1 Ịsamụwẹrị 3:19 - IWE ỌNỊNỊ

¹⁹ Ịsamụwẹrị màa vịra, Ẹnẹyịmavara vị ana yà pè e. Avaba ịrẹyị ẹnẹ Ẹnẹyịmavara sịị zụ̀ Ịsamụwẹrị avọọ avaba anị mẹ̀ rẹ yị mẹ nị.

1 Ịsamụwẹrị 3:19 ပူးပေါင်းရင်းမြစ်များ

Oyinyima 21:22

Ịnị ụmẹ ọnọọ di Abimẹrẹkị ọnịrị Ipikori ọga isoja anị na kà a yị Abụrahamị dị ẹ ka, “Ịsa tụra ịsa ana àaa mẹ, Ohomorihi vị ana aa sị ụvọọ tụ́ ọ yọ.

Oyinyima 28:15

Di Ohomorihi rẹ ka ọnị ộ jẹẹ pè e, ọnị vee sere e aha tụra aha ọnị ọ̀ọ nọ. Ọ rẹ ka ọnị aa sị ọ vaa vẹ ịnị ẹtẹ ọnọnị. Avaba ịsị ọnị ka ọnị aa mẹẹ yọ aanị, à yị nyị ka ọnị ọ yị mẹ̀ ẹ, ka ọnị ẹ yị vaa va ịrẹma anị.

Oyinyima 39:2

Ẹnẹyịmavara ộ jẹẹ ịrẹma Ijosẹẹhụ, dị ọ mẹ ka ò zee yọ nị, agụvị avọọ dị ọga anị sị ọ ka ọ va yà ini eehi Anijipiti ana vị ọga anị nị.

Oyinyima 39:3

Ọga Ijosẹẹhụ ô re ka Ẹnẹyịmavara vị ana yà pè Ijosẹẹhụ. Ô re re ka Ẹnẹyịmavara vị ana mẹ ka ịsa tụra ịsa oni Ijosẹẹhụ ọ̀ọ sị ụvọ tụra vị eneē zoza.

1 Ohinọyị 8:56

“Ẹnẹyịmavara avọ. Ẹwa sị ụhwọtụ yi Anisirẹrị aza awụ nị. Avaba ịsa ozoza ọnị ụ tụ́ Imosiisi ka ọ̀ kà, a rẹ vaa nyị ikonya ana vi ireche ịnị avaba ịrẹyị ẹnẹẹ oni Imosiisi ozi ahụ awụ kà.

2 Ohinọyị 10:10

Ọ kà, yẹ́ nịnị ka, ọsọnị ộ sị zụ ka, avaba ịsa ọnị Ẹnẹyịmavara kà ịnị ịpa evere Ahabị vaa sẹ. Ịsa ẹnẹ Ẹnẹyịmavara wo oto anị ọnị Erija kà ịhị ọnọọ, ọ mẹ aanị nị.

2 Ohinọyị 15:12

Aanị Ẹnẹyịmavara mẹmẹ sị oto oni o wo yị Ijehu sẹ nị. Ộ vịdị kà a ka: Ezi ewu hùuu na ngụ ẹmaazị awụ vaa rị ohinọyị Ísirẹrị.

2 Ohinọyị 22:16

Ịrẹyị ọnị Ẹnẹyịmavara kà. Ọ kà ọnị vaa sị ụya rị Ijerusarẹmị ọnịrị avaba anẹkụra ọnọọ anka ozirenu ana a chẹrẹ tụ́ ịnị iwe ana a za ịrịka zụ́ ohinọyị Ijuda.

Ayịsaya 43:2

Wàa ngụ enyi ana nyị ịnẹ, mị vaa yàa pe wu; Akanya awụ ẹ yị vee huna awụ. Wàa ngụ ịraa parahu, ọ yị vaa rị wụ;

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Ayịsaya 55:11

Avọọ gẹdẹ-gẹdẹ ịrẹyị ọnị mị kà mẹ yà nị. Ẹ yị vaa vàa ka mịị vẹ osusu, ama ọ vaa mẹ ịsị mị mẹ eto anị; ọ vaa mẹ avaba ịsị mị tụ́ ọ ka ọ̀ na mẹ.

Imatiwu 1:23

“Re, ozwoorihi ọnya ẹnẹ ẹ̀ẹẹ̀ yị yẹ ọnọrụ vee zyẹẹ, dị ọ ma ozi ọnọrụ ọnya. A vaa hị́ ịrẹha anị Ẹmanụwẹrị oni iruvo anị vị Ohomorihi yà beri eyi.”

Iruuku 1:28

Dị anggẹẹrị ọnọọ ve tù ọọ nị, dị ọ ka, “Tangwa o! Ohomorihi ô re wu eyi, ọ rẹ yà pe wụ.”

Iruuku 1:80

Ozi ọnọọ aa hụ, dị ọ raa vịra ini oze Ohomorihi nị. Dị ọ na yà ịnị ụnọmị pooro ne tù ẹkụhị ọnị ọ va sị sị ẹngụ anịị zụ̀ avaba Anisirẹrị ịnị eyigede nị.

Iruuku 2:40

Dị ozi ọnọọ aa hụ nị, dị aa nyị ụkata nị, ọ raa yẹ ịrẹyị ẹtẹẹtẹrẹ. Dị Ohomorihi aa mẹ ọyịzaa yọ nị.

Iruuku 2:52

Ijeesu aa vịra, aa yẹ ịrẹyịị hu avọọ, ọ raa hụ. Ohomorihi ô sì ịrẹyị anị, aza eni ree sì ịrẹyị anịị hu avọọ bẹẹ.

2 Anịkọrịntị 13:11

Ẹwụ nịnị ẹyịnyara amị, maa za ịrẹyị amị ẹtẹ ọgọnị. Adịhyọsa nịnị o. Tenyi oze awụ nịnị! Saasa ịrẹyị ọnị mị kà wụ nị aanị o! Sị ayị yị ẹngụ nịnị, asị ụ zyaazị nịnị oo! Ohomorihi eneē sì ịrẹyị ọza dị ọ rẹẹ̄ sị ẹngwọọrọ yị ọza, vaa yàa pe wu nịnị.

2 Anịkọrịntị 13:14

Ẹyịza ọọhẹ Ananyị yị Ijeesu Ikirisiti ọnịrị oyisì Ohomorihi ọnịrị uze Ụhwẹ Ọnịnị ọ̀ yà pe avaba awụ nịnị.

Iwe Ọhụhị Imosiisi ana aa hị́ Ọyịvatụrọda 18:22

Ọnịsẹ ọ̀ọ ka Ẹnẹyịmavara ọ tụ ọnị ụtụ, dị ịrẹyị ọnị ọ ka ẹ̀ yị rẹ va mẹ nị, ẹ yị Ẹnẹyịmavara ọ tụ ọ ụtụ ọnọọ. Ọnịsẹ vị ana dà ịrẹyị ẹngụ anị kà. A sị u hí angwa anị.

2 Itimoti 4:22

Ananyị yị ọ̀ yà ịnị ayị awụ! Ohomorihi ọ̀ mẹ ọyịza wụ nịnị!

Ijosuwa 21:45

Ẹnẹyịmavara ộ mẹ̀ avaba ịsa oni o wo oto anị yị Anisirẹrị nịnị.

Ọdọvịdị 13:24

Ịzẹyịza dị ọnẹẹ ọnọọ ma ozi ọnọrụ ọnyara nị. Dị ọ sị ịrẹha yị ọ ka ọnị ọ rị Ịsamịsịnị nị. Dị ozi ọnọọ aa hụ nị, dị Ẹnẹyịmavara mẹ ka ọọ zoza yị ọ nị.

1 Ịsamụwẹrị 10:7

Dị Ịsamụwẹrị rẹ ka ịjị avaba ịrẹyị ẹnẹẹ ẹ̀ẹ sị sẹ tụ́ ịrẹsụ Ịsọọrụ ịsa tụra ịsa oni Ohomorihi ọ̀ọ́ ka ọ̀ mẹ, ọ̀ mẹ̀ ẹ, ka Ohomorihi vaa yàa pè e.

1 Ịsamụwẹrị 12:2

Wa sị ohinọyị nyị nịnị booro aanị ana vaa vị ọdọvịdị awụ nịnị. Wâ yẹ ka eme si bo, ịrẹsụ amị kụkụ vị ẹwa-ẹwa. Ezi emi u wee re nịnị aanị nị. Ozweyi mị vị dị mị hụrẹ vị ọdọvịdị awụ nịnị pooro ve tù ajịnị nị.

1 Ịsamụwẹrị 16:18

Dị ọnya ini ezida anị ve tụ́ ohi dị ọ ka oni o re ozi Ijeese ana vị Anịbẹtịrẹhẹmị. Ọ kà ozi ọnọọ ọ yara hú agidibo ẹtẹẹtẹrẹ, avọọ ọ mẹ̀ rẹ zụ kụ̀ ịrẹkụ nị. Ọ kà ozi ọnọọ ọ yara kà ịrẹyị, avọọ ọ mẹ̀ re zoza nị. Dị ọ rẹ ka Ẹnẹyịmavara vị ana yà pe ozi ọnọọ.

1 Ịsamụwẹrị 18:12

Dị angwa Idevidi kuku ee hi Ịsọọrụ nị; agụvị ka Ẹnẹyịmavara vị ana jẹẹ ịrẹma Idevidi. Di Idevidi si zwe huu ịda Ịsọọrụ nị.

1 Ịsamụwẹrị 18:14

Avaba ịsa ọnị Idevidi ọ̀ọ mẹ vi ene eē zoza ẹtẹẹtẹrẹ agụvị ka Ẹnẹyịmavara vị ana jẹẹ ịrẹma.

1 Ịsamụwẹrị 18:5

Avaba ịsị Ịsọọrụ ọ̀ọ ka Idevidi ọ̀ mẹ, avọọ ọ màa yịị mẹ̀ ẹ nị. Idevidi ộ yẹ ịrẹyị ẹtẹẹtẹrẹ agụvị avọọ dị Ịsọọrụ sị ọ mẹ ọga isoja anị nị. Avaba aza ệ dọ ka Idevidi a vọrọ ka ọ̀ vị ọga nị. Isoja Ịsọọrụ nyẹmba ệ dọ ka Idevidi avọrọ ka à sị mẹ ọga nị.

1 Ịsamụwẹrị 2:21

Ẹnẹyịmavara ộ nyị Ịhaana iyi ẹtẹẹtẹrẹ. O re zyẹẹ tụra ẹngụ tụra ẹngụ dị ọ ma ezi anọrụ ẹẹta ọnịrị ezi anẹẹ ẹẹva. Ama Ịsamụwẹrị ọnị yị ya ịda Ẹnẹyịmavara, aa vịra.

1 Ịsamụwẹrị 2:26

Ịsamụwẹrị ọnị vị ana aa yịị hụ. Aza ê sì ịrẹyị anị, avọọ Ẹnẹyịmavara ọnị mè re sì ịrẹyị anị nị.

1 Ịsamụwẹrị 9:6

Di ozida ọnị ọnịrị Ịsọọrụ zị aanị hị́ Ịsọọrụ dị ọ ka ọ́ọ́ yẹ ka â nyị ọza Ohomorihi ọnya ịnị ẹkụra ọnọnị. Ọ kà aza ệ sị ụbanyị yọ ẹtẹẹtẹrẹ, ka avaba ịrẹyị ọnị ộ kà, avọọ ọ mẹ̀ raa yịị yà nị. Ozida ọnọọ ka Ịsọọrụ ẹ̀ vẹ dị ẹnị ẹ̀ nọ ịzọọ, ka ọ zụ hụ ọ dị ọ kà a yị ẹnị oze ana a vọrọ ka ẹnị ẹ̀ zị.