1 Ịsamụwẹrị 28:3 - IWE ỌNỊNỊ

³ Ụmẹ ọnị yaa kà aanị, Ịsamụwẹrị ọnị ô wusu. Dị avaba Anisirẹrị jị òrèrè anị, dị ẹ sị ọ di e ne ne e tụ́ Iraama ịda anị nị. Ụmẹ ọnọọ Ịsọọrụ ọ kụ́ avaba ọpọchị ọnịrị ẹnẹbẹ dụ hụụnị ẹtẹ Anisirẹrị.

1 Ịsamụwẹrị 28:3 ပူးပေါင်းရင်းမြစ်များ

Ọyịkụra 22:17

Ada ozi ọnọọ òo yi dị ọ ka ọnị ọ yị sị ga a nị, ẹkẹhị ịrẹsụ ozwoorihi ọnọọ vị ana aa mịị mẹẹ yị ada anị.

Ọyịkụra 22:18

Ọnẹẹ ana aa mẹ ẹbẹ vị ana a vaa wụ̀.

Ireevi 19:31

Ẹnẹyịmavara kà à sị Anisirẹrị nọ ịdị aza anaa họ̀ oku nini use ịrẹyị ka ẹ̀ sị ajuwe yị ẹnị, ẹnịnị ẹ̀ẹ vavọọ mẹ, vị́ eyee du ẹngụ ẹnịnị ẹngụ nị. Ọnị ọ vị Ẹnẹyịmavara, Ohomorihi ẹnịnị nị.

Ireevi 20:27

Ọnọrụ ọnyọọnyị à vị ọnyẹnẹẹ ana àaa na họ̀ usirẹyị hụụnị ụvọ ụhwẹ aza ene sú, vị ana vaa sị ịrẹta-ịrẹta wụ. Ọza ana àa mẹ ẹngụ ịsa ọnọnị o sì ẹngụ anị isu nị. À sị a nyị ọza ana tụ ohuvọ.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

1 Ịsamụwẹrị 15:23

Ọza ana aa mẹ akamawụ vị ana rị ịvị anka ọza ana aa há ẹva. Aza ene re ẹngụ ẹnịnị hu ịsa ọsa ọnịrị aza ana aa mẹ ori vị ana rị ịvị ọnya-ọnya. Ụ ka wẹ yị kụkụ saasa ịrẹyị Ananyị yị, ọnị ọ rẹ raà sị wụ hụụnị ohinọyị.”

1 Ịsamụwẹrị 25:1

Ịnị ụmẹ ọnya, dị Ịsamụwẹrị wusu nị, dị avaba Anisirẹrị kụ́ gụ, dị ẹ jị òrèrè anị nị. Dị ẹ sị ọ, di e ne e tụ́ ini eehi anị Iraama nị. Di Idevidi kwẹẹtẹ, di o si hu aa nọ ịnị ụnọmị ịzị aā hị́ Ịparanị nị.

1 Ịsamụwẹrị 28:9

Dị ọnẹẹ ọnọọ ka, “Aanị ka wẹ wụ́ ịsị Ịsọọrụ mẹ? Wáá yẹ ka ọ raà kụ́ avaba ọpọchị ọnịrị ẹnẹbẹ eneē pè okuu kà ịrẹyị hụụnị ẹtẹ ọnọnị? Sị ẹ vẹ di wee be mi ka wa wụ̀ mị?”

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.