1 Ịsamụwẹrị 28:15 - IWE ỌNỊNỊ

¹⁵ Dị Ịsamụwẹrị hị́ Ịsọọrụ dị ọ ka, “sị ẹ vẹ dị wẹ̀ yị navọ mị hẹẹ dị ụ sị mị jịnẹ aa vẹ?” Dị Ịsọọrụ ka, “Ộ kata mị ẹngụ ẹtẹẹtẹrẹ booro aanị. Anihwirisiti nịnị ee pè emi kụ̀ ịrẹkụ, dị Ohomorihi ọ sị và ịrẹma amị. Màa kụkụ họ̀ Ohomorihi use ịrẹyị, ọ yị kụkụ tụ́ ọnịsẹ hi mi. Ọ yị rẹ pe mi kà ịrẹyị ịnị ụra. Agụvị avọọ mị va hị́ Ịsamụwẹrị ka wa kà a yị mị ịsị a vọrọ ka ma mẹ nị.”

1 Ịsamụwẹrị 28:15 ပူးပေါင်းရင်းမြစ်များ

Ahẹ Ụgama 51:11

Navọ asị ụ kà ka waa dụ mịị hụrẹ ịdị awụ Navọ asị ụ rẹ sị Ụhwẹ Ọnịnị awụ hụụ ịnị ayị samị.

Ụhịrẹyị 14:14

Ọza ọhịmị vaa dọ ọgụ ebira odivi anị, ọza ọyịza ọnị rẹ vaa rị aha ebira ọyịza anị.

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

Ọdọvịdị 16:20

di o nowu hị́ Ịsamịsịnị ka Anihwirisiti nịnị ẹ vẹ ka ẹnị ẹ vaa za a nị. Ịsamịsịnị mẹ ha hụụnị ịnị ara, di o ro ka ọnị raa banyị ẹngụ anị ha anka ọ mẹẹ̄ vịdịị mẹ̀ avọọ nị. Ama ọ yị yẹ ka ụkata Ẹnẹyịmavara ọ sị hụrẹ ọnị ẹngụ.

1 Ịsamụwẹrị 18:12

Dị angwa Idevidi kuku ee hi Ịsọọrụ nị; agụvị ka Ẹnẹyịmavara vị ana jẹẹ ịrẹma Idevidi. Di Idevidi si zwe huu ịda Ịsọọrụ nị.

1 Ịsamụwẹrị 23:2

Di Idevidi va na họ̀ Ẹnẹyịmavara kà ọnị ọ́ọ́ na, dị ọnịrị Anihwirisiti ẹ̀ na kụ̀ ịrẹkụ nị. Dị Ẹnẹyịmavara kà ò ne pè Anihwirisiti kụ̀ ịrẹkụ, dị ọ dọ Anikeyira nịnị tụ́ nị.

1 Ịsamụwẹrị 23:4

Di Idevidi rẹ na họ̀ Ẹnẹyịmavara kà ẹnị ẹ́ẹ́ na nị. Dị Ẹnẹyịmavara kà ẹ̀ na ka ọnị vaa mẹ ka è huna Anihwirisiti nị.

1 Ịsamụwẹrị 28:11

Dị ọnẹẹ ọnọọ ve họ̀ use ka, “Ẹnị ọ ka ọnị ọ̀ hí jịnẹ vẹ yị ọnị nị.” Dị Ịsọọrụ ka, “Hị́ Ịsamụwẹrị jịnẹ vẹ yị ọnị nị.”

1 Ịsamụwẹrị 28:16

Di Ịsamụwẹrị ka, “Ẹhẹẹ, sị ẹ vẹ dị ẹwụ vaa hị́ ẹmị Ẹnẹyịmavara mẹ̀ raà và ịrẹma awụ dị ahịka ọnịrẹyị awụ ọ kụkụ vị aanị nị.

1 Ịsamụwẹrị 28:6

Ịsọọrụ o ne sì ụvọ tụ́ ọ ka ọnị ọ̀ yẹ ịsị Ẹnẹyịmavara ọ̀ọ kà, ama Ẹnẹyịmavara o yi tụ́ ọ ohi. Ọ yị sị ịrẹyị zụ̀ ọ ịnị ụra, ọ yị rẹ sị ịrẹyị zụ̀ ọ ini Urimi ana a sịị zama ẹtẹẹ tụ́ ịnị ịrẹyị. Ọnịsẹ nịnị ẹnị ẹ yị re re ẹtẹ dị ẹ̀ va kà a yọ.

1 Ịsamụwẹrị 28:8

Dị Ịsọọrụ mẹ ẹngụ anị anka ọza ẹnẹsa, dị ọ sị awuru ọsa chire, dị ọnịrị aza anị ẹẹva si hu aa nọ ịda ọnẹẹ ọpọchị ọnọọ ịrahụ nị. E mè tù ịzọọ dị Ịsọọrụ ka â nyị oku ọnị ọnị ee sì ka ò pè ọnị họ̀ use ịrẹyị ịnị ụvọ anị nị. Ọ kà ọza ọnị ọnị ọ̀ọ hị́ ịrẹha anị, dị ọ̀ hị́ ọza ọnọọ jịnẹ hụụnị eku tụ́ ẹhẹ yị ọnị.

1 Ịsamụwẹrị 30:6

Ayị Idevidi o si du ẹtẹẹtẹrẹ agụvị ka aza anị ẹnị ẹ rẹ kụkụ sị eyi va kà a ka ẹnị ee ne e ịrẹta. Ayị vị ana raa kụ́ ẹnị ka asị ozi ẹnịnị za. Ama Ẹnẹyịmavara ana vị Ohomorihi oni Idevidi aa hẹkẹ ộ sị ụkata yọ.