1 Ịsamụwẹrị 30:8 - IWE ỌNỊNỊ

⁸ Di Idevidi họ̀ Ẹnẹyịmavara kà, áá vọrọ ka ọnị ò ku chire aza ana maanị va dụ aza anị aanị? Ọ kà ọnị wáá vaa za wa? Dị Ẹnẹyịmavara kà, “ku chire wa ka ụvọ awụ vee ku wa, dị ụ dọ aza awụ hụrẹ wa ụvọ.”

1 Ịsamụwẹrị 30:8 ပူးပေါင်းရင်းမြစ်များ

Oyinyima 14:16

Dị ọ dọ avaba ogu ọnị ọnịvị ẹnẹẹ kụ́ vavẹ nị. Ọ rẹ sị Ịrọọtị ozi ọyịnyara anị beri ogu anị ọnịrị anyẹnẹẹ beri aza ana vọ ana a vịdị za.

2 Ịsamụwẹrị 5:19

Di Idevidi va họ̀ Ẹnẹyịmavara use ka ọnị ọ́ọ́ kụ́ ịrẹkụ na dụ Anihwirisiti nịnị? Dị ọ rẹ họ̀ ọ ka ọ́ọ́ vaa sị waa yị ọnị ka oni ò huna wa. Dị Ẹnẹyịmavara kà ọ̀ọ na ka Anihwirisiti vị ọnị ọnị aa sị yọọ hú ẹtẹ.

2 Ịsamụwẹrị 5:23

Di Idevidi rẹ họ̀ Ẹnẹyịmavara kà ọnị ọ́ọ́ kụ́ ịrẹkụ ne tù wa nị. Dị Ẹnẹyịmavara kà asị ọ vavọọ ne tù wa ọvịdị-ọvịdị ama ọ̀ kụ́ aza anị di è jesi kara wa, dị ahịka oze ọvịdị ọchị ịbarịsamị ẹ zị nyima ịrẹkụ nị.

Ahẹ Ụgama 50:15

Ọ kà waa vavọọ aa mẹ, ịhị wàa nyị ẹngụkata dị ụ hị́ ọnị nị, di e re Ọ kà vị ọnị aa vaa dọ wụụ tụ́ nị Ịjọnọọ ụ vaa sị ụbanyịị yị ọnị

Ahẹ Ụgama 91:15

Ohomorihi ka aza ana vavọọ sị ayị tụra ọnị ẹ̀ẹ hị́ ọnị, ọnị vee tụ́ wa ohi. Ọ kà èe hi ịnị ẹngụkata ọnị ọ yị vaa hụrẹ wa ụvọ, ama ọnị vaa dọ waa tụ́, dị ọnị sị ụbanyị yị wa.

Ọyịkụra 15:9

Ọnịvị ô wo oto ka ọnị aa dụ yị, dị ọnị ọ̀ dà jị yị. Ọ kà ọnị aa kụ́ ogu ayị òo mè zee ọnị eyi. Ọ kà ọnị aa tụ́ ụhwọ anị dị ọnị ọ̀ sị wụ yị.

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

Ọdọvịdị 20:18

Ịjọnọọ dị ezi Anisirẹrị nọ Ịbẹtẹrị na hu use ịnị ụvọ Ohomorihi ka ọ kà a yị ẹnị ịrẹsụ ana vọrọ ka ọ vịdị na gẹrị aza Ịbẹnjamịnị ịnị ịrẹkụ. Dị Ẹnẹyịmavara kà yị wa ka evere Ijuda ẹ vịdị na gẹrị wa nị.

Ọdọvịdị 20:23

Ịjọnọọ dị Anisirẹrị nịnị nọ ịnị irehi Ẹnẹyịmavara dị ẹ jị òrèrè na ngụ oruva ọvịdị Ẹnẹyịmavara nị, dị ẹnịnị họ̀ ọ use ka ẹnị ọ vọrọ ka ẹ kụkụ varẹma ne pe anda ẹnịnị Anịbẹnjamịnị kụ ịrẹkụ? Dị Ẹnẹyịmavara kà ẹ varẹma na nị.

Ọdọvịdị 20:28

Ihwinihasi ozi Eriyaza ana vị ozi Eerọnị ọ sị eyi pe apoti ọnọọ nị). E họ̀ use ka ẹnị ẹ rẹ varẹma na gẹrị Anịbẹnjamịnị, ẹyịnyara ẹnịnị ịnị eyi ịrẹkụ avị ka asị ẹnị nọ. Ẹnẹyịmavara o tu wa ohi ka ẹ na agụvị ka ẹ va na gẹ ọnị va sị wa nyị ẹbẹẹba ẹnịnị.

Ọdọvịdị 8:4

Ịjị ẹ sị ịrẹyị ẹnịnị ka ta, dị Igidiyọnị ọnịrị isoja anị ẹnị akavarẹchẹhị (300) jịnẹ irehu Ijodani tụ akẹnẹ eyi ọsa nị. Ọ sị ngụ wa ẹngụ ẹtẹẹtẹrẹ ụmẹ avọọ, ama dị ẹnịnị yị́ ku chire ọnịvị ẹnịnị nị.

1 Ịsamụwẹrị 10:22

Di e ve họ̀ use ịnị ụvọ Ẹnẹyịmavara kà ọza ana vọrọ ka à sị rị ohinọyị aanị ọ́ọ́ vẹ ịzọọ. Dị Ẹnẹyịmavara kà ộ vẹ ịzọọ, ama ọ na sị tẹ ịzị a kụ́ ẹnya hi avọọ.

1 Ịsamụwẹrị 14:37

Dị Ịsọọrụ va họ̀ Ohomorihi dị ọ ka, “Méé ne tù Anihwirisiti nịnị? Wáá vaa mẹ ka Anisirẹrị e huna wa?” Ama Ohomorihi o yi tụ́ o ohi ịhị ọnọọ.

1 Ịsamụwẹrị 23:2

Di Idevidi va na họ̀ Ẹnẹyịmavara kà ọnị ọ́ọ́ na, dị ọnịrị Anihwirisiti ẹ̀ na kụ̀ ịrẹkụ nị. Dị Ẹnẹyịmavara kà ò ne pè Anihwirisiti kụ̀ ịrẹkụ, dị ọ dọ Anikeyira nịnị tụ́ nị.

1 Ịsamụwẹrị 23:4

Di Idevidi rẹ na họ̀ Ẹnẹyịmavara kà ẹnị ẹ́ẹ́ na nị. Dị Ẹnẹyịmavara kà ẹ̀ na ka ọnị vaa mẹ ka è huna Anihwirisiti nị.

1 Ịsamụwẹrị 28:6

Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.

1 Ịsamụwẹrị 30:18

Avaba ẹnya ana Anamarẹkị kụ́ vị ọnị Idevidi dọ varẹma, beri ose anị ẹyịva.

1 Ịsamụwẹrị 30:19

A rẹ vaa nyị ịsa ikonya ene vu, ọ̀ọ vị ozweyi ọ̀ọ vị ọzọkụ, ọ̀ọ vị ọnọrụ, ọ̀ọ vị ọnẹẹ. A yi nyị ikonya ini ogu ẹnị ẹ kụ́ ene vu. Idevidi vị ana dọ avaba anị varẹma vẹ.