1 Ịsamụwẹrị 5:9 - IWE ỌNỊNỊ

⁹ Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.

1 Ịsamụwẹrị 5:9 ပူးပေါင်းရင်းမြစ်များ

Ahẹ Ụgama 78:66

Dị ọ za ọnịvị anị dị ọ dụ wa varẹma, dị ahịka vị ụhị kụkụ aa nyị wa pooro-pooro nị.

Emọsị 5:19

Ịhị ọnọọ vaa sị mẹẹ anka ọza òo zwe yi idu na gẹrẹ ọdụmị avọọ nị. Ô zwe na tẹ̀ ịnị eehi, dị ọ sị ụvọ tụra ugene, dị ẹ́wụ́ jị ọ ịrẹrụ nị.

Iwe Ọhụhị Imosiisi ana aa hị́ Ọyịvatụrọda 2:15

Ẹnẹyịmavara vana sị ụya rị wa pooro dị avaba ẹnịnị su va ha.

1 Ịsamụwẹrị 12:15

Ama wẹ̀ yị na wụ́ chire Ẹnẹyịmavara nịnị, dị wẹ̀ yị zẹẹ ka wa dọ ọda anị nịnị nị, vị ọ vaa tana ụvọọ za wụ nịnị anka ọ mẹ̀ ohiku awụ nịnị nị.

1 Ịsamụwẹrị 5:10

Dị Anigati ẹnị rẹ sị apoti oto Ohomorihi ọnọọ, dị ẹ ka à sị ọ na tụ́ ịzị aā hị́ Ekironi nị. Anekironi mè re ka aā sị apoti ọnọọ aa ngụ ịnị ẹkụra ẹnịnị, di e nowu za ẹtẹ dị ẹ ka, “A raà sị apoti oto Ohomorihi Anisirẹrị vẹ ka à sị va wụ ẹyịrị aza ayị và ha ộ!”

1 Ịsamụwẹrị 5:11

Dị Anekironi va hị́ avaba ọdọvịdị Anihwirisiti nị anda ẹnịnị ene hi ịzọọ gụ dị ẹ ka à sị apoti oto Ohomorihi Anisirẹrị ọnọọ hụụ ịda ẹnịnị. Ẹ ka à sị ọ nọ eehi anị ka à yị vị avọọ vị aa wụ ẹnịrị aza ẹnịnịị vaa ha nị. Avaba anẹkụra ọnọọ ê re ka Ohomorihi aa tana ụvọọ za ẹnị, dị angwahi ta ngụ wa ẹngụ nị.

1 Ịsamụwẹrị 5:6

Ẹnẹyịmavara ộ tana ụvọ za Anasidodi ọnịrị aza ana ra gụrị wa. Ộ sị ụya rị wa ẹtẹẹtẹrẹ, dị ọ mẹ ka ụkụ ọ̀ za wa di iruvo ẹnịnị ọ̀ọ tụra nị.

1 Ịsamụwẹrị 6:11

Dị ẹ sị apoti oto Ohomorihi tụra ịkẹkẹ ọnọọ nị. Dị ẹ rẹ kú igooru ene e si tụ́ ịtahụ ọnịrị usu, dị ẹ kụ́ ọ hi ịnị ẹnya di e si pè apoti ọnọọ nị.

1 Ịsamụwẹrị 7:13

Avọọ a mẹ̀ huna Anihwirisiti nịnị, dị ẹ̀ yị kụkụ kụ́ ịrẹkụ nọ ịnị ẹtẹ Anisirẹrị nịnị nị pooro dị Ịsamụwẹrị ve sú nị. Ẹnẹyịmavara vị ana nyayịnẹ tana ụvọ za Anihwirisiti nịnị.