1 Ịsamụwẹrị 28:16 - IWE ỌNỊNỊ

¹⁶ Di Ịsamụwẹrị ka, “Ẹhẹẹ, sị ẹ vẹ dị ẹwụ vaa hị́ ẹmị Ẹnẹyịmavara mẹ̀ raà và ịrẹma awụ dị ahịka ọnịrẹyị awụ ọ kụkụ vị aanị nị.

1 Ịsamụwẹrị 28:16 ပူးပေါင်းရင်းမြစ်များ

2 Ohinọyị 6:27

Dị ohinọyị tụ́ ohi ka, “Heyiye de, Navọ Ẹnẹyịmavara ọ̀ gụ wụ ụvọ?” Ọnị ẹ yị nyị akụ, ọnị ẹ yị nyị eche, Sị ọnị ọ́ọ́ sị gụ ọ ụvọ?

Arụwẹ 2:4

Ộ sị ọpa gẹ ọ́za anka ọnịvị ọza avọọ, dị ộ wụ̀ avaba aza ọnị ị sị eyi ka nị. Ộ raa sị ọyịkụ pa ịva yị ẹnị ẹtẹẹtẹrẹ.

Arụwẹ 2:5

Ánanyị yị kụkụ sị mẹẹ anka ọnịvị ẹnịnị avọọ nị. Ó reè vú Anisirẹrị ẹtẹ beri avaba irehi ohinọyị ẹnịnị. Ộ sị avaba aha ọnị ẹnịị̄ tẹ̀ jị eburu. Ộ mẹ ka avaba Anijuda nịnị ẹẹ jị òrèrè pooro kẹnẹ.

Ẹtore 18:20

Ẹwụ nịnị ene hi ẹbẹẹba ọ̀ọ jẹ! Ẹwụ nịnị aza Ohomorihi ọnịrị ezirẹma Ijeesu beri ọnịsẹ nịnị ọ̀ọ jẹ agụvị Ịbabịrọnị, agụvị ka Ohomorihi o reè sị ọ atọ wụ nịnị!

Ẹtore 18:24

Anya ọnịsẹ nịnị ọnịrị anya aza Ohomorihi ana a wụ beri anya avaba aza ana a wụ ịnị ẹhẹ, yà ịrẹsụ Ịbabịrọnị.

Ọdọvịdị 5:31

Ẹnẹyịmavara ọ navọ ọ wụ̀ avaba ọnịvị anị nini ha, dị ọta awụ nịnị ẹ zẹtẹ anka ọyị òo nyima aa ha avọọ. Ẹtẹ ô vene hi ahị ịrayị ẹbẹẹva.

1 Ịsamụwẹrị 28:15

Dị Ịsamụwẹrị hị́ Ịsọọrụ dị ọ ka, “sị ẹ vẹ dị wẹ̀ yị navọ mị hẹẹ dị ụ sị mị jịnẹ aa vẹ?” Dị Ịsọọrụ ka, “Ộ kata mị ẹngụ ẹtẹẹtẹrẹ booro aanị. Anihwirisiti nịnị ee pè emi kụ̀ ịrẹkụ, dị Ohomorihi ọ sị và ịrẹma amị. Màa kụkụ họ̀ Ohomorihi use ịrẹyị, ọ yị kụkụ tụ́ ọnịsẹ hi mi. Ọ yị rẹ pe mi kà ịrẹyị ịnị ụra. Agụvị avọọ mị va hị́ Ịsamụwẹrị ka wa kà a yị mị ịsị a vọrọ ka ma mẹ nị.”

1 Ịsamụwẹrị 28:17

Ịsị ẹnị Ẹnẹyịmavara kà ma kà wụ ụmẹ ọnọọ ka ọnị vaa mẹ, aa mẹ avọọ nị. Ẹnẹyịmavara ọ raà sị wụ hụụnị ohinọyị Idevidi ana vị anẹkụra awụ ọ kụkụ sị mẹ ohinọyị nị.