1 Ịsamụwẹrị 30:15 - IWE ỌNỊNỊ

¹⁵ Dị Idevidi ka ọ́ọ́ zụ sị ọnị nọ ịda aza ana maanị va dụ aza va ha aanị. Di Anijipiti ka Idevidi ọ̀ọ nyẹngụ sị Ohomorihi hị́ eku ka ọnị ọ yị vaa wu ọnị, dị asị ọ rẹ sị ọnị varẹma na yị ọga anị, ọnị vaa sị ọ naa zụ̀ aza ẹnẹẹ.

1 Ịsamụwẹrị 30:15 ပူးပေါင်းရင်းမြစ်များ

Oyinyima 24:3

dị ò sị Ẹnẹyịmavara Ohomorihi ana mẹ ẹbẹẹba ọnịrị ẹhẹ hị́ eku yị ọnị. Ọ kà ọ̀ hị́ eku ka ọnị ẹ yị vaa nyị ezi Anikenaani ịzị ọnị yà aanị yi ozi anị, ka ọ̀ vi ose anị.

Ezikẹẹrị 17:13

Ộ sị ọza ịnyara hụụnị ẹngụ aza ohinọyị Ijerusarẹmị, dị ọnịrị ọ ka ịrẹyị ẹnẹ ẹ dọ beri ẹngụ tụ nị. Dị ohinọyị Ịbabịrọnị ka ọ̀ hị́ eku ka ọnị vaa saasa ịrẹyị anị pooro nị. Ohinọyị Ịbabịrọnị ộ za aza ọkọọka hụrị Ijerusarẹmị,

Ezikẹẹrị 17:16

Ọ kà, àa vị ọnị ọ yị vị̀ Ohomorihi ana yara nị, ohinọyị Ijuda ọnọnị vị ene vee súu tu Ịbabịrọnị agụvị ka ộ jịnẹ eku ọnị ọ hị́ ọnịrị ịrẹyị ọnị ọ dọ beri ohinọyị Ịbabịrọnị tụ ịnị anị, ọza ana sị ọ rị ohinọyị ọ vị ọnọọ nị.

Ezikẹẹrị 17:19

Ẹnẹyịmavara Ananyị ụkata hu ka, àa vị ọnị ọ yị vị̀ Ohomorihi ana yara nị, ọnị vaa sị ụyaa rị ohinọyị Ijuda agụvị ka ộ jịnẹ ịrẹyị ọnị ọ dọ beri, dị ọ sị ịrẹha anị hị́ eku ka ọnị vaa mẹ.

Ijosuwa 2:12

Dị Ịrahabị ka ẹnịnị ẹ sị Ẹnẹyịmavara hị́ eku ka ẹnị vaa nyị ayamva yị ovwoovu anị agụvị ka ọnị ọ gụ́ wa ụvọ. Dị ọ ka ẹ̀ mẹ̀ ịsa ana vaa vị ivenu ka

Ijosuwa 9:15

Dị Ijosuwa hị́ eku beri Anigibiyọnị ka ẹnị vaa beri wa za ọta dị ẹnị navọ wa ka ẹ ra. Ọdọvịdị Anisirẹrị wo oto ka ẹnị vaa sị́ ụvọ za eku ọnị ẹnịrị wa hị́ yị ẹngụ nị.

Ọdọvịdị 1:24

Aza ẹnẹẹ màa ngụ ẹkụra ọnọọ na, di e re ọnọrụ ọnya ana a jịnẹ vẹ, dị ẹ ka ọ zụ ẹnị oze ana na ngụ ịnị ẹkụra ka ẹ yị nyị ịsa anaa vaa mẹ̀ ẹ.

1 Ịsamụwẹrị 29:6

Di Akisi va hị́ Idevidi dị ọ ka, “Mâ sị Ẹnẹyịmavara tẹ ivenu ka wa rụra sị ayị tụra. Ẹmị yaanị sì ka wa yà ịnị isoja amị. Ụ mẹ̀ hụrẹ vẹ ịda amị pooro ve tù ajịnị, me yi re ebira odivi ịnị ụvọ awụ. Ama ọga isoja amị ka asị ụ saasa ayị.

1 Ịsamụwẹrị 30:14

Ọ rẹ ka ẹnị ẹ na dụ aza ene hi eyi ụvẹtẹ ịnị ẹtẹ Anikereti ne beri ẹtẹ Ijuda ọnịrị eyi ụvẹtẹ ịnị ẹtẹ Ịkarẹbị. Dị ọ rẹ ka ẹnị ẹ rị Izikiragi ịra nị.

1 Ịsamụwẹrị 30:16

Ịzẹyịza dị ọ sị Idevidi na zụ̀ aza ẹnẹẹ nị. Di Idevidi ne tù ka aza ẹnẹẹ ệ chaka hi ịnị avị ịzọọ, ẹ yaa rị, eyee hu, dị ẹ yaa mẹ chavaa kẹnẹ nị. Ẹnịnị vavọọ aa mẹrị agụvị ogu ene e re kụ́ hụụnị ẹtẹ Anihwirisiti ọnịrị Ijuda.