1 Ịsamụwẹrị 30:6 - IWE ỌNỊNỊ

⁶ Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.

1 Ịsamụwẹrị 30:6 ပူးပေါင်းရင်းမြစ်များ

Oyinyima 32:7

Di Ijekọvụ ee hí angwa ẹtẹẹtẹrẹ, dị ayị anị sị vazi nị. Dị ọ gà aza anị ọnịrị ịsụpa anị hi oze ẹẹva nị.

2 Ịsamụwẹrị 17:8

Dị ọ rẹ ka Ẹwụ ụvọta ộ yẹ ada awụ ọnịrị aza ana yà pè e. Wâ yẹ ka isoja obooro ẹ vị nị. Ê divi anka ọdụmị ana a wụ̀ ezi. Wa rẹ yẹ ka o si kù ana ada awụ hụrẹ aa kụ̀ ịrẹkụ. Ọnịrị isoja anị ẹ yị vaa sụ aha ọnya ịrahụ.

2 Ohinọyị 4:27

Ama ịjị o ve si tu Erisa, dị ọ kú ẹtẹ ọvịdị anị, dị ọ sị ụvọ ngụ ọ ahụ nị. Igehazi ô sì ka ọnị ọ̀ tụ ọ ọ ụvọ kwooze, ama Erisa ka ọ̀ ná a vọ. Ọ kà aanị ka e yi re e ka, ọnịrị ayodu ọ vị̀ nịị? Ama Ẹnẹyịmavara ẹ yị kà a yị ọnị.

Ijoovu 13:15

Ohomorihi ọ̀ọ daka aa wụ ọnị, ẹ́ yị nyị ịsị ọsa ọnị ọnị aa tụra eyi, ẹ̀ vị ọnị. Agụvị avọọ ọnị aa kụ irenu anị eyi anị aanị nị.

Ahẹ Ụgama 116:10

Maa kà a ka mee vee sú, ama mị sị sị ayị tụra wụ nị,

Ahẹ Ụgama 138:3

M mẹ̀ nowu va za wụ, wâ ba mi owu. Wâ mẹ ka ayị amị ọ̀ vị, dị ụ rẹ mẹ ka ma nyị ụkata nị.

Ahẹ Ụgama 18:2

Ẹnẹyịmavara ẹwụ ee sere mi nị Ịda awụ ọ vị aha ẹvagu ọkatẹngụ ọnị mị na tẹ̀ tụ́ nị. Ẹwụ aa dọ mịị tụ́ nị Ohomorihi amị vị aha ẹvagu nganganga ịda anị mi zwe na tẹ̀ nị Ẹwụ ee sere mi nị Ụkata anị aā sịị dọ mịị tụ́ nị Ịda anị ọ vị aha ẹvagu ọnị mịị̄ naa tẹ nị.

Ahẹ Ụgama 18:6

Ịjị ẹngụkata maanị tù mi, di mi nowu na za Ẹnẹyịmavara nị Mị ka ẹwụ Ohomorihi amị, navọ wa ba mi owu Di Ohomorihi yà ini eehi anị dị ọ wụ́, dị ọ ba mi owu nị.

Ahẹ Ụgama 25:17

Navọ wa sị mị hụụnị ariro, dị wa kụ́ avaba ẹngụkata amị kwooze.

Ahẹ Ụgama 27:14

Sị ayị tụra Ẹnẹyịmavara, asị u hí angwa vụrụ-vụrụ Mị ka wa sị ayị tụra a.

Ahẹ Ụgama 31:24

Avaba ẹwụ nịnị ana sị ayị tụra Ẹnẹyịmavara, asị u hí angwa nịnị vụrụ-vụrụ.

Ahẹ Ụgama 42:11

Ẹ yị hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi Mâ yẹ ka mị rẹ vanaa kụ́ ọ avọ Ọnị ọ vị Ohomorihi amị ana aā dọ mịị tụ́ nị.

Ahẹ Ụgama 42:5

Hyakụ vọrọ ka ma maanị và ẹngụ hi di mee du ayị Maa sị ayị amịị tụra Ohomorihi mâ yẹ ka mị rẹ vanaa kụ́ ọ avọ. Ọnị ọ vị Ohomorihi amị ana aā dọ mịị tụ́ nị Ịjị ayị amị si du, m mẹ̀ yà ịnị ẹtẹ Ijodani, ịnị ataba Ihamọnị ọnịrị Imiza, mâ tamayị ẹwụ Ohomorihi.

Ahẹ Ụgama 42:7

Ẹngụkata vi ene chi mi ẹngụ anka ọhaara enyi avọọ Wâ navọ ka akanya óo tù mị twẹẹ-twẹẹ anka ọhaara enyi avọọ.

Ahẹ Ụgama 56:11

Ọnị mị sị ayị tụra nị, angwa o yi vee hi mị agụvị ka mâ yẹ ka ẹ yị nyị ịsị ọzarẹyịrẹsụ zụ mẹ mị.

Ahẹ Ụgama 62:1

Ohomorihi kẹnẹ mị tangwa jẹẹ ee zi nị Mâ yẹ ka ọnị ịnya kẹnẹ ọ zụ dọ mị tụ́ nị.

Ahẹ Ụgama 62:5

Ohomorihi kẹnẹ mi che ayị za nị, ọnị m maa tụra eyi nị.

Ahẹ Ụgama 71:4

Ohomorihi amị, navọ wa dọ mị tụ́ hụụnị ụvọ aza edivi ana ahịka vị ẹẹ̄ chamayịị yị ọza nị.

Ahẹ Ụgama 71:5

Ẹnẹyịmavara ana vị ohinọyị, ẹwụ mị sị ayị tụra nọ, mmẹ̀ hụrẹ vi ozweyi.

Ọyịkụra 17:4

Di Imosiisi ve nowu na za Ẹnẹyịmavara nị. Dị ọ ka, “Sị mị vaa sị mẹ aza ẹnẹnị aanị? Eyee vee ne mi ịrẹta ộ.”

Ụhịrẹyị 18:10

Ịrẹha Ẹnẹyịmavara vị ana sị mẹẹ aha ọyị tẹ, ọnịzẹyịza òo zwe nị ịzọọ ọ sị ha.

Ayịsaya 25:4

Onosiye ọnịrị ọnụya nịnị ê zwe vẹ ịda awụ dị ụ dọ wa tụ́ ịnị ụmẹ ẹngụkata ẹnịnị nị. Wâ vi ihuhu gu wa ka asị anayịchama re oze sị ụya rị wa. Ịrẹyị anayịchama vị ana sị mẹẹ anka opomi ana aa tụ́ kù ugene. Aza edivi vị ana kụ ọ hana wa anka opomi avọ.

Ijeremaya 16:19

Ijeremaya kà, Ẹnẹyịmavara, ẹwụ ee sere mi dị waa sị ụkata yị mị nị ọ; ẹwaā gụ mị ụvọ ịnị ụmẹ ẹngụkata nị. Anẹkụra nịnị vaa hụrị ịzị ẹhẹ na ta ịrẹsụ tụ vee tù wụ dị ẹ ka: Ẹ́ yị nyị ịsị ohiku ayị nịnị nyị para ori ana ahịka ireche kẹnẹ e vị nị hu, ori ẹnẹẹ yị nyị ịsị ẹ́ wụra mẹ aanị kẹnẹ ẹ nyị nị ọ.

Ijona 2:2

Dị ọ ka, ịnị ẹngụkata anị ọnị ộ hị́ Ẹnẹyịmavara, dị ọ wụ́ aduwa anị nị. Ịnị akakana isu, ọnị ộ hị́ Ẹnẹyịmavara, dị ọ wụ́ ọngwẹ anị nị.

Ịrịka 14:10

Ama dị avaba Anisirẹrị aa kà a ka ẹnị a sị ịrẹta-ịrẹta wụ Ijosuwa ọnịrị Ikarẹbị nị. Obooboro ọnọọ Ẹnẹyịmavara sị ụbanyị anị zụ ịrẹsụ ajẹngụ anị dị avaba Anisirẹrị nịnị re e nị.

Imatiwu 21:9

Dị ọkọnị aza ene hi ọvịdị ọnịrị ịrẹma ee nowu ka, “Ihosana! Ozi Idevidi! Ohomorihi ọ̀ dà tụ́ ịnị ụbanyị yị ọza ana aa vẹ ịnị ịrẹha Ananyị yị. Yâ sị ụga yị Ohomorihi ẹbẹẹba!”

Imatiwu 27:22

Dị Ipayireti họ̀ wa ka, “U mè sì ka ma mẹ Ijeesu ana aā hị́ Ikirisiti?” Dị avaba ẹnịnị ka, “Kanyị ọọ zị apavahị!”

Ịjọọnụ 8:59

Dị ẹ kụ́ ụvọ kụ́ ịrẹta, ka eni è ne e hi Ijeesu nị, ama dị Ijeesu sị ẹngụ anị tẹ yị wa, di o hụụnị irehi Ohomorihi nị.

Aniroomi 4:18

Abụrahamị ộ sị ayị tụra Ohomorihi, dị aa yịị tụra eyi ịsa ana ahịka àa ka ọza ọ̀ kà, ẹ yị kụkụ vọrọ ka ọ̀ọ tụra eyi anị nị. Ịzẹyịza, dị ọ vị ada anẹkụra ọrụrụ-ọrụrụ nị, anka a mẹ̀ vịdị kà a tịtẹ ka: Ezi ewu vaa rụrụ ẹtẹẹtẹrẹ.

Aniroomi 4:20

Ọ yị mẹ ayị ẹẹva, dị ọ̀ọ jị ịrẹyị Ohomorihi ịrẹka. Agụvị ka ộ sị ayị tụra Ohomorihi, ộ jẹẹ geri-geri, dị aa sị ụgaa yị Ohomorihi nị.

Aniroomi 8:31

Sị ị kụkụ vaa kà booro aanị? Ohomorihi ọ̀ọ yà yị ịrẹma, ẹnẹ kụkụ zụ kwẹẹtẹ tù yi?

2 Anịkọrịntị 1:6

Yàaa rị ụya, yaà rị ọọ agụvị ayị awụ nịnị ọ zụ nẹtẹ, dị à dọ wụ nịnị há hụụnị ụyọrị ọyaanị. Ayị ayị òo ve hunẹnẹ, agụvị ayị ẹwụ nịnị ò re hunẹnẹ yọ nị. Ọnị ọ mẹ ka wa zụ sị ẹngụ dọ ẹngụ ụyọrị ẹnẹ ẹyị raa rị nị.

2 Anịkọrịntị 4:8

Ịrẹyị irenyi-irenyi ee tù yị, ama ẹ yị nyị ẹbẹẹba ayị. Ayị ayịị̄ vaa zi, ama ye yi hụrẹ eyi.

2 Anịkọrịntị 7:5

Ị mẹ̀ daka si tù Imasedoniya, yẹ yị yị nyị ẹngwọọrọ. Ịrẹyị vị ana gwẹtẹ kara yị. Aza aa zyaazị, angwahi yà ịnị ayị ẹyị.

Anihiburu 13:6

Agụvị avọọ ayị ayị ọ zụ vị́, dị yaa kà a ka, “Ananyị yị ọ vị ọnọgụvọ amị nị, me yi vee hí angwa. Sị ọza nyẹngụ mẹ mị?”

Ọdọvịdị 18:25

Anịdanị nịnị ee tu ọ ohi ka a sị o pe ẹnị nyị ahankata, ẹyị vavọọ ọnị ọyịkụ ene hi ịnị ẹnịnị vaa gu chire wa dị ẹ dọ Imika ọnịrị ovwoovu anị ụhwẹ.

Ọdọvịdị 20:22

Ama Anisirẹrị ẹẹ hụ ẹngụ ẹnịnị ayị vị, dị ẹ rẹ varẹma na jẹẹ ịzị ẹ vịdị jẹẹ kụ̀ ịrẹkụ ẹkụhị ịpaapa nị.

1 Ịsamụwẹrị 1:10

Ayị Ịhaana vị ana nyayịnẹ du, di ee sụ ùnè ọ maa mẹ̀ aduwa hi Ẹnẹyịmavara.

1 Ịsamụwẹrị 23:16

Di Ijonatani ozi Ịsọọrụ ne tù Idevidi, dị ọ naa tụ́ ọ ọtụtụrụma ka Ohomorihi vee sere e nị.

1 Ịsamụwẹrị 28:15

Dị Ịsamụwẹrị hị́ Ịsọọrụ dị ọ ka, “sị ẹ vẹ dị wẹ̀ yị navọ mị hẹẹ dị ụ sị mị jịnẹ aa vẹ?” Dị Ịsọọrụ ka, “Ộ kata mị ẹngụ ẹtẹẹtẹrẹ booro aanị. Anihwirisiti nịnị ee pè emi kụ̀ ịrẹkụ, dị Ohomorihi ọ sị và ịrẹma amị. Màa kụkụ họ̀ Ohomorihi use ịrẹyị, ọ yị kụkụ tụ́ ọnịsẹ hi mi. Ọ yị rẹ pe mi kà ịrẹyị ịnị ụra. Agụvị avọọ mị va hị́ Ịsamụwẹrị ka wa kà a yị mị ịsị a vọrọ ka ma mẹ nị.”