẹyịza ịnị ohweje anị nịnị. Tana tụra ẹtẹ dị waa kụ́ Ẹnẹyịmavara nịnị anka ọ mẹmẹ nyị ụbanyị.

Ahẹ Ụgama 18:44

Ịsị ẹ̀ẹ wụ́ ka mâ kà kẹnẹ, obobooro ẹ wụsẹ aa mẹ̀ ẹ nị Ọzọga nịnị ẹ yị hyakụ nyayịnẹ kụ̀rà eyi re mi.

Ahẹ Ụgama 32:4

Ohomorihi, ọọdụ ọnịrị ịrahụ vị ọnị ụ nyayịnẹ tana ụvọ za mị Ẹngụ amị ộ ta vara anka avị ịnị ọhahị avọọ.

Ahẹ Ụgama 39:10

Navọ asị ụ rẹ kụkụ sị ụya rị mị ka ipono awụ aa vaa wụ̀ mị.

Ahẹ Ụgama 66:3

Waā kà a yị Ohomorihi nịnị ka ụkọrọ amị vi ene eē hí ọza angwa. Kà a ka ụkata anị ọ banyị pooro ana ahịka ọnịvị anị mè re e, vị angwa ee hi wa dị ẹ yaa vaa kú ẹtẹ nị.

Ọyịkụra 12:12

Ọ kà ịrahụ ịhị ọnọọ gẹdẹ-gẹdẹ, ọnị vaa parahu ịnị ẹtẹ Ijipiti. Avaba ozi ọzọkụ ẹnịnị, ọ́ọza ọnịrị ịsụpa vị ọnị ọnị aa wụ. Dị ọnị mẹ̀ ọkarẹyị yị avaba ori Anijipiti. Dị ọ ka ọnị Ẹnẹyịmavara ọ ka avọọ nị.

Ọyịkụra 8:17

Ịzẹyịza dị ẹ vavọọ mẹ nị. Eerọnị mẹ̀ tana okutẹ anị dị ọ sị nya ezi ene hi ini eteesu, dị ịhyama chaka kú avaba aza ọnịrị ịsụpa nị.

Ọyịkụra 8:24

Ịzẹyịza dị ahịka avọọ Ẹnẹyịmavara mẹ̀ mẹ nị. Di isi maanị ká dúù ne hi ini eehi Ihwarawo nị. Avọọ ọ mẹ rẹ ka ne hi ini eehi anụkọrọ anị ọnịrị avaba Ijipiti nị. Di isi kụ́ ẹngụkata tụ̀ avaba ẹtẹ Ijipiti kẹnẹ nị.

Ọyịkụra 8:5

Dị Ẹnẹyịmavara kà a yi Imosiisi dị ọ ka ọ̀ kà a yị Eerọnị ka ọ̀ sị okutẹ anị dị ọ̀ tana a hi orosi ọnịrị imisi, dị ọ̀ sị kụ́ ọnyọ vẹ ịnị ẹtẹ Ijipiti.

Ayịsaya 19:1

Ịrẹyị ene vee tù Anijipiti yị: Ẹnẹyịmavara vị ana tụra eguhi di ee zwee ve Ijipiti. Ori Anijipiti nịnị mè re e, ẹngụ ẹnịnị ẹ kụ́ sù ẹgahị, dị angwahi sị ngụ Anijipiti ẹngụ nị.

Ayịsaya 42:12

Aza ana ra hi aha ẹnẹẹnẹ ee gono Ẹnẹyịmavara, dị ẹẹ sị igirimaa yọ.

Ijeremaya 13:16

Waa sị ụbanyị yị Ẹnẹyịmavara, Ohomorihi awụ nịnị dị ọ̀ vaa mẹ ka ịrahụ ọ̀ za ụ nịnị, dị wa vaa vangga nịnị ịnị ataba. Sị ụbanyị yọ nịnị dị ọ̀ vaa vara ẹtohweyi ọnị wee zi eyi nịnị ịrahụ ruma-ruma.

Ijeremaya 3:13

Ẹnẹyịmavara kà dọ nịnị kẹnẹ ka waa rị ịvị nịnị, dị ụ kụ̀ hịrẹ ọnị ana vị Ohomorihi awụ nịnị nị. Dọ irenu nịnị ka waa mẹ̀ ebira ịrẹka ọyị sẹ, dị ụ naa hẹkẹ ori nịnị iruvo ọchị ohwoohu nịnị nị. Dọ irenu nịnị ka wẹ yị wụ́ chire Ohomorihi awụ nịnị.

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Ijona 3:9

Ẹnịnị ẹ̀ẹ vavọọ mẹ̀, ẹnẹ yẹ̀ ẹyịyara ayị Ohomorihi vaa rọ, dị ọ va hụụnị ọyịkụ anị, di o yi vu ẹnị ẹtẹ.

Ịmarakayị 2:2

Ộ kà yị wa ka, ẹnịnị ẹ yị zẹẹ ka ẹnị ẹ saasa ịrẹyị anị, dị ẹ yị sị ụbanyị yi ọnị nị. Ọ kà ọnị vee chì hi wa. Ọnị vaa vara ize ẹnịnị ozirenu. Ọ kà ọnị ộ hyakụ raà vara a ozirenu agụvị ka ẹnịnị ẹ sị ịrẹyị anị tụ́ aruvore.

Ịrịka 33:4

Ụmẹ ọnị ẹ̀ sị kwẹẹtẹ Anigipiti nịnị e si ne oku avaba ezi ịpaapa ẹnịnị anọrụ ẹnị Ẹnẹyịmavara wụ̀ nị. Ẹnẹyịmavara vị ana sị zụ wa ka ọnị ọ nyị ụkata hụụnị avaba ori ẹnịnị nị.

Ịjọọnụ 9:24

Dị Aniju nịnị re tenyi ọza ene vịdị gu eyi aanị hị́ nị. Dị ẹ kà a yọ ka, “Ẹwà kà ịrẹyị ịzẹyịza Ohomorihi; ẹyị â yẹ ka ọnọrụ ọnọọ vị ọnịvị.”

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”

Ẹtore 11:13

Ụmẹ ọnọọ gẹdẹ-gẹdẹ, dị ẹtẹ henyi jigi-jigi, dị agẹẹwụ ẹkụra ọnọọ gara va ha, dị aza ẹnị akahị-akahị oze ịhịmba (7,000) sú ịnị ẹtẹ ana vavọọ henyi avọọ nị. Angwa ô hí ẹnị ana vọ, dị ẹyaa sị ụbanyịị yị Ohomorihi ana yà ẹbẹẹba nị.

Ẹtore 14:7

Di o nowu tụ́ ẹba ka, “Nyị angwahi Ohomorihi, dị waa sị ụgaa yọ, agụvị ka ụmẹ ana aa sịị mẹ̀ ọkarẹyị anẹhẹ o si tù. Waa hẹkẹ ọza ana mẹ ẹbẹẹba ọnịrị ẹhẹ beri oku ọnịrị enyi ẹtẹ!”

Ẹtore 16:9

Dị ọyị aa rị aza kẹnẹ nị. Dị aza aa kà ịrẹyị odivii hi Ohomorihi, ana ahịka ọ́ọ nyị ụkata tụ́ ịrẹsụ ụyọrị ẹnẹnị nị. Ẹnịnị eyi ro ịnẹ varẹma, dị ẹ̀ẹ ga Ohomorihi.

1 Ịsamụwẹrị 5:11

Dị Anekironi va hị́ avaba ọdọvịdị Anihwirisiti nị anda ẹnịnị ene hi ịzọọ gụ dị ẹ ka à sị apoti oto Ohomorihi Anisirẹrị ọnọọ hụụ ịda ẹnịnị. Ẹ ka à sị ọ nọ eehi anị ka à yị vị avọọ vị aa wụ ẹnịrị aza ẹnịnịị vaa ha nị. Avaba anẹkụra ọnọọ ê re ka Ohomorihi aa tana ụvọọ za ẹnị, dị angwahi ta ngụ wa ẹngụ nị.

1 Ịsamụwẹrị 5:9

Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.

1 Ịsamụwẹrị 6:8

Dị ọga ori ẹnẹẹ ka ẹ̀ẹ vavọọ sị ọ mẹ, dị ẹ̀ va sị apoti Ẹnẹyịmavara tụra ịkẹkẹ ọnọọ. Dị ẹ̀ rẹ kụ́ igooru ene e tụ́ avọọ ẹnẹ ẹ yaa sị naa mẹ̀ ịsọvọ, dị ẹ̀ kụ́ ọ hi ịnị ẹnya ana yà akaha apoti ọnọọ. Ọga ori ẹnẹẹ ka ẹ̀ẹ vavọọ sị ọ mẹ, ẹ̀ sị imaaru ẹnẹẹ và tụra oze, dị ẹnị ụvọta ẹ̀ẹ na.