1 Ịsamụwẹrị 31:4 - IWE ỌNỊNỊ

⁴ Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị.

1 Ịsamụwẹrị 31:4 ပူးပေါင်းရင်းမြစ်များ

2 Ịsamụwẹrị 1:1

Ịnị ụmẹ ọnya Idevidi ộ kụ́ ịrẹkụ ne tù Anamarẹkị, dị ọ wụ̀ wa nị. Ọ mẹ̀ sị wa wụ dị ọ vavẹ dị ọ va yà Izikiragi mẹ ẹkụhị ẹẹva nị. Ịjọnọọ Ịsọọrụ ọnị ô wusu,

2 Ịsamụwẹrị 1:14

Di Idevidi ka, “Wâ kụ̀rà ụvọ awụ wâ wụ̀ ọza ọnị Ẹnẹyịmavara nyị mẹ ohinọyị angwa ọ yị daba hi wu?”

2 Ịsamụwẹrị 1:20

Asị a zẹẹ ka à wụ ọ Igati Asị eyi ha ọza na kà a ịnị ubooro Asikeroni oo! Wàa kà a di ezi anẹẹ Anihwirisiti wụ́ nị vị ẹ vaa jẹ nị. Mị ka ezi anẹẹ anị ẹẹ mẹ kẹnẹ-kẹnẹ nị, ẹ̀ẹ wụ vị ẹ yaa jẹ nọ!

2 Ịsamụwẹrị 1:6

Di ozi ọnọrụ ọnọọ ka ẹnị va na yà ịnị ataba Igibiya ịhị ọnọọ. Di oni re ka Ịsọọrụ ộ jẹẹ vàrịrẹ ụhwọ ọbanyị anị nị. Di oni re ka isoja ọnịrị ẹnịnị ana tụra ịkẹkẹ oni umaata ee tura ọnịrị isoja anaā tụra umaata nịnị maa dụ Ịsọọrụ, ẹ yaa vaa za a nị.

2 Ịsamụwẹrị 17:23

Ịjị Ahitohwẹrị re ka ọza ọ yị dọ ịrẹyị anị mẹ̀ ụkọrọ, di o tenyi umaata anị, dị ọ tụra a, di o si huu aa nọ eehi anị ẹkụra anị nị. Ịjị o tù eehi, di o tenyi irehi anị, di o ne zụ̀ obo yị ẹngụ anị nị. Ó mè wusu di e ne e tụ́ ini ikuta ada anị nị.

2 Ịsamụwẹrị 21:12

Anihwirisiti nị nịnị vị ana wụ̀ Ịsọọrụ ịnị ataba Igibiya. Dị ẹnịnị sị oku ọnịrị Ijonatani ozi anị, di ê zù wa gẹ ọchị ịnị orere Ị́bẹtị-Isani ịzị anọrụ Ijabesi-Igiriyadi ne were-were kụ wa. Di Idevidi va nọ Ijabesi-Igiriyadi, dị ọ na kụ́ ẹchụkụ Ịsọọrụ ọnịrị ẹchụkụ Ijonatani ozi anị hụụ ịnị ụvọ anọrụ Aniyabesi-Igiriyadi nị.

1 Ohinọyị 16:18

Ịjị Izimiri si re ka aa vaa rị ẹkụra ọnọọ, di o hu dị ọ nọ ini ohweje ini eehi ohinọyị nị. O mè tù ịzọọ, dị ọ jị ịra tụ́ irehi ohinọyị dị ọ rị ọ ịra kú ẹngụ anị, di o sú nị.

1 Ohinọyị 16:27

Ịrẹyị Omiri ana vọ, ịsa ọnị ọ mẹ ọnịrị ọ mẹmẹ nyị ụkata, avaba anị vị ana a chẹrẹ tụ́ ini iwe ịsị ẹ mẹ ẹkụhị-ẹkụhị ini oze ohinọyị Anisirẹrị.

1 Ịtọpa 10:4

Ịsọọrụ ộ kà a yị ozwọọmụha ana kụ ẹnya ịrẹkụ anị gụ ọ ka, ọ̀ tụ̀ ụhwọ dị ọ̀ wụ ọnị. Ọ kà ọnị ée sì ka Anihwirisiti ẹnẹ ẹ̀ yị yẹ Ohomorihi aanị, ẹ̀ va wụ ọnị, dị è ve sii wo oto. Ama dị ivovo si ozwọọmụha ọnọnị za nị. Dị Ịsọọrụ tụ̀ ụhwọ anị ụvọta, tụ̀ ụhwọ anị, dị ọ hyẹdụ nya a dị ọ wụ ẹngụ anị nị.

Ọdọvịdị 14:3

Dị ada anị ọnịrị ọnyị anị họ̀ ọ use ka, “Aanị ka ẹ yị nyị ọnẹẹ ịdị anda nịnị ana vọrọ ka wa nyị, dị ụ waa na nyị ọnẹẹ hụrẹ ịdị Anihwirisiti nịnị ẹnẹ ẹ yị maā jị ụvẹvẹnẹ?” Dị Ịsamịsịnị kà a yị ada anị ka, “Nyị ọnẹẹ ọnọnị yị mị ka o zee mị eyi.”

Ọdọvịdị 9:54

Obobooro ọnọọ, Abimẹrẹkị hị́ ọza ana aā kụ ẹnya ịrẹkụ anị gụ ọ ka ọ tụ ụ̀hwọ̀ anị dị ọ wụ ọnị. Ọ kà a mẹ vaa wụ́ ka ọnyẹnẹẹ ọ wụ ọnị nị. Ịzẹyịza dị ozi ahụ anị ọnọọ jị ụhwọ ngụ ẹngụ dị ọ wụ̀ ọ nị.

1 Ịsamụwẹrị 14:6

Di Ijonatani hị́ ozi ọnọrụ anaā za ẹnya ịrẹkụ anịị gụ ọ dị ọ ka, “vẹ ya nọ akẹnẹ ne tù ẹẹmẹ ẹnẹẹ ẹnẹ ẹ̀ yị mā jị ụvẹvẹnẹ avọọ údi ẹnịnị. Àa ka ọnị mẹ Ẹnẹyịmavara vaa gụ yị ụvọ. Mâ yẹ ka ẹ yị nyị ịsị ẹ zụ za Ẹnẹyịmavara kà asị ọ dọ ọza tụ́, òo zee e eyi ịsa ọnọọ ọ banyị, òo zee eyi oweyi.”

1 Ịsamụwẹrị 17:26

Di Idevidi họ̀ aza ana jẹẹ pe e dị ọ ka àa nyị ọza ana zụ wụ̀ Anihwirisiti ọnọnị dị ọ kụ́ ịrẹyị ụhị ọnọnị hụụ ịrẹsụ Anisirẹrị nị, sị a vaa mẹẹ yị ọza ọnọọ? Dị ọ rẹ ka sị aa hị́ Anihwirisiti kẹnẹ-kẹnẹ ẹnẹ ẹ̀ yị mā jị ụvẹvẹnẹ ana aa vaa sị isoja Ohomorihi ana yaraa mẹ ịyẹyẹ?

1 Ịsamụwẹrị 17:36

Di Idevidi rẹ ka ọnị ọ raà wụ idu ọnịrị ọdụmị da, dị ọ ka avọọ Anihwirisiti ọhịmị ẹnẹ ẹ̀ yị jị ụvẹvẹnẹ mè re vee sú ajịnị nị, agụvị ka ọ raà sị isoja Ohomorihi ana yàra mẹ ịyẹyẹ.

1 Ịsamụwẹrị 26:10

Di Idevidi rẹ ka Ẹnẹyịmavara ọ̀ọ yà ịzọọ, ọnị Ẹnẹyịmavara ụvọta ọ vaa wụ̀ Ịsọọrụ nị. Ọ kà Ịsọọrụ o zụ sú ịhị ẹkụhị anị ọ̀ sị gụ, à yị vị avọọ dị ọ nọ ịrẹkụ, di o ne sú ịzọọ.

1 Ịsamụwẹrị 31:5

Ịjị ọza ọnọọ anaā za ẹnya ịrẹkụ gụ Ịsọọrụ aanị re ka Ịsọọrụ ô wusu, dị ọnị rẹ tụ̀ ụhwọ anị dị ọ sị wụ ẹngụ anị nị.