1 Ịsamụwẹrị 28:7 - IWE ỌNỊNỊ

⁷ Dị Ịsọọrụ va hị́ ezi ahụ anị dị ọ ka è ne sì ọnẹẹ ana vị ọpọchị ene zụ pe oku kà ịrẹyị, dị ọnị ò ne tù ọ nị. Di ezi ahụ Ịsọọrụ ka â nyị ọnya ịzị aā hị́ Ẹndọ nị.

1 Ịsamụwẹrị 28:7 ပူးပေါင်းရင်းမြစ်များ

2 Ohinọyị 6:33

Ọ maanị ee yii pe wa ka ịrẹyị kẹnẹ, dị ohinọyị va ngụ ịzọọ nị. Ộ vẹ, dị ọ ka, Ẹnẹyịmavara ọ kụ ẹngụkata ọnọnị tu ẹnị nị. Sị ẹ vẹ dị ọnị kụkụ aa jẹẹ zi ọ ka ọ̀ va gụ ẹnị ụvọ?

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

Ahẹ Ụgama 83:10

Wâ yẹ ka aza ẹnẹẹ vi ene vú ẹtẹ tụ́ ịzị aā hị́ Ẹndọ ịnị ụmẹ ọnọọ, dị ẹ vara itutu tụ́ ini eteesu ịzọọ nị.

Ayịsaya 19:3

Ẹnẹyịmavara kà avaba ịsa ana Anijipiti ro ka ẹnị aa mẹ vị ọnị ọnị aa dọ waa duu ha, di angwahi ngụ wa ẹngụ. Ọ kà Anijipiti nịnị vaa nọ ịda ori, ẹ rẹ vaa nọ ịda aza ene eē pè okuu kà ịrẹyị ka ẹnị ẹ̀ na zama ẹtẹ.

Ireevi 19:31

Ẹnẹyịmavara kà à sị Anisirẹrị nọ ịdị aza anaa họ̀ oku nini use ịrẹyị ka ẹ̀ sị ajuwe yị ẹnị, ẹnịnị ẹ̀ẹ vavọọ mẹ, vị́ eyee du ẹngụ ẹnịnị ẹngụ nị. Ọnị ọ vị Ẹnẹyịmavara, Ohomorihi ẹnịnị nị.

Ihabaku 2:3

Dị ọ ka, ịrẹyị ọnị ọnị aa kà a aanị, ẹ yị vaa mẹ̀ obobooro ọnọọ. Vị ụmẹ ịsa ẹnẹẹ vaa tangwa-tangwa vẹ nị. Agụvị avọọ asị e ha eyi ka ẹ yị vee tụra ẹtẹ. Ee vee re e.

Odeyi 16:16

Ẹkụhị ọnya, ị màa naa mẹ̀ aduwa, ozi ahụ ọnẹẹ ọnya aanị ọ va gẹrị ẹyị. Ozi ọnẹẹ ọnọọ ộ nyị ụhwẹ echu ana aa mẹẹ ka ọ̀ọ kà ịsẹ. Ọọ̄ kà ịsẹ, dị aa sị dọ ẹkẹhịị yị ọga anị ẹtẹẹtẹrẹ.

Iwe Ọhụhị Imosiisi ana aa hị́ Ọyịvatụrọda 18:11

A sị ụ dọ ahọnọ nịnị, dị a sị ụ na họ̀ oku usirẹyị nịnị.

Ijosuwa 17:11

Anịmanasẹ nịnị ẹ nyị ẹkụra ẹnẹnị ene hi ini ẹtẹ Iisaka ọnịrị Aseri nịnị nị. Ẹkụra ẹnẹẹ ẹ vị: Ịbẹtị-Isani ọnịrị ẹkụra eweyi-eweyi anị, Ibiriyami ọnịrị ẹkụra eweyi-eweyi anị, Ịdọọ ọnịrị ẹkụra eweyi-eweyi anị, Ẹndọ, Itaanaki, Imegido, beri ẹkụra eweyi-eweyi ana kara wa.

1 Ịsamụwẹrị 28:3

Ụmẹ ọnị yaa kà aanị, Ịsamụwẹrị ọnị ô wusu. Dị avaba Anisirẹrị jị òrèrè anị, dị ẹ sị ọ di e ne ne e tụ́ Iraama ịda anị nị. Ụmẹ ọnọọ Ịsọọrụ ọ kụ́ avaba ọpọchị ọnịrị ẹnẹbẹ dụ hụụnị ẹtẹ Anisirẹrị.