1 Ịsamụwẹrị 4:21 - IWE ỌNỊNỊ

²¹ Dị ọ ka ozi anị ọnọọ ọ rị Ịkabọdị nị. Iruvo ịrẹha ọnọọ ọ vị ka Ẹnẹyịmavara ọ sị hụụ ịda Anisirẹrị agụvị ka a raà dọ Anisirẹrị apoti oto Ohomorihi, di ohova anị ọnịrị ọva anị re wusu nị.

1 Ịsamụwẹrị 4:21 ပူးပေါင်းရင်းမြစ်များ

Ahẹ Ụgama 106:20

Ẹ raà sị imaaru anaā rị avị ana a sị enyusẹ mẹ, dọ ịrẹsụ Ohomorihi ana nyị ụbanyị.

Ahẹ Ụgama 26:8

Ẹnẹyịmavara, mê sì ịrẹyị irehi ọnị ụ ra ịnị anị Mị ka me sì ịrẹyị ịzị ụ yà.

Ahẹ Ụgama 78:61

Ohomorihi ộ zẹẹ ka apoti anị ọnị ọ sịị mẹ̀ ụkọrọ ịvọpa aza ẹ̀ dọ ọ éyi ịrẹkụ. Ộ zẹẹ ka ọnịvị ẹ̀ dọ ịsa ana vị ụbanyị anị.

Ahẹ Ụgama 78:64

A raà wụ̀ ohirẹsụ irehi Ohomorihi ẹnịnị, ese ẹnịnị ẹ yị hyakụ zụ jị òrèrè.

Ijeremaya 2:11

Ọ kà áá nyị anẹkụra ana ka a ka ẹnị ẹ yị kụkụ yẹ ori ẹnịnị da, ọọ daka vị ka ẹ yị nyị ịsị ori ẹnẹẹ vị? Ama aza anị ẹ raa sị ọnị ana mẹ ka a sị ụbanyị wa na dọ ori ẹnẹ ẹ yị nyị ịsị ẹ zụ mẹ yị wa.

Arụwẹ 2:1

Ẹnẹyịmavara ộ kụ ayị dị ọ mẹ̀ ụhị nyị Anịzayọnị nịnị nị. Ọ sị wa tura hụrị ọgọọgọ va nyẹtẹ, ụbanyị ẹnịnị ọ ta. Ịjị Ananyị yị aa kụ ayịị hi wa, irehi Ohomorihi Anị nyẹmba vị ọnị o hi ayị anị.

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

1 Ịsamụwẹrị 14:3

Ahija eneē chire awuru ọnụkọrọ Ohomorihi yà ịnị aza ẹnẹẹ. Ahija ọnọọ vị ozi Ahitubi ana vị ọyịnyara Ikabedi. Ahitubi ọnị vị ozi Ihwinehasi ana vi ozi Eri. Eri ọnọọ ọ vị ohirẹsụ irehi Ohomorihi tụ́ Isiro nị. Á yị nyị ọza ana yẹ ka Ijonatani ọ sị hụụ ịzọọ.

1 Ịsamụwẹrị 2:34

Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.

1 Ịsamụwẹrị 3:12

Ọ kà ịjị ụmẹ òo si tù, avaba ịrẹyị ọnị ọnị vịdị kà a ka o vee tù Eri, ọnị aa mẹ̀ ẹ ọ ka ịrẹyị ọnọọ vee tù avaba anovwoovu Eri bemi.

1 Ịsamụwẹrị 4:11

Anihwirisiti nịnị ẹ raà dọ Anisirẹrị apoti oto Ohomorihi. Dị a wụ̀ Ihohwini ọnịrị Ihwinehasi ana vị ezi Eri nị.

1 Ịsamụwẹrị 4:22

Ọ kà Ohomorihi ọ si hụụ ịda Anisirẹrị, agụvị ka a raà dọ Anisirẹrị Apoti Ohomorihi.