1 Ịsamụwẹrị 30:14 - IWE ỌNỊNỊ

¹⁴ Ọ rẹ ka ẹnị ẹ na dụ aza ene hi eyi ụvẹtẹ ịnị ẹtẹ Anikereti ne beri ẹtẹ Ijuda ọnịrị eyi ụvẹtẹ ịnị ẹtẹ Ịkarẹbị. Dị ọ rẹ ka ẹnị ẹ rị Izikiragi ịra nị.

1 Ịsamụwẹrị 30:14 ပူးပေါင်းရင်းမြစ်များ

2 Ịsamụwẹrị 8:18

dị Ịbẹnaya ozi Ijehoyada ọ vị ọga Anikereti ọnịrị Anipereti nị. Di ezi Idevidi ẹnị rẹ vị ohirẹsụ irehi Ohomorihi nị.

1 Ohinọyị 1:38

Dị Ịzadọkị ana vị ohirẹsụ irehi Ohomorihi ọnịrị Inatanị ọnịsẹ ne beri Ịbẹnaya ozi Ijehoyada ne chire Anikereti ọnịrị Anipereti chi na, dị ẹ na sị Isoromọnị tụra ịkẹrịkẹtẹ Idevidi ohinọyị, dị ọnịrị wa zị nọ Igihoni nị.

1 Ohinọyị 1:44

Ohinọyị vị ana hyakụ tụ́ Ịzadọkị ohirẹsụ irehi Ohomorihi ọnịrị Inatanị ọnịsẹ ne beri Ịbẹnaya ozi Ijehoyada saasa a. Avọọ ọ mẹ̀ rẹ tụ́ Anikereti ọnịrị Aniperizi saasa a nị. Dị ẹnịnị sị Isoromọnị tụra ịkẹrịkẹtẹ ohinọyị nị.

1 Ịtọpa 18:17

Ịbẹnaya ozi Ijehoyada o si eyi pe aza ene ee sere Idevidi nị. Dị ezi Idevidi ẹnị rẹ sị ụvọ za udi ẹbanyị-ẹbanyị yị aza ana aa mẹ ụkọrọọ yọ nị.

Ezikẹẹrị 25:16

Avọọ, ọnị vaa kwẹẹtẹ tu Anihwirisitiya nịnị, dị ọnị wụ̀ wa va ha. Avaba Anikereti nịnị ọnịrị aza ana ra hi ụtọ irehu vị ọnị vaa wụụ ha.

Ịzẹhwanaya 2:5

Ịrẹyị ô tù Anihwirisiti nịnị ana ra ụtọ enyi ẹngụ. Ẹnẹyịmavara kà ọnị ọ raà va eyi ịrazị ka Anikereti nịnị. Avaba Anihwirisiti ana ra Ịkanaanị vị ọnị vee vu ẹtẹ, dị ẹ yị nyị ọza anaa ha ịnị ẹnịnị.

Ijosuwa 14:13

Dị Ijosuwa mẹ̀ aduwa ka Ẹnẹyịmavara ọ gụ Ịkarẹbị ụvọ, dị ọ sị Ihebirọnị yị ọnịrị ezi anị.

Ijosuwa 15:13

Anka Ẹnẹyịmavara mẹ̀ kà a yị Ijosuwa, â nyị ịpa ịnị ẹtẹ Anijuda nịnị ọnị ọ sị yị Ịkarẹbị ozi Ijehwụnẹ. Anijuda ọ vị nị. Ọnị a sị ịzị aā hí Ihebirọnị yị nị. Ọnọrụ ana aā hị́ Arịba ada Anaki ọ nyị ẹkụra ọnọọ nị.

Ijosuwa 21:12

Ama â vịdị raà sị ẹtẹ ẹkụra ọbanyị ọnọọ ọnịrị ẹkụra eweyi-eweyi ene hi ịzọọ yị Ịkarẹbị ozi Ijehwụnẹ. Ọnọọ ọ vị ọnyịrẹva anị nị.

1 Ịsamụwẹrị 25:3

Ịrẹha ọnọrụ ọnọọ ọ rị Ịnabarị nị. Di ose anị ọnị rị Abigẹrị nị. Abigẹrị oni ô zoza, avọọ ọ mẹ̀ rẹ yẹ ịrẹyị nị. Ama ọva anị ana vi Anịkarẹbị ọnị vị ọza kẹnẹ-kẹnẹ, dị ọ rẹ vị ọnọyịha nị.

1 Ịsamụwẹrị 30:1

Idevidi ọnịrị aza anị mẹ̀ varẹma aa nọ Izikiragi, dị ahịka ịhyẹgwẹta anị ẹ na ngụ nị. E ne tù ka Anamarẹkị ẹ raà kụ́ ịrẹkụ na rị Ịnẹgẹvị ọnịrị Izikiragi. Izikiragi vi ene e du, dị ẹ rị ọ ịra za ẹtẹ.

1 Ịsamụwẹrị 30:13

Di Idevidi va họ̀ ọ ka ẹnị ẹ vị ọga anị. Dị ọ ka Anijipiti ọnị vị nị, dị ọnị rẹ vị ọrịhị Anamarẹkị nị. Dị ọ rẹ ka ẹngụ màa zị ọnị hụrẹ ajịnọgwẹẹta ọga anị hụrẹ navọ ọnị nị.

1 Ịsamụwẹrị 30:15

Dị Idevidi ka ọ́ọ́ zụ sị ọnị nọ ịda aza ana maanị va dụ aza va ha aanị. Di Anijipiti ka Idevidi ọ̀ọ nyẹngụ sị Ohomorihi hị́ eku ka ọnị ọ yị vaa wu ọnị, dị asị ọ rẹ sị ọnị varẹma na yị ọga anị, ọnị vaa sị ọ naa zụ̀ aza ẹnẹẹ.

1 Ịsamụwẹrị 30:16

Ịzẹyịza dị ọ sị Idevidi na zụ̀ aza ẹnẹẹ nị. Di Idevidi ne tù ka aza ẹnẹẹ ệ chaka hi ịnị avị ịzọọ, ẹ yaa rị, eyee hu, dị ẹ yaa mẹ chavaa kẹnẹ nị. Ẹnịnị vavọọ aa mẹrị agụvị ogu ene e re kụ́ hụụnị ẹtẹ Anihwirisiti ọnịrị Ijuda.