1 Ịsamụwẹrị 4:19 - IWE ỌNỊNỊ

¹⁹ Ozi Eri ọnya ana aā hị́ Ihwinehasi ộ nyị ọnẹẹ. Ose anị ọnọọ vi ene ee zyẹẹ, e vee tù ka ò ma ozi. Ộ wụ́ ka a raà dọ apoti oto Ohomorihi. Dị ọ rẹ wụ́ ka ada ọva anị ne beri ọva anị ọnị ụvọta ê wusu nị. Ọ́ mẹ̀ vavọọ wụ́ kẹnẹ, dị ịrẹẹ nyima aa zị ọ, dị ọ ma ozi nị.

1 Ịsamụwẹrị 4:19 ပူးပေါင်းရင်းမြစ်များ

Oyinyima 3:16

Di Ohomorihi kà a yị ọnẹẹ ọnọọ ka, “Ọnị vaa sị eyi anị re ịrẹyị ẹtẹẹtẹrẹ àa ma ozi. Vị ọ vaa zị ọ ẹnẹmẹhị nị. Ama vi o vee yii sì ka ọnị ọ̀ yà ịda ọva anị nị, di ahịka ọnị aa mẹ ọdaa tụra a nị”.

Oyinyima 35:17

Ọ màa barẹẹ, dị anyẹnẹẹ ana aa gụ ọ ụvọ kà a yọ ka, “Asị o hí angwa ka ozi ọnọrụ ọ raa ma nị.”

1 Ohinọyị 14:1

 nyị ụmẹ ọnya, ẹngụ o si nyima aa zị ozi Ijerobowami ana aā hị́ Ahija.

Ahẹ Ụgama 78:64

A raà wụ̀ ohirẹsụ irehi Ohomorihi ẹnịnị, ese ẹnịnị ẹ yị hyakụ zụ jị òrèrè.

Ijeremaya 26:6

Ọnị vaa mẹ irehi anị ọnọnị anka ẹkụra ana aā hi Isiro avọọ. Dị ọnị mẹ ka avaba anẹhẹ ẹ̀ kụkụụ sị Ijerusarẹmị chìi hị́ aza.

1 Ịsamụwẹrị 4:18

Ọnọrụ ọnọọ mẹ̀ yị hị́ apoti oto Ohomorihi, di Eri vavọọ vangga hụụnị aga anị na nya ẹtẹ ọgụrị ukere ene e si gu ózee ana na ngụ ịnị ẹkụra, dị ọ pụnẹ ọrọkọ, di o sú nị. Eri ọ sị vịra, dị ọ rẹ banyị nị, o yi zụ zune ẹngụ anị. Eri ộ mẹ̀ ọdọvịdị Anisirẹrị gụ ịrayị ẹbẹẹva.

1 Ịsamụwẹrị 4:20

Ọ́ mẹ̀ si ozi ma, di ee su na nị. Di anyẹnẹẹ ene hi ịzọọ ana aa gụ ọ ụvọ ka asị o hí angwa ka ozi ọnọrụ ọ ma nị. Ama o yi tụ́ wa ohi vụrụ-vụrụ.