1 Ịsamụwẹrị 4:17 - IWE ỌNỊNỊ

¹⁷ Dị ọnọrụ ọnọọ ana va ká enube ka, “Anihwirisiti nịnị ẹ kụ́ Anisirẹrị nịnị dụ. Isoja Anisirẹrị nịnị vị ana a nyayịnẹ wụ̀ ẹtẹẹtẹrẹ. Â hyakụ sị Ihohwini ọnịrị Ihwinehasi ezi wụ ẹyịva wụ̀. A raà dọ apoti oto Ohomorihi hụụnị ụvọ Anisirẹrị nịnị.”

1 Ịsamụwẹrị 4:17 ပူးပေါင်းရင်းမြစ်များ

Ahẹ Ụgama 78:61

Ohomorihi ộ zẹẹ ka apoti anị ọnị ọ sịị mẹ̀ ụkọrọ ịvọpa aza ẹ̀ dọ ọ éyi ịrẹkụ. Ộ zẹẹ ka ọnịvị ẹ̀ dọ ịsa ana vị ụbanyị anị.

Ahẹ Ụgama 78:64

A raà wụ̀ ohirẹsụ irehi Ohomorihi ẹnịnị, ese ẹnịnị ẹ yị hyakụ zụ jị òrèrè.

1 Ịsamụwẹrị 2:34

Ezi ewu ẹyịva, Ihohwini ọnịrị Ihwinehasi vi ene vee sú ịnị ẹkụhị ọnya. Ọnọọ vaa sị zụ̀ wụ ka ịrẹyị aa vẹ ịrẹsụ awụ nịnị.

1 Ịsamụwẹrị 3:11

Dị Ẹnẹyịmavara kà a yị Ịsamụwẹrị dị ọ ka ọnị ee sì ka ọ̀ yẹ ka â nyị ịrẹyị ọnị ọnị aa vaa mẹ ịnị ẹtẹ Anisirẹrị. Ọ kà ịrẹyị ọnọọ vee divi ana ahịka avaba aza ana àa wụ́ ọ, ẹngụ ẹnịnị vee henyi.

1 Ịsamụwẹrị 3:12

Ọ kà ịjị ụmẹ òo si tù, avaba ịrẹyị ọnị ọnị vịdị kà a ka o vee tù Eri, ọnị aa mẹ̀ ẹ ọ ka ịrẹyị ọnọọ vee tù avaba anovwoovu Eri bemi.

1 Ịsamụwẹrị 4:16

Dị ọza ene zwe hụrẹ eyi ịrẹkụ vẹ aanị wụsẹ ne tù Eri dị ọ kà a yọ ka éyi ịrẹkụ ọnị hụrẹ vẹ nọ. Ọ kà ajịnị ọnị zwe vẹ nị. Di Eri họ̀ ọza ene zwe vẹ aanị dị ọ ka, “Ozi emi, ịrẹkụ mẹmẹ yà kẹ?”

1 Ịsamụwẹrị 4:18

Ọnọrụ ọnọọ mẹ̀ yị hị́ apoti oto Ohomorihi, di Eri vavọọ vangga hụụnị aga anị na nya ẹtẹ ọgụrị ukere ene e si gu ózee ana na ngụ ịnị ẹkụra, dị ọ pụnẹ ọrọkọ, di o sú nị. Eri ọ sị vịra, dị ọ rẹ banyị nị, o yi zụ zune ẹngụ anị. Eri ộ mẹ̀ ọdọvịdị Anisirẹrị gụ ịrayị ẹbẹẹva.