1 Ịsamụwẹrị 27:8 - IWE ỌNỊNỊ

⁸ Ẹkụhị ọnya di Idevidi ọnịrị Igirizite ne beri Amarẹkị nị. Dị ẹ kụ́ ogu hụụ ịzọọ nị. Ịnị ịyẹẹyẹ, aza ẹnẹẹ vị ana ra na ngụ ịnị ẹtẹ Isuri ọnịrị Ijipiti.

1 Ịsamụwẹrị 27:8 ပူးပေါင်းရင်းမြစ်များ

2 Ịsamụwẹrị 14:23

Di Ijowabi kwẹẹtẹ di o si hu aa nọ Igesuri dị ọ na sị Abịsarọmị huu ịzọọ vẹ Ijerusarẹmị nị.

2 Ịsamụwẹrị 14:32

Di Abịsarọmị tụ́ Ijowabi ohi dị ọ ka ọnị ộ tụ́ va hị́ ọ ka ò ve tù ọnị, dị ọnị ọ̀ tụ́ ọ hi ohinọyị. Ọ kà vị ọnị ka ọ̀ na họ̀ ohinọyị ka sị ọ sị ọnị hụrẹ Igesuri va mẹ ịzẹnị? Ọ kà ọnị ọ̀ọ yaanị yị yà ịzọọ ọ vana yaanị dà hi hu nị. Dị Abịsarọmị rẹ kà a yị Ijowabi ka oni ee sì ka ọnịrị ohinọyị ò re ẹngụ. Ọ kà ọnị ọ̀ọ rị ịvị ọ̀ wụ ọnị.

2 Ịsamụwẹrị 15:8

Abịsarọmị ka, Taarụ, m mẹ̀ yà Igesuri ịnị ẹtẹ Aramị, mâ zẹẹ ịzẹzẹ ọnya. Mâ kà a ka àa vị ka Ẹnẹyịmavara ộ sị mị vavẹ Ijerusarẹmị, mị va naa kụ́ ọ avọ.

2 Ịsamụwẹrị 3:22

Abịna mé yi si hu kẹnẹ di aza Idevidi ọnịrị Ijowabi va hụrẹ ịzị ẹ na kụ̀ ịrẹkụ aa vẹ nị. Ẹ màa vẹ, ệ hara ogu ẹnị ẹ kú éyi ịrẹkụ vẹ ẹtẹẹtẹrẹ. Ama Abịna ọ yị kụkụ yi ịda Idevidi Íhebirọnị. Idevidi ọ sị ọ kà ka ọ̀ọ na. O si hu, ẹ yị nyị ịsị ẹ mẹ̀ ẹ.

2 Ịsamụwẹrị 3:3

Ọgụ ọhụva Amịnọnị ọ rị Ikireyabi nị. Abigẹrị osoku Ịnabarị ana vị Anikamẹrị ọ ma ọnọọ yọ nị. Ọhụta ọ rị Abịsarọmị nị. Ọnyị Abịsarọmị ọ rị Imaaka nị, ana vị ozi ohinọyị Anigesuri ana aā hị́ Itarimayi.

2 Ịsamụwẹrị 8:12

Anẹkụra oni Idevidi vavọọ hu ẹtẹ éyi ịrẹkụ ẹ vị Anarami ọnịrị Animowabi beri Anamọnị. Ọsa ẹ vị Anihwirisiti ọnịrị Anamarẹkị nị. Ogu ọnị ọ rẹ kụ́ hụụ ịda ohinọyị. Izoba ana aā hí Ihadadeza ozi Ịrẹhọbị vị ọnị ọ rẹ kụ́ na yị Ẹnẹyịmavara.

1 Ịtọpa 2:23

Ama anọrụ ana aā hị́ Ịgẹsịhọ̀ ọnịrị Aramị mẹ vị ohinọyị, ẹnịnị ệ dọ wa ẹkụra ẹbẹẹta ịzọọ; ẹkụra ana aā hị́ Ịjarị ọnịrị Ịkẹnatị, ọnịrị ẹkụra-ẹkụra ana gụrị wa yà ịnị ẹkụra ẹnẹ ẹ vavọọ dọ. Avaba aza ana ra hi ẹkụra ẹnẹẹ vị ezi Imakiri, ada Igiriyadi.

Ọyịkụra 15:22

Imosiisi ộ kụ́ Anisirẹrị hụrẹ oku Ịkịịkẹ dị ẹ na ngụ ịnị ụnọmị mẹ ẹkụhị ẹẹta, ẹnịnị e yi re enyi.

Ọyịkụra 17:8

Anamarẹkị ệ kụ́ ịrẹkụ ve tù Anisirẹrị Irepihwimi.

Ịrịka 13:29

Anamarẹkị nịnị vị ana ra Ịnẹgẹvị, dị Anihiti nịnị ọnịrị Anijebusi nịnị ne beri Anamọrị nịnị vị ana ra ịrẹsụ ataba. Anikenaani vị ana ra utenyi Òkū Imeditareniya ọnịrị ụtụtọ irehi Ijodani.

Ịrịka 14:45

Dị Anamarẹkị ọnịrị Anikenaani nịnị ene hi ịrẹsụ ataba chi vẹ vaa rị wa dị dụ wa huu va ngụ ẹkụra ana aa hị́ Ịhọma nị.

Ijosuwa 12:5

Ọgị ọ nyị ẹtẹ hụrẹ ataba Ihamọnị ẹbẹẹba va ngụ Isareka, ọnịrị avaba ẹtẹ Anịbasanị na ngụ ẹgẹ Anigesuri ọnịrị Animaaka neberi Ịhẹsịbọnị ẹtẹ Igiriyadi.

Ijosuwa 13:13

Ama Anisirẹrị nịnị ẹ yị dụ Anigesuri nịnị ọnịrị Animaaka nịnị hụụnị ẹtẹ ẹnịnị. Ẹnịnị vị ana ra chire Anisirẹrị ịnẹ pooro ve tu ajịnị.

Ijosuwa 13:2

avaba ẹtẹ Anihwirisiti ọnịrị ẹtẹ Anigesuri,

Ijosuwa 16:10

Ẹnịnị ẹ yị dụ Anikenaani ana ra Ịgẹzẹrị. Dị ẹnịnị wa ra vabẹ pooro vẹ tu ajịnị. Ama dị ahịka Anikenaani ẹnẹẹ ẹ ya ahụ ẹnịnị nị.

Ọdọvịdị 1:29

Ezi Ehwireemi nịnị e yị dụ Anikenaani hụrẹ ẹtẹ Ịgẹzẹrị. Ẹnịnị ẹ navọ wa ka ẹnịrị wa ẹ ra vabẹ.

1 Ịsamụwẹrị 29:6

Di Akisi va hị́ Idevidi dị ọ ka, “Mâ sị Ẹnẹyịmavara tẹ ivenu ka wa rụra sị ayị tụra. Ẹmị yaanị sì ka wa yà ịnị isoja amị. Ụ mẹ̀ hụrẹ vẹ ịda amị pooro ve tù ajịnị, me yi re ebira odivi ịnị ụvọ awụ. Ama ọga isoja amị ka asị ụ saasa ayị.

1 Ịsamụwẹrị 30:1

Idevidi ọnịrị aza anị mẹ̀ varẹma aa nọ Izikiragi, dị ahịka ịhyẹgwẹta anị ẹ na ngụ nị. E ne tù ka Anamarẹkị ẹ raà kụ́ ịrẹkụ na rị Ịnẹgẹvị ọnịrị Izikiragi. Izikiragi vi ene e du, dị ẹ rị ọ ịra za ẹtẹ.