1 Ịsamụwẹrị 5:6 - IWE ỌNỊNỊ

⁶ Ẹnẹyịmavara ộ tana ụvọ za Anasidodi ọnịrị aza ana ra gụrị wa. Ộ sị ụya rị wa ẹtẹẹtẹrẹ, dị ọ mẹ ka ụkụ ọ̀ za wa di iruvo ẹnịnị ọ̀ọ tụra nị.

1 Ịsamụwẹrị 5:6 ပူးပေါင်းရင်းမြစ်များ

Oyinyima 41:31

Ayị vee hi ka ịsọyịrị ộ vịdị pọ̀ hi ẹtẹ ịnị ẹtẹ Ijipiti da, ịsị ụngwẹ ọ̀ọ sị ọza mẹ.

Ijoovu 31:3

Ịzẹyịza, Ohomorihi vị anaā kụ ịrẹyị odivi tu aza ọhịmị, dị ọọ̄ kụ ịrẹsụ odivi tu aza anaa mẹ̀ ebira odivi nị.

Ahẹ Ụgama 145:20

Ẹnẹyịmavara vi ene ee sere avaba aza ene sì ịrẹyị anị. Ama avaba aza ana aa mẹ̀ ebira odivi vị ọnị ọ vaa wụụ ha.

Ahẹ Ụgama 147:6

Aza ana kà ẹngụ ẹnịnị chi vi ẹnị Ẹnẹyịmavara gụ ụvọ, ama aza ana aa mẹ̀ ebira odivi vị ọnị ọ vaa gụụ hyẹdụ.

Ahẹ Ụgama 32:4

Ohomorihi, ọọdụ ọnịrị ịrahụ vị ọnị ụ nyayịnẹ tana ụvọ za mị Ẹngụ amị ộ ta vara anka avị ịnị ọhahị avọọ.

Ahẹ Ụgama 78:66

Dị ọ za ọnịvị anị dị ọ dụ wa varẹma, dị ahịka vị ụhị kụkụ aa nyị wa pooro-pooro nị.

Ọyịkụra 9:3

ọnị vaa pa ịva yị ịsụpa anị ene hì ịnị aarẹ, dị ụkụ odivi wụ̀ umaata anị ọnịrị ịkẹrịkẹtẹ anị ne beri ịnyaakụmị ọnịrị imaaru anị ọnịrị atẹmẹ beri ẹvụ anị nịnị.

Odeyi 13:11

Ohomorihi ọ raà sị ụvọ tụra wụ booro aanị, u vee gu eyi, di u we yi kuku re ẹtẹ dị ẹkụhị che ọ̀ mẹ.” Obooboro ọnọọ, dị ịsa chire hi ọọ eyi, dị eyi anị si hozi nị. Di o kuku ee sì ọza anaa sị ụvọọ gẹ ẹ, dị ọ̀ọ zụ̀ ọọ oze nị.

Iwe Ọhụhị Imosiisi ana aa hị́ Ọyịvatụrọda 28:27

Ẹnẹyịmavara vaa mẹ ka ịtahụ ọ̀ tụra wụ nịnị anka ọ mẹ̀ mẹ Anijipiti nịnị ịrayị ọnọọ. Ọ vaa mẹ ka ẹngụ awụ nịnị ọ̀ vị ịtahụ-ịtahụ. Ịtahụ vaa chakaa ku wu ẹngụ nịnị, dị ẹngụ aa hụ́ wụ nịnị. Ịtahụ awụ nịnị ẹ yị vaa nyị ahọnọ.

1 Ịsamụwẹrị 5:11

Dị Anekironi va hị́ avaba ọdọvịdị Anihwirisiti nị anda ẹnịnị ene hi ịzọọ gụ dị ẹ ka à sị apoti oto Ohomorihi Anisirẹrị ọnọọ hụụ ịda ẹnịnị. Ẹ ka à sị ọ nọ eehi anị ka à yị vị avọọ vị aa wụ ẹnịrị aza ẹnịnịị vaa ha nị. Avaba anẹkụra ọnọọ ê re ka Ohomorihi aa tana ụvọọ za ẹnị, dị angwahi ta ngụ wa ẹngụ nị.

1 Ịsamụwẹrị 5:7

Ịjị Anasidodi vavọọ re ka ịrẹyị ô tù ẹtẹ, dị ẹ ka ẹ yị vọrọ ka ẹnị ẹ̀ si apoti oto Ohomorihi Anisirẹrị tịtẹ pè ẹngụ. Ẹ ka ụvọ Ohomorihi aa za ẹnị ọnịrị Ịdagọnị ana vị ori ẹnịnị.

1 Ịsamụwẹrị 5:9

Ịjị ẹ raà sị apoti ọnọọ na tụ́ Igati, dị Ẹnẹyịmavara rẹ tana ụvọ za Anigati nị. Dị ọ mẹ ka angwa oo hi avaba ẹnịnị ẹtẹẹtẹrẹ nị. Dị ọ rẹ mẹ ka ịtahụ ọ̀ tụra hi avaba ẹnịnị iruvo saka-saka nị. Ọzọkụ ọnịrị ozweyi vị ọnị ịtahụ ọnọọ vavọọ tụra hi iruvo.