1 Ịsamụwẹrị 6:4 - IWE ỌNỊNỊ

⁴ Dị Anihwirisiti ẹnẹẹ va họ̀ ọga ori ẹnịnị ẹnẹẹ use dị ọ ka ye re ẹngụ ịsa ịsọvọ ana a vọrọ ka ẹnị ẹ̀ sị na yi Ohomorihi. Dị ọga ori ẹnẹẹ ka ẹ̀ sị igooru dị ẹ̀ vavọọ si tụ́ ẹngụ ịtahụ ana tụra wa avọọ ẹẹhị, dị ẹ̀ rẹ sị igooru tụ́ ẹẹhị ẹnị ẹ vaa sịị na. Ọga ori ẹnẹẹ ka igooru ene èe tụ́ ọ̀ gụ ịrịka ohinọyị Anihwirisiti nịnị, agụvị ka ụkụ ọnya-ọnya ọ za ẹnịrị ohinọyị ẹnịnị nị.

1 Ịsamụwẹrị 6:4 ပူးပေါင်းရင်းမြစ်များ

Ọyịkụra 12:35

Anisirẹrị nịnị ệ mẹ ịsị Imosiisi kà a ka ẹ̀ mẹ. Dị ẹ ka Anijipiti ẹ kụ́ ịsa ẹkẹhị ọnịrị igooru ne beri ịta yị ẹnị nị.

Ijosuwa 13:3

hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi.

Ọdọvịdị 14:19

Dị Ẹnẹyịmavara sị ụkata yị Ịsamịsịnị, dị ọ nọ ịzị a hị́ Asikerọnị dị ọ wụ̀ anọrụ ohurẹẹwụ ịzọọ nị. Ịjị ọ sị wa wụ̀, dị ọ kụ ẹnya ẹnịnị dị ọ va ga a yị aza ana swẹ ụhị anị nị. Ịsa ana mẹ aanị ộ kụ Ịsamịsịnị ayị ẹtẹẹtẹrẹ, dị ọ jị ayị dị aa nọ eehi anị nị.

Ọdọvịdị 3:3

Anẹkụra ọnị Ẹnẹyịmavara navọ ẹ vị: Anihwirisiti ana nyị ohinọyị ẹẹhị, avaba Anikenaani, Anịsayịdọnị, Ihivitiana ra ịrẹsụ ataba Ịrẹbanọnị hụrẹ ataba Ịbaarị Ihamọnị huu na ngụ oze Irebo-Ihamati.

1 Ịsamụwẹrị 5:12

Aza ene è yi sú vị ọnị ịtahụ tụra hi iruvo, dị ẹnịnị ee nowu ka Ohomorihi ọ̀ dọ ẹnị tụ́ nị.

1 Ịsamụwẹrị 5:6

Ẹnẹyịmavara ộ tana ụvọ za Anasidodi ọnịrị aza ana ra gụrị wa. Ộ sị ụya rị wa ẹtẹẹtẹrẹ, dị ọ mẹ ka ụkụ ọ̀ za wa di iruvo ẹnịnị ọ̀ọ tụra nị.

1 Ịsamụwẹrị 5:9

Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.

1 Ịsamụwẹrị 6:5

Ọga ori ẹnẹẹ rẹ ka Anihwirisiti nị ẹ vavọọ tụ́ igooru anka ịtahụ ana tụra wa, dị ẹ̀ rẹ vavọọ sị igooru tụ́ usu ene du aarẹ ẹnịnị ha, dị ẹ̀ sị na sị ụbanyị yị Ohomorihi Anisirẹrị. Ọga ori ẹnịnị ẹnẹẹ ka Anihwirisiti nị ẹ̀ vavọọ mẹ, ịsavọọ dị Ohomorihi ọ̀ za ụvọọ jẹẹ dị asị ọ kụkụ rẹ pa ịva yị ẹnịrị ori ẹnịnị ne beri ẹtẹ ẹnịnị.

1 Ịsamụwẹrị 6:8

Dị ọga ori ẹnẹẹ ka ẹ̀ẹ vavọọ sị ọ mẹ, dị ẹ̀ va sị apoti Ẹnẹyịmavara tụra ịkẹkẹ ọnọọ. Dị ẹ̀ rẹ kụ́ igooru ene e tụ́ avọọ ẹnẹ ẹ yaa sị naa mẹ̀ ịsọvọ, dị ẹ̀ kụ́ ọ hi ịnị ẹnya ana yà akaha apoti ọnọọ. Ọga ori ẹnẹẹ ka ẹ̀ẹ vavọọ sị ọ mẹ, ẹ̀ sị imaaru ẹnẹẹ và tụra oze, dị ẹnị ụvọta ẹ̀ẹ na.