1 Ịsamụwẹrị 5:8 - IWE ỌNỊNỊ

⁸ Dị ẹ va hị́ ọdọvịdị Anihwirisiti nị gụ, dị ẹ họ̀ wa ka ẹnị mẹ̀ vaa mẹ Apoti Ohomorihi Anisirẹrị aanị kẹ. Dị ọdọvịdị Anihwirisiti nị tụ́ ohi, dị ẹ kà a yị wa ka ẹ̀ sị apoti ọnọọ na tụ́ ịzị aā hị́ Igati nị. Ịzẹyịza dị ẹ sị apoti ọnọọ na tụ́ Igati nị.

1 Ịsamụwẹrị 5:8 ပူးပေါင်းရင်းမြစ်များ

1 Ịtọpa 7:21

Izabadi, ọnịrị Isutera. Ehwireemi ộ ma ezi ọnọrụ ẹẹva ọsa ịrẹma Isutera. Ịrẹha ẹnịnị ọ rị Ezeri ọnịrị Eriyada nị. Ịsụpa Anịgaatị nịnị ẹ ka ẹnị è ne yi dị a wụ̀ wa nị.

Emọsị 6:2

Ẹnẹyịmavara kà ẹnịnị e ne re ịsẹ tu ẹkụra ọzọza ịnị ẹtẹ Ikarine, ọnịrị Ihamati ẹkụra ọbanyị ne beri Anigati ịnị ẹtẹ Ihwirisiti. Ẹnịnị wáá nyị ụkata hụụnị Anẹkụra ẹnẹẹ nị?

Ịzakaraya 12:3

Ama yị ụmẹ ọnọọ o si tù, Ẹnẹyịmavara kà ọnị vaa mẹ Ijerusarẹmị ka ọ rata anka ịrẹta. Ọza ana a sị ọ vị ọnị ọ vaa tọ̀ ụnava. Avaba ẹkụra ene hi ịnị ẹhẹ vaa vabẹ gẹ ịrẹkụ tù ọ.

Ijosuwa 13:3

hụrị irehu Isihoni ana ya eyi ịzị ọyịị̄ zịị vẹ ịnị ẹtẹ Ijipiti na ngụ eyi ẹbẹẹba ịnị ẹtẹ Ekironi ana a kà a ọnị vị ẹtẹ Anikenaani. Anihwirisiti nini ẹ nyị ohinọyị ẹẹhị ana ya Igaza, Asidodi, Asikeroni, Igati, ọnịrị Ekironi ne beri Awimi.

Ijosuwa 15:11

Ẹhwị ẹtẹ ọnọọ ộ na ngụ ịnị ataba Ekironi eyi ẹbẹẹba. Dị ọ zị oze Isikeroni, para Ataba Ịbaara hu, dị ọ na ngụ ịzị aā hị́ Ịjabịnẹẹrị nị; dị a hịka ịnị Òkū Imeditareniya ọ na zẹtẹ tụ nị.

1 Ịsamụwẹrị 17:4

 nyị ọnọrụ ọnya aanị ini isoja Anihwirisiti nịnị. Ịrẹha anị ọ rị Igorayati nị. Anẹkụra Igati ọ vị nị, dị ọ hụ̄ ẹtẹẹtẹrẹ nị. Ộ gọdọ tù ahụ ịhịịna.

1 Ịsamụwẹrị 17:52

Di Anisirẹrị ọnịrị Anijuda ana vọ kwẹẹtẹ, di e nowu, dị ẹ yaa dụ Anihwirisiti nịnị nị. Ệ dụ wa pooro na ngụ ịzị aā hị́ Igati, dị ẹ vavọọ na ngụ ini oze Ekironi nị. Oku Anihwirisiti vi ene hi oze huu na ngụ Igati ọnịrị Ekironi.

1 Ịsamụwẹrị 29:6

Di Akisi va hị́ Idevidi dị ọ ka, “Mâ sị Ẹnẹyịmavara tẹ ivenu ka wa rụra sị ayị tụra. Ẹmị yaanị sì ka wa yà ịnị isoja amị. Ụ mẹ̀ hụrẹ vẹ ịda amị pooro ve tù ajịnị, me yi re ebira odivi ịnị ụvọ awụ. Ama ọga isoja amị ka asị ụ saasa ayị.

1 Ịsamụwẹrị 5:11

Dị Anekironi va hị́ avaba ọdọvịdị Anihwirisiti nị anda ẹnịnị ene hi ịzọọ gụ dị ẹ ka à sị apoti oto Ohomorihi Anisirẹrị ọnọọ hụụ ịda ẹnịnị. Ẹ ka à sị ọ nọ eehi anị ka à yị vị avọọ vị aa wụ ẹnịrị aza ẹnịnịị vaa ha nị. Avaba anẹkụra ọnọọ ê re ka Ohomorihi aa tana ụvọọ za ẹnị, dị angwahi ta ngụ wa ẹngụ nị.

1 Ịsamụwẹrị 5:7

Ịjị Anasidodi vavọọ re ka ịrẹyị ô tù ẹtẹ, dị ẹ ka ẹ yị vọrọ ka ẹnị ẹ̀ si apoti oto Ohomorihi Anisirẹrị tịtẹ pè ẹngụ. Ẹ ka ụvọ Ohomorihi aa za ẹnị ọnịrị Ịdagọnị ana vị ori ẹnịnị.

1 Ịsamụwẹrị 6:2

Ẹkụhị ọnya dị Anihwirisiti nịnị va hi ọga ori ẹnịnị ọnịrị ẹnị ana aā há ẹva dị ẹ họ̀ wa ka ẹnị mẹ̀ vaa mẹ apoti Ẹnẹyịmavara aanị kẹ. Ẹ ka aza ẹnẹẹ ẹ̀ kà a yị ẹnị, ẹnị mẹmẹ vaa sị ọ varẹma nọ aha anị.