1 Ịsamụwẹrị 28:18 - IWE ỌNỊNỊ

¹⁸ Wụ ka wẹ mā wụ́ ịrẹyị Ẹnẹyịmavara. Ayị ộ kụ́ ọ tù Anamarẹkị, ọ ka wa aa mẹ ọyịkụ ọnọọ yị wa, ama wê yi. Agụvị avọọ Ẹnẹyịmavara maanị kụ́ ọ tù wu aanị nị.

1 Ịsamụwẹrị 28:18 ပူးပေါင်းရင်းမြစ်များ

1 Ohinọyị 20:42

Dị ọnịsẹ ọnọọ ka, “Ẹnẹyịmavara kà ọza ọnị ọnị ka a wụ̀, wa raà hụrẹ ẹ ụvọ ka ọ̀ọ na, agụvị avọọ ụhwẹ awụ a vaa sị dọ ụhwẹ anị ịrẹsụ nị. Aza awụ vị ana a rẹ vaa sị dọ aza anị ịrẹsụ.”

1 Ịtọpa 10:13

Ịsọọrụ ẹ́ yị sị ịzẹyịza saasa Ẹnẹyịmavara ọ vị isu ịrẹsụ anị nị. Ẹ yị saasa ọda ọnị Ẹnẹyịmavara mẹ yọ; dị ahịka oku ene su ée nee họ̀ ka ọ̀ zụ̀ ọnị oze nị.

Ijeremaya 48:10

Ọza ọnị ẹ̀ yị kụ ẹngụ hi ụkọrọ Ẹnẹyịmavara mẹ, o du ọọ ku. Ọza enee yi ka ọnị tọ̀ ọza ụnava dị ọnị ọ̀ wụ̀ aza, o du waa ku huuu.

1 Ịsamụwẹrị 13:9

Dị Ịsọọrụ ka à sị ịsa ịsọvọ anaā rị ịra ọnịrị ịsa ịsọvọ ene e duduu rị vẹ nị. Dị Ịsọọrụ ka à mẹ̀ ịsọvọ anaā rị ịra nị.

1 Ịsamụwẹrị 15:20

Dị Ịsọọrụ ka, “mâ zị ụtụ ọnị Ẹnẹyịmavara tụ́ mị de! Mâ nọ ịzị ọ ka ma nọ dị mị na wụ̀ avaba Anamarẹkị nịnị, dị mị za Agagị ohinọyị ẹnịnị vẹ nị.

1 Ịsamụwẹrị 15:28

Dị Ịsamụwẹrị kà a yọ dị ọ ka, “Hụrẹ ẹhụrẹhụ ajịnị, Ẹnẹyịmavara ọ raà hụrẹ wụ kwooze hụnị ohinọyị Anisirẹrị yị ọnọhụva awụ ana dahi huna wụ ka ọ̀ kụkụ vị ohinọyị.

1 Ịsamụwẹrị 15:9

Ịsọọrụ ọnịrị isoja anị ẹ rẹ vaa wụ̀ Agagị ọnịrị atẹmẹ ne beri imaaru ẹnịnị ene zoza dị ọ banyị. Avaba ịsa ene zoza vị ẹnị ẹ navọ, ẹ yị zẹẹ ka ẹnị ẹ̀ wụ̀ wa va ha saka-saka. Ama avaba ịsa ẹnẹ ẹ̀ yi zee ọza eyi ana ahịka ọkụmị ẹ vị nị vị ẹ wụ̀ va ha saka-saka.