1 Ịsamụwẹrị 31:1 - IWE ỌNỊNỊ

¹ Anihwirisiti ẹ raà gẹ Anisirẹrị ịrẹkụ. Anisirẹrị ee zwe, dị a wụ̀ aza ẹnyị ẹnịnị hi ẹtẹ ịrẹsụ ataba Igiribowa nị.

1 Ịsamụwẹrị 31:1 ပူးပေါင်းရင်းမြစ်များ

2 Ịsamụwẹrị 1:21

Ẹwụ ataba Igibiya eguhi o mē vene chire hi wu di ò ve si tù orihi oo. Ẹwụ ataba Igibiya, wẹ mā vana mẹ̀ ịsa ana aā sị ịnị anị naa yị Ohomorihi pàá. Ịzọọ a yà du ogonto ọka isoja ayị ẹngụ nị, asị a kụkụ nyị ọza ana aa sị angwẹ sisi ogonto Ịsọọrụ oo!

2 Ịsamụwẹrị 1:6

Di ozi ọnọrụ ọnọọ ka ẹnị va na yà ịnị ataba Igibiya ịhị ọnọọ. Di oni re ka Ịsọọrụ ộ jẹẹ vàrịrẹ ụhwọ ọbanyị anị nị. Di oni re ka isoja ọnịrị ẹnịnị ana tụra ịkẹkẹ oni umaata ee tura ọnịrị isoja anaā tụra umaata nịnị maa dụ Ịsọọrụ, ẹ yaa vaa za a nị.

2 Ịsamụwẹrị 4:4

Òóku Ijonatani ozi Ịsọọrụ ộ ma ozi ọnọrụ ọnya. Ozi ọnọọ vị ịrayị ẹẹhị ịnị ụmẹ ana a hụrẹ Ijezirẹẹrị va kà a ka Ịsọọrụ ọnịrị Ijonatani ê wusu. Dị ọnẹẹ ana si eyi pè e wụsẹ sị ọ ka eni èe zwe nị. Ọnẹẹ ọnọọ màa há eyi, di ozi ọnọọ hyẹdụ ana mẹ ka ahụ anị è sú nị. Ozi ọnọọ kụkụ vị ana vi oswahụ. Ịrẹha anị aā hị́ Imehwibọsẹtị nị.

1 Ịsamụwẹrị 12:25

Ama wàa ka wẹ yị hụụnị ebira odivi nịnị, ẹwụrị ohinọyị awụ nịnị vị ọnị Ohomorihi vaa kụụ hụrẹ oze.

1 Ịsamụwẹrị 28:1

Ụmẹ ọnya yà ịzọọ, di Anihwirisiti nịnị kụ́ isoja ẹnịnị gụ ka ẹnịrị Anisirẹrị aa naa kụ̀ ịrẹkụ nị. Dị Akisi hị́ Idevidi dị ọ kà a yọ ka ọ̀ yẹ ka ọnịrị aza anị vaa saasa ọnịị nọ ịrẹkụ o.

1 Ịsamụwẹrị 28:15

Dị Ịsamụwẹrị hị́ Ịsọọrụ dị ọ ka, “sị ẹ vẹ dị wẹ̀ yị navọ mị hẹẹ dị ụ sị mị jịnẹ aa vẹ?” Dị Ịsọọrụ ka, “Ộ kata mị ẹngụ ẹtẹẹtẹrẹ booro aanị. Anihwirisiti nịnị ee pè emi kụ̀ ịrẹkụ, dị Ohomorihi ọ sị và ịrẹma amị. Màa kụkụ họ̀ Ohomorihi use ịrẹyị, ọ yị kụkụ tụ́ ọnịsẹ hi mi. Ọ yị rẹ pe mi kà ịrẹyị ịnị ụra. Agụvị avọọ mị va hị́ Ịsamụwẹrị ka wa kà a yị mị ịsị a vọrọ ka ma mẹ nị.”

1 Ịsamụwẹrị 28:19

Ẹnẹyịmavara va me; ka Anihwirisiti è huna ẹwụrị Anisirẹrị nịnị. Ụhwọọ ẹwụrị ezi ewu ee su nị. Ẹnẹyịmavara rẹ vaa mẹ ka Anihwirisiti è huna isoja Anisirẹrị.”

1 Ịsamụwẹrị 28:4

Ịjị Anihwirisiti nịnị sị ẹngụ tenyi, dị ẹ na kụ́ udi tụ́ ịzị aā hị́ Isunemi nị. Dị Ịsọọrụ ọnị rẹ kụ́ avaba Anisirẹrị, dị ẹnị ra na kụ́ udi tụ́ Igiribowa nị.

1 Ịsamụwẹrị 29:1

Anihwirisiti nịnị ẹ raà kụ́ isoja ẹnịnị gụ tụ́ ịzị aā hị́ Ahwẹkị, dị Anisirẹrị ẹnị rẹ kụ́ udi ẹnịnị tụ́ ọgụrị ịkangga ana yà ịzị aā hị́ Ijezirẹẹrị nị.