1 Ịsamụwẹrị 29:8 - IWE ỌNỊNỊ

⁸ Di Idevidi ka ọnị mẹ̀ mẹ aanị? Ọ kà sị ẹ vị ebira odivi ọnị Akisi re ịnị ụvọ anị ọnị mẹ̀ hụrẹ va yà ịda anị pooro ve tù ajịnị. Dị ọ rẹ ka, “Taarụ, sị ẹ vẹ dị wẹ̀ yị zẹẹ ka me ne pe ọnịvị awụ kụ́ ịrẹkụ?”

1 Ịsamụwẹrị 29:8 ပူးပေါင်းရင်းမြစ်များ

Imatiwu 6:13

Asị ụ sị yị tụ ịnị ọyịzamare, ama dọ yị ha hụụnị ụvọ Echu. (Agụvị ka ẹwa vị Ohinọyị, dị ụ nyị avaba ụkata ọnịrị igirima pooro zịna-zịna Aamị!)

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 17:29

Di Idevidi ka, “M mẹ̀ mẹ booro aanị? Vị aa ka asị mị kuku re oze kà ịrẹyị nị?”

1 Ịsamụwẹrị 20:8

Di Idevidi rẹ ka, “Navọ wa gụ mị ụvọ. Wâ yẹ ka wâ mẹ ka ya hị́ eku yị ẹngụ ọvịdị Ẹnẹyịmavara. Àa nyị ebira odivi ọnị mị mẹ, ẹwụ ụvọta ọ̀ wụ̀ mị. Me yi sì ka wa sị mị na yị ada awụ ka ọ̀ wụ̀ mị.”

1 Ịsamụwẹrị 26:18

Di Idevidi rẹ ka, “Taarụ, sị ẹ vẹ dị waa dụ mị aanị? Sị mị mẹ̀? Sị ẹ vị ịvị awụ ọnị mị rị?

1 Ịsamụwẹrị 27:10

Ohinọyị Akisi ọ̀ọ họ̀ ọ ka ịzị ẹ rẹ na kụ̀ ịrẹkụ ajịnị, di Idevidi ka eyi ụvẹtẹ Ijuda. Ịjị ẹnyị dị ọ ka eyi ụvẹtẹ Ijerahimẹẹrị. Ịjị ẹnyị dị ọ rẹ ka eyi ụvẹtẹ Ikeni.

1 Ịsamụwẹrị 28:2

Di Idevidi ka ooho. Ọ kà ọnị ụvọta vee re ịsị ọnị vaa mẹ. Dị Akisi ka ộ mẹ̀ ẹ ẹtẹẹrẹ, ọ ka Idevidi o kuku vee sere ọnị pooro nị.

1 Ịsamụwẹrị 29:7

Aarịhịnị varẹma dị waa na, ka ẹ yị nyị ịrẹyị. Asị ụ na mẹ ịrẹyị ana vaa kụ́ ọdọvịdị Anihwirisiti ayị, o!”