1 Ịsamụwẹrị 30:26 - IWE ỌNỊNỊ

²⁶ Idevidi mẹ̀ va sị ngụ Izikiragi, dị ọ nyị ini ogu ẹnẹẹ dị ọ sị na yị azọkụ Anijuda ana vị ọta anị nị. Dị ọ ka, “ogu ọnị ị dọ hụụ ịda ọnịvị Ẹnẹyịmavara yị, ị ka ya sị ọsọnị va wụ nị.”

1 Ịsamụwẹrị 30:26 ပူးပေါင်းရင်းမြစ်များ

Oyinyima 33:11

Agụvị avọọ aarịhịnị ọ dọ ịsị ọnị sị vẹ. Dị ọ rẹ ka Ohomorihi vị ana nyayịnẹ mẹ̀ ẹ yị ọnị, ịsị ọnị nyị vị ana hụ ọnị.” Avọọ ọ mẹ̀ da ịpẹ yị Iisọ, dị ọ va zẹẹ ka ọnị ọ̀ dọ ọ nị.

2 Ịsamụwẹrị 1:1

Ịnị ụmẹ ọnya Idevidi ộ kụ́ ịrẹkụ ne tù Anamarẹkị, dị ọ wụ̀ wa nị. Ọ mẹ̀ sị wa wụ dị ọ vavẹ dị ọ va yà Izikiragi mẹ ẹkụhị ẹẹva nị. Ịjọnọọ Ịsọọrụ ọnị ô wusu,

2 Ohinọyị 5:15

Ọnịrị aza ana saasa a ẹ vavẹ ve tu ọza Ohomorihi, dị ọ jẹẹ ọvịdị anị dị ọ ka: Ọnị ọ sị yẹ ka ẹ yị nyị ịzị Ohomorihi yà ọsa ịnị avaba ẹhẹ, ẹ̀ yị vị ẹtẹ Isirẹrị ọnịnya.

Ahẹ Ụgama 35:27

Navọ aza ana aa jẹ ka wẹ yị jị ịvị mị ẹnị ẹ̀ rẹ va nyị ịrajẹ dị ịnẹ ẹnịnị òo hine Ẹnịnị ẹ̀ vaa kà a pooro ka Ẹnẹyịmavara ộ nyị ụbanyị Dị ẹ̀ rẹẹ kà a ka Ẹnẹyịmavara vi ene eē sì ka ẹhẹ ozi ahụ anị ò zoza.

Ahẹ Ụgama 68:18

Ộ hịrẹ nọ ẹbẹẹba dị ọ kú aza ọnị ọ za éyi ịrẹkụ aa na nị. Ộ dọ ịsa ẹtẹ hụụnị ụvọ aza Aza ana hyakụ kwẹẹtẹ tù ọ vị ọnị za agụvị dị ọ̀ ra ịzọọ. Dị ẹkụkụ aa tụ́ ịsa ẹtẹẹ yọ nị.

Ayịsaya 32:8

Ama aza obooro ẹnị vị ana aā gẹ eyi ịsị e zoza. Ịrẹyị ana vọrọ ẹ ẹẹ̄ jẹẹ pè nị.

2 Anịkọrịntị 9:5

Agụvị avọọ mee roo ka ộ vọrọ, dị mị dá ịpẹ yị anda ayị ẹnẹnị ka ẹ̀ dọ ọvịdị amị vẹ ịdị awụ nịnị, dị ẹnịnị è ve tenyi ịsị ụ ka waa sịị mẹ ọgụvọ nịnị tịtẹ. Tenyi ọọ tịtẹ nịnị! Ọnọọ vaa sị zụ̀ ka ẹwụ nịnị ụvọta ọ sị ayị awụ nịnị sị ọọ ka waa mẹ ọgụvọ nịnị nị, ẹ yị vị a sị ụkata za wụ nịnị.

1 Ịsamụwẹrị 18:17

Ẹkụhị ọnya dị Ịsọọrụ hị́ Idevidi dị ọ ka ọnị aa sị ozi ẹnẹẹ anị ana vị ọzọkụ ana aā hị́ Imeravu gà Idevidi nị. Ọ kà asị Idevidi hí angwa, ama òo pè ọnị mẹ̀ ụkọrọ dị ọ̀ọ kụ̀ ịrẹkụ yị Ẹnẹyịmavara. Ịsọọrụ ô ro o ka ẹ yị vị ọnị ọ vaa sị ụvọ anịị wụ Idevidi. Ọ kà Anihwirisiti nịnị ọ vaa wụ̀ ọ nị.

1 Ịsamụwẹrị 25:27

Di Abigẹrị rẹ ka aarịhịnị ọ̀ dọ ịsa ọnị ọnị sị va yọ aanị dị ọ̀ sị yị aza ana saasa a nị.

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.

1 Ịsamụwẹrị 30:20

Ịsụpa ana aza ẹnẹẹ kụ́ vi oni Idevidi rẹ dọ vavẹ. Dị aza Idevidi kụ́ ịsụpa ẹnẹẹ hi ọvịdị ịsụpa ana vọ aa vẹ, dị ẹ ka, “Ẹsẹnị vi ogu oni Idevidi dọ.”

1 Ịsamụwẹrị 30:25

Di Idevidi mẹ̀ ẹ ọda, dị ahịka avọọ a mẹ̀ kụkụ aa mẹ̀ ẹ ịnị ẹtẹ Anisirẹrị pooro ve tù ajịnị nị.