1 Ịsamụwẹrị 4:10 - IWE ỌNỊNỊ

¹⁰ Ịzẹyịza dị Anihwirisiti nyayịnẹ kụ̀ ịrẹkụ, dị ẹ rẹ sị Anisirẹrị huna nị. Dị avaba isoja Anisirẹrị ana vọ kú zwe nọ udi ẹnịnị nị. Isoja Anisirẹrị ana a wụ̀ ộ rụrụ ẹtẹẹtẹrẹ. Ẹnịnị ệ gụ akawụ-akawụ oze ẹwụrẹhị.

1 Ịsamụwẹrị 4:10 ပူးပေါင်းရင်းမြစ်များ

2 Ịsamụwẹrị 18:17

Dị ẹ sị Abịsarọmị di e ne e ngụ imisi ọbanyị ọnya ana yà ini iriku ọnọọ, dị ẹ hara ịrẹta kú ọ nị. Ịjọnọọ avaba isoja Anisirẹrị e kú zwe zị nọ eehi ẹnịnị.

2 Ịsamụwẹrị 18:7

Dị ahịka isoja Idevidi o huna isoja Anisirẹrị nị. Isoja Idevidi vị ana nyayịnẹ wụ̀ isoja Anisirẹrị ẹnẹmẹhị. Aza ẹnị akawụ-akawụ oze ẹẹwụ isoja Idevidi vavọọ wụ nị.

2 Ịsamụwẹrị 19:8

Ịzẹyịza di ohinọyị kwẹẹtẹ dị ọ na yaayịtẹ ènoze ẹkụra nị. Dị avaba aza aa kà a ka, “wéē re, ohinọyị ọ yaayịtẹ ini oze ẹkụra aanị nọ!” Dị avaba aza vẹ dị ẹ va jẹẹ pè ohinọyị ịzọọ nị.

2 Ịsamụwẹrị 20:1

 nyị ọnọrụ odivi ọnya ana yà Igirigari ọnị ịrẹha anị rị Ịsẹba. Ozi Ibikiri ana vị Anịbẹnjamịnị ọ vị nị. Di ọ na sị ọpanyị, di ee hú ọ dị ọ ka, “Ẹ yị nyị ẹyịrị Idevidi rị o! Ọza o yi rò yị tụ́ ini ịrẹyị Idevidi ozi Ijeese. Ẹwụ nịnị Anisirẹrị, ọzọza ọ̀ sị oze udi anị.”

1 Ohinọyị 12:16

Ịjị ọ maanị sị yà, Anisirẹrị nịnị ê re ka ohinọyị ọ yị wụ́ ịrẹyị ọnị ẹnị kà. Dị aza ẹnẹẹ ve tụ́ ohinọyị ohi dị ẹ ka, “Ẹ yi va nyị aayị rị tụ́ ini ozi Ijeese, o! Ẹwụ nịnị Anisirẹrị, ọzọza ọ̀ọ nọ ini eehi o! Idevidi, ẹwa rẹ na sị eyi pè irehi ẹwụ!” Ịzẹyịza di Anisirẹrị si hu aa nọ ini eehi ẹnịnị nị.

1 Ohinọyị 22:36

Ịnị ụmẹ oruva, ọyị màa ngụ ẹtẹ, di e vene nowu udi ịrẹkụ dị a ka, “Ọza-ọza ọ̀ọ nọ ẹkụra anị oo, dị ọzọza òo nọ eehi anị!”

2 Ohinọyị 14:12

 nyị ẹbẹẹba isoja Amaziya, dị avaba ẹnịnị zwè aa nọ eehi ẹnịnị nị.

2 Ịtọpa 13:17

Abija ọnịrị isoja anị vị ana nyayịnẹ pa ịva yị isoja Anisirẹrị ẹtẹẹtẹrẹ. Achẹva Imiriyọnị ọka isoja ẹnịnị vị ẹnị wụ̀ va ha.

2 Ịtọpa 25:22

Dị aa pa ịva yị isoja Anijuda nịnị, di ê zwe hụrẹ eyi ịrẹkụ nọ eehi ẹnịnị nị.

Ahẹ Ụgama 78:9

Anehwireemi ệ kà ọpa ẹnịnị kú ịzẹyịza ama ịhị ịrẹkụ si tù, vi e zwe varẹma nị.

Ijeremaya 7:12

Ọ kà, nọ ẹtẹ Isiiro nịnị booro aanị, ịzị a vịdị yaa hẹkẹ ọnị ịpaapa dị we re nịnị ịsị ọnị sị ọ mẹ agụvị ebira odivi Anisirẹrị nịnị.

Ireevi 26:17

Ọ kà ọnị vaa và eyirazịị ka wa; dị ọnịvị ẹnịnị nyị ẹbẹẹba ẹnịnị; aza anaa nyị ịhyẹrẹ ẹnịnị ẹ vaa mẹ ịjọva tụra wa ịrẹsụ nị. Angwa vee hí wa nee tu ka ẹnịnị vị ene vee zwe ẹ̀ yị daka nyị ọza anaa dụ wa.

Iwe Ọhụhị Imosiisi ana aa hị́ Ọyịvatụrọda 28:15

Ama wàa mẹ akamawụ hi Ẹnẹyịmavara Ohomorihi awụ nịnị, dị wẹ yị sị ịzẹyịza saasa ọda anị ẹnẹnị, ọnị maa mẹẹ yị wụ nịnị ajịnị aanị nị, avaba ozirenu ẹnẹnị vaa vẹ ịrẹsụ awụ nịnị.

Iwe Ọhụhị Imosiisi ana aa hị́ Ọyịvatụrọda 28:25

Ẹnẹyịmavara vaa mẹ ka ọnịvị awụ nịnị ẹ̀ nyị ẹbẹẹba awụ. Ụ vaa zi oze ọnya nọ ịrẹkụ ọnịvị awụ, ama dị ẹ dụ wụ zi oze ịhịmba. Avaba anẹhẹ vee re ịsị ẹ mẹ tù wu nịnị, dị angwa hi wa.

1 Ịsamụwẹrị 3:11

Dị Ẹnẹyịmavara kà a yị Ịsamụwẹrị dị ọ ka ọnị ee sì ka ọ̀ yẹ ka â nyị ịrẹyị ọnị ọnị aa vaa mẹ ịnị ẹtẹ Anisirẹrị. Ọ kà ịrẹyị ọnọọ vee divi ana ahịka avaba aza ana àa wụ́ ọ, ẹngụ ẹnịnị vee henyi.

1 Ịsamụwẹrị 4:2

Isoja Anihwirisiti nịnị ê tere pè isoja Anisirẹrị dị ẹ gẹ ịrẹkụ nị. Ịrẹkụ ọnọọ ô nyị anyị, dị ụvọ Anihwirisiti nị si huna Anisirẹrị nị. Anisirẹrị ana Anihwirisiti nị wụ éyi ịrẹkụ vị aza ẹnị akawụ-akawụ oze ẹẹva.