1 Ịsamụwẹrị 5:7 - IWE ỌNỊNỊ

⁷ Ịjị Anasidodi vavọọ re ka ịrẹyị ô tù ẹtẹ, dị ẹ ka ẹ yị vọrọ ka ẹnị ẹ̀ si apoti oto Ohomorihi Anisirẹrị tịtẹ pè ẹngụ. Ẹ ka ụvọ Ohomorihi aa za ẹnị ọnịrị Ịdagọnị ana vị ori ẹnịnị.

1 Ịsamụwẹrị 5:7 ပူးပေါင်းရင်းမြစ်များ

2 Ịsamụwẹrị 6:9

Ịhị ọnọọ angwa Ẹnẹyịmavara ô hị́ Idevidi. Dị ọ ka, “Apoti Ohomorihi ọnọnị, máá zụ sị ọ tụ́ ịda amị aanị?”

1 Ịtọpa 15:13

Idevidi ka, agụvị ka ẹ yị vị ẹnị ẹ vịdị na sị ọ, ịhị ịpaapa ẹnẹ ẹnị na sị ọ, Ẹnẹyịmavara, Ohomorihi ẹnịnị sị kụ́ ayị hi ẹnị nị; agụvị ka ẹnị ẹ yị saasa ọda ọnị Ohomorihi ka à sịị sị ọ.

Ọyịkụra 10:7

Dị anụkọrọ Ihwarawo va hị́ Ihwarawo dị ẹ ka Aanịka aanị ọnọrụ ọnọnị mẹ̀ vaa sị ụyaa rị ẹnị pooro nị? Ẹ ka ọ̀ navọ aza ẹnẹnị ẹ̀ẹ na dị ẹ̀ na hẹkẹ Ẹnẹyịmavara ana vị Ohomorihi ẹnịnị. Dị ẹ rẹ ka aanịka ọ yị yẹ ka Ijipiti ộ ta?

Ọyịkụra 12:33

Anijipiti nịnị aa há Anisirẹrị eyi ka ẹ̀ wụsẹ jịnẹ hụụnị ẹkụra ẹnịnị. Ẹnịnị ka ẹnị aa vaa taa súu ha.

Ọyịkụra 8:28

Di Ihwarawo ka ọnị aa navọ wa dị ẹ̀ na mẹ̀ ịsọvọ yị Ẹnẹyịmavara ana vị Ohomorihi ẹnịnị ịnị ụnọmị. Ama asị ẹ zị noze kẹnẹ. Dị ọ ka aarịhịnị Imosiisi ọ̀ dá ịpẹ ka à kụ́ ịsị ẹnẹnị kwooze yị ọnị.

Ọyịkụra 8:8

Di Ihwarawo va tụ́ na hị́ Imosiisi ọnịrị Eerọnị dị ọ ka: Aarịhịnị ẹ̀ dá ịpẹ yị Ẹnẹyịmavara kà ọ̀ kụ́ ọnyọ ẹnẹnị kwooze yị ọnịrị aza anị. Ọ kà ọ̀ọ raà kụ́ wa ọnị vaa zẹẹ ka aza Imosiisi nịnị ẹ̀ na dị ẹ̀ na mẹ̀ ịsọvọ yị Ẹnẹyịmavara.

Ọyịkụra 9:28

Dị ọ ka aarịhịnị Imosiisi ọ̀ dá ịpẹ yị Ẹnẹyịmavara kà opomi ọnịrị ata orihi ọnọnị ô zee ọgọnị. Ọ kà ọnị aa hụrẹ wa ụvọ ka ẹ̀ẹ na. Ọ kà asị ẹ kụkụ yà ịzọọ.

Ijeremaya 46:25

Ẹnẹyịmavara Ochẹtẹẹngụ, Ohomorihi Anisirẹrị ka, ọnị vaa sị ụyaa rị ori Anitebesi ana aā hi Amọnị. Ọnị vaa sị ụyaa rị Ijipiti ori anị nịnị beri ohinọyị ẹnịnị ọnịrị avaba aza ana sị ayị tụra ohinọyị ọnọọ.

Ijeremaya 48:7

Ẹ ka, agụvị ka waa sị ayị tụra aha ụkata awụ nịnị ọnịrị ogu awụ nịnị, ẹwụ nịnị nyẹmba vị ana a rẹ vaa za. Ori awụ nịnị ana aā hị́ Ikemosi vị ana za ọrịhịị nọ aha ọsa. A vaa za wa beri ohirẹsụ irehi ori ẹnịnị ọnịrị ọdọvịdị ẹnịnị.

1 Ịsamụwẹrị 4:8

Ẹ ka ịrẹyị ô tù ẹnị ẹngụ, ẹ ka ẹnẹ zụ dọ ẹnị tụ̀ hụụnị ụvọ Ohomorihi ana maanị nyị ụkata aanị? Ẹ ka aā vi Ohomorihi ọnọọ ọ vavọọ sị ụkụ irenyi-irenyi pa ịva yị Anijipiti ịnị ụnọmị.

1 Ịsamụwẹrị 5:6

Ẹnẹyịmavara ộ tana ụvọ za Anasidodi ọnịrị aza ana ra gụrị wa. Ộ sị ụya rị wa ẹtẹẹtẹrẹ, dị ọ mẹ ka ụkụ ọ̀ za wa di iruvo ẹnịnị ọ̀ọ tụra nị.

1 Ịsamụwẹrị 5:8

Dị ẹ va hị́ ọdọvịdị Anihwirisiti nị gụ, dị ẹ họ̀ wa ka ẹnị mẹ̀ vaa mẹ Apoti Ohomorihi Anisirẹrị aanị kẹ. Dị ọdọvịdị Anihwirisiti nị tụ́ ohi, dị ẹ kà a yị wa ka ẹ̀ sị apoti ọnọọ na tụ́ ịzị aā hị́ Igati nị. Ịzẹyịza dị ẹ sị apoti ọnọọ na tụ́ Igati nị.

1 Ịsamụwẹrị 6:20

Dị ẹ ka ẹnị ẹ nyayịnẹ jẹẹ zi Ẹnẹyịmavara ana vị Ohomorihi ọnịnị ọnọnị. Dị ẹ rẹ ka ẹnẹ ẹnị aa sị Apoti ọnọọ naa yị aanị.