1 Ịsamụwẹrị 3:17 - IWE ỌNỊNỊ

¹⁷ Di Eri họ̀ ọ dị ọ ka si Ohomorihi kà yọ. Ọ kà ọ̀ kà a yị ọnị asị a nyị ọnị ọ dà tẹ. Ọ kà àa nyị ọnị ọ dà tẹ yị ọnị ịnị avaba ịrẹyị oni Ohomorihi kà yọ, Ohomorihi ọ yị vaa zẹẹ ka ò zoza yọ.

1 Ịsamụwẹrị 3:17 ပူးပေါင်းရင်းမြစ်များ

2 Ịsamụwẹrị 14:18

Di ohinọyị tụ́ ọnẹẹ ọnọọ ohi dị ọ ka aarịhịnị asị ọ sị ịrẹyị tẹ yị ọnị ịnị ịrẹyị ọnị ọnị aa vaa họ̀ ọ aanị. Dị ọnẹẹ ọnọọ ka taarụ, ọ̀ọ họ̀ use ịrẹyị anị nị.

2 Ịsamụwẹrị 19:13

Di ohinọyị ka ẹ̀ rẹ kà a yị Amasa ka ọ̀ yẹ o, ka ọnịrị ọ vị ọnya-ọnya. Ọ kà Amasa ọ vaa dọ Ijowabi ịrẹsụ dị ọ kụkụ vị ọga isoja nị. Ọ kà ọnị ọ̀ yị vavọọ mẹ, asị Ohomorihi zẹẹ ka aanị ò zoza.

2 Ịsamụwẹrị 3:35

Aza Idevidi ệ vẹ dị ẹ va dá ịpẹ yọ ka ọ̀ navọ dị ọ̀ rị ịsa nị. Di Idevidi ka àa vị ka ọnị ọ raà sị ịsa kanyị irenu, dị ọyị ọ̀ ta, asị Ohomorihi zẹẹ ka ò zoza yị ọnị.

2 Ịsamụwẹrị 3:9

Di Abịna rẹ ka, “Ẹnẹyịmavara ọ raà hị́ eku ka Idevidi ọ vaa vị ohinọyị nị. Maa hụrẹ ụvọ ohinọyị yị Idevidi. Maa sị ọ rị ohinọyị dị ọ nyị ahụ jẹẹ ịrẹsụ Isirẹrị ọnịrị Ijuda. Ọnị ọ vaa rị ohinọyị huu hụrẹ Ịdaanị na ngụ Ịbẹẹsẹba nị. Mẹ̀ yị rẹ vavọọ vaa mẹ Idevidi, asị Ohomorihi zẹẹ ka ò zoza yi emi Abịna.”

1 Ohinọyị 22:16

Di ohinọyị ka, “Hóò, ụpẹ ịrịka yà u wee si ka ma sị Ẹnẹyịmavara tụra wụ ka wa kà ịzẹyịza kẹnẹ mị?”

2 Ohinọyị 6:31

Di ohinọyị ka, àa vị ka, dị ẹtẹ ò hozi ajịnị ọnị ẹ yị rẹ vaa jị Erisa ozi Isahwati ịrẹsụ, Ohomorihi ọ̀ wụ ọnị ụvọta.

Ahẹ Ụgama 141:5

Mâ dọ ka aza ana aa mẹ ịzẹyịza è vene tụ́ mị dị ẹ̀ẹ tụ́ mị ohuvọ. Mâ yẹ ka vi e sì ịrẹyị amị nị. Ẹngụ ẹnẹẹ vị ana sị mẹẹ angwẹ ozoza ana a sịị̄ sisi ọza ịrẹsụ Mẹ yị vaa kà ka mẹ yị dọ ẹngụ ẹnẹẹ. Ama aza edivi vị ọnị maa mẹ̀ aduwa ịnị ẹhẹ amị ka asị ẹ̀ zụ mẹ̀ ebira odivi ẹnịnị.

Ijeremaya 38:14

Ijeremaya ka, â nyị ẹkụhị ọsa, dị ohinọyị Ịzẹdẹkaya yà enoze ọhụta irehi Ohomorihi, dị ọ́ ka asị ọnị vẹ nị. Ọnị ô tu ịzọọ, dị ọ ka, ịrẹyị ọnị ọnị aa vaa họ̀ ọnị use aanị, ọnị ee sị ka ọnị ọ̀ kà avaba ịzẹyịza anị yị ọnị.

Ijeremaya 42:4

Ijeremaya ka, dị ọnị tụ́ ohi ka, oo zoza de. Ọnị vaa mẹ̀ aduwaa hi Ẹnẹyịmavara, Ohomorihi ẹnịnị, anka ẹ́ mẹ tụ ọnị. Ịsa tụra ịsa ọọ ka, ọnị vaa kà a yị wa, ẹ́ yị nyị ọnị ọnị vaa sịị tẹ̀ yị wa.

Ịdanịyẹrị 4:19

Ịrẹyị ọnọnị ô hí Ịdanịyẹrị ana aā hị́ Ịbẹtịsaza irenu, dị ee ré ẹtẹ kẹnẹ nị. Dị ohinọyị kà a yọ ka, a sị ọ zẹẹ ka ụra ọnọnị ọnịrị ịsị ẹ vị iruvo anị ò hí ọnị irenu nị. Dị Ịbẹtịsaza tú ohi, dị ọ ka: Taarụ! àa yẹ ụra ọnọnị ọnịrị iruvo anị ẹ sị vị ọọza ana kụ ayị ohinọyị, dị à sị ẹ vị ohinọyị.

Imika 2:7

Áá vọrọ ka ẹwụ Anovwoovu Ijekọvụ ọ̀ maanị kà? Ẹnẹyịmavara wáá vaa sị ẹngụ dọ ebira ọnị wa mẹ̀ aanị? Wàa mẹ̀ ịsa ana vọrọ, ịrẹyị amị yaanị sị ayị awụ nẹtẹ.

Ịrịka 23:17

Ịjị Ịbaraamị ne tu Ịbarakị ọnịrị ọdọvịdị Animowabi nịnị jẹẹ pe ịsa ịsọvọ anị, dị ọ kà a ịsị Ẹnẹyịmavara kà yọ nị.

Imatiwu 26:63

Ama Ijeesu o yi tụ́ ohi. Dị ohirẹsụ ọbanyị irehi Ohomorihi ọnọọ ka, “Mâ sị Ohomorihi ana yàra tụra wụ, kà a yị, ẹwáá vị Ikirisiti Ozi Ohomorihi ọnọọ nị?”

Iruutu 1:17

Ịzị wèe sú tụ́ emi re vee sú tụ́ nị. Ịzị eè ne wụ tụ́, è re vee ne mi tụ́ nị. Ẹ̀ẹ yị hụhụ vị iswọọza, ẹ̀ yị nyị ịsa ọsa ọnị maa zẹẹ ka ọ ha ẹmịrị ẹwụ hi. Ẹ yị vị avọọ asị Ẹnẹyịmavara zẹ ka ò ozoza mị.”

1 Ịsamụwẹrị 14:44

Dị Ịsọọrụ ka, “Ijonatani, mẹ̀ yị wụ̀ wụ, asị Ohomorihi zẹẹ ka ò zoza mị.”

1 Ịsamụwẹrị 20:13

Ọ kà àa vị ada anị èe sì ka ọnị ọ̀ mẹ̀ ẹ ịrẹyị odivi ịzẹyịza nị, ọnị vaa tụ́ naa kà a yị Idevidi, dị ọnị ọ̀ mẹ ka ò zwe dị asị a nyị ịsị ẹ mẹ̀ ẹ. Ọ kà ọnị ọ̀ yị vavọọ mẹ dị asị Ẹnẹyịmavara zẹẹ ka ò zoza yị ọnị. Dị ọ rẹ ka Ẹnẹyịmavara ọ̀ yà pè Idevidi anka ọ mẹ̀ yà pè Ịsọọrụ ada anị nị.

1 Ịsamụwẹrị 25:22

Di Idevidi ka asị Ohomorihi zẹẹ ka ò zoza yị ọnịvị anị àa vị ka ọnị ọ yị wụ̀ avaba anọrụ ene hi ịdị Ịnabarị ẹnẹnẹ ụhwọọ.

1 Ịsamụwẹrị 3:16

Di Eri va hị́ ọ nị, dị ọ ka, “Ịsamụwẹrị.” Di Ịsamụwẹrị zẹẹ dị ọ ka, “Hèé” nị.