1 Ịsamụwẹrị 4:5 - IWE ỌNỊNỊ

⁵ Ịjị apoti oto Ohomorihi va sị ngụ udi isoja Anisirẹrị nịnị dị ẹ yaa jẹ di eyee nowu nị. Ẹnịnị ê nowu ana mẹ ka ẹtẹ o henyi jigijigi.

1 Ịsamụwẹrị 4:5 ပူးပေါင်းရင်းမြစ်များ

2 Ịsamụwẹrị 15:24

Ịzadọkị ana vị ohirẹsụ irehi Ohomorihi oni rẹ yà ịzọọ ne beri avaba Anireevi nịnị ana za apoti oto Ohomorihi. Ẹnịnị ê chi apoti oto Ohomorihi ọnọọ tịtẹ, dị Abiyata aa mẹ̀ ịsọvọ nị. Avọọ ọ mẹ̀ mẹ̀ ịsọvọ ọnọọ pooro dị avaba aza hụụnị ẹkụra nị.

1 Ohinọyị 1:40

Dị avaba ọza hịrẹ saasa a aa na, di eyee hú ịkakanchịị gono o, dị ẹ yaa jẹ ịrajẹ kẹnẹ nị. E mèe nowu owu ẹnịnị aa vaa chaka ẹtẹ.

Ijoovu 20:5

Ịrajẹ aza edivi ọ mā nọ oruva. Ayohine ẹnịnị vị ụmẹ chee aanị.

Ijeremaya 7:4

Hụụnị ịrẹyị evene ọnị aza aa kà a wụ nịnị ọ̀yị dọ wụ. Ẹ ka, agụvị ka Irehi Ẹnẹyịmavara yịị ịda awụ nịnị, wa sị ha nịnị.

Emọsị 6:3

Ayịchama ẹnịnị ẹ yị zẹ ka e tamayị ẹkụhị ọnị Ẹnẹyịmavara vaa sị sị ụya rị wa.

Imika 2:11

Mâ yẹ ka onireche ana aa kà ịsẹ ireche zị ka u vee re echee hú ẹtẹẹtẹrẹ u sì nịnị.

Ijosuwa 6:20

Ịjị ẹnịnị wụ ọpanyị ịrẹyị kẹnẹ, dị ọzọza ọ sị ọngwẹ tụ ẹbẹẹba na owu obooro-obooro ọnọọ dị ọvọ Ijeriko wu va hi ẹtẹ. Dị ẹnịnị ẹ ngụ ẹkụra tu wa dị ẹ rị wa nị.

Ijosuwa 6:5

Ịjị ẹnịnị ẹ̀ẹ wụ ka ohirẹsụ irehi Ohomorihi nịnị e hu ọpanyị dị ẹ tụra a ẹtẹ nị, dị avaba aza ẹ na owu, dị ẹtẹ ọ sụ hyụụ ịjọnọọ ọvọ Ijeriko ve wu va hi ẹtẹ, dị avaba aza kụkụ a ngụ eehi tu wa.

Ọdọvịdị 15:14

Ịsamịsịnị maa ngụ ireehi na dị Anihwirisiti nịnị nowu zẹtẹ dị ẹ na gẹrị ọ nị, obobooro dị ụhwẹ Ẹnẹyịmavara kụ hi Ịsamịsịnị ịnẹ nị dị ọ sị ụkata yị ọ nị. Ịjọnọọ dị obo ana sị sụ Ịsamịsịnị ụvọ ngwara wuuru va ha anka ụsụ mẹẹ nā aa sị ịra gụrị ọ avọọ.

1 Ịsamụwẹrị 4:6

Ịjị isoja Anihwirisiti nị vavọọ wụ́ ẹtẹ ịrẹyị dị ẹ ka sị ẹ vẹ di isoja ene hi udi Anihiburu nịnị maanị ee nowu kẹ? Ịjị ẹ sị yẹ ka apoti oto Ohomorihi a sị va ngụ udi Anisirẹrị nịnị,