1 Ịsamụwẹrị 4:16 - IWE ỌNỊNỊ

¹⁶ Dị ọza ene zwe hụrẹ eyi ịrẹkụ vẹ aanị wụsẹ ne tù Eri dị ọ kà a yọ ka éyi ịrẹkụ ọnị hụrẹ vẹ nọ. Ọ kà ajịnị ọnị zwe vẹ nị. Di Eri họ̀ ọza ene zwe vẹ aanị dị ọ ka, “Ozi emi, ịrẹkụ mẹmẹ yà kẹ?”

1 Ịsamụwẹrị 4:16 ပူးပေါင်းရင်းမြစ်များ

2 Ịsamụwẹrị 1:4

Di Idevidi ka, “kà a mị a vị à yị nyị ịrẹyịị?” Dị ọnọrụ ọnọọ ka, “Anda ayị vi ene zwe hụrẹ ọvịdị ịrẹkụ. A kụ́ ọrụrụ-ọrụrụ ẹnịnị wụ̀. Ịsọọrụ ọnịrị Ijonatani ozi anị ệ hyakụ wusu bẹẹ.”

Ijosuwa 7:19

Dị Ijosuwa kà a, “Ozi emi, ka ịzẹyịza ịzẹnị ọvịdị Ẹnẹyịmavara ana vị Ohomorihi Anisirẹrị nịnị. Ka irenu awụ kà a mị booro anị ịsị ụ mẹ̀. Asị ụ da a gu.”

1 Ịsamụwẹrị 3:6

Dị Ẹnẹyịmavara rẹ hị́ Ịsamụwẹrị, dị Ịsamụwẹrị rẹ kwẹẹtẹ, di o ne tù Eri dị ọ ka, “Ẹmị yị, a vị u waa hị́ mị”. Di Eri rẹ ka, “Ozi emi, mẹ yị hị́ wụ ọ! Varẹma na hụtụ.”

1 Ịsamụwẹrị 4:17

Dị ọnọrụ ọnọọ ana va ká enube ka, “Anihwirisiti nịnị ẹ kụ́ Anisirẹrị nịnị dụ. Isoja Anisirẹrị nịnị vị ana a nyayịnẹ wụ̀ ẹtẹẹtẹrẹ. Â hyakụ sị Ihohwini ọnịrị Ihwinehasi ezi wụ ẹyịva wụ̀. A raà dọ apoti oto Ohomorihi hụụnị ụvọ Anisirẹrị nịnị.”