1 Ịsamụwẹrị 27:12 - IWE ỌNỊNỊ

¹² Akisi ọnị vị ana nyayịnẹ sị ayị tụra Idevidi. Ọ kà aza Idevidi ana vi Anisirẹrị vi ana kụkụ aa nyị ịhyẹrẹ Idevidi. Ọ kà Idevidi vị ana kụkụ vaa yà ahụ anị pooro.

1 Ịsamụwẹrị 27:12 ပူးပေါင်းရင်းမြစ်များ

Oyinyima 34:30

Di Ijekọvụ va hị́ Isimiyọnị ọnịrị Ireevi dị ọ ka, “Ẹ̀ẹ yẹ ka ịrẹyị ẹ na dà va tụra ẹnị ịrẹsụ aanị nị. Anikenaani ọnịrị Aniperizi ene hi ịzẹnị ẹ yị kụkụ vaa sị eyi ọyịza re ẹnị. Ọ kà ẹ yị nyị ọnị yà. Ọ kà ẹ̀ẹ vabẹ dị ẹ baku ọnị nị, aā vi e yee vú ọnịrị aza anị ẹtẹ.”

2 Ịsamụwẹrị 10:6

Anamọnị e si re ka ẹnị ẹ sị ayị mẹ kụ́ Idevidi ẹnẹmẹhị, dị ẹ wụsẹ sị ẹkẹhị na hị́ isoja Anarami ẹnị akawụ-akawụ oze ẹẹwụ hụrẹ Ịbẹtị-Ịrẹhọbị ọnịrị Izoba nị. Ẹ rẹ na hị́ ohinọyị Imaaka isoja anị akahị. Dị ẹ rẹ na hị́ isoja ẹnị akawụ-akawụ oze ịhịnọnyị hụrẹ Itobi nị.

Ọyịkụra 5:21

Dị ẹnị ana aā kụ́ azaa nọ ịnị ụkọrọ aanị ka: Ẹnẹyịmavara ee re Imosiisi nịnị. Ẹ ka ọnị ọ vaa sịị họ̀ wa nị. Ẹ ka ẹ raà mẹ ka ẹnị ẹ̀ kụkụụ nyị Ihwarawo ọnịrị aza anị ịhyẹrẹ. Ẹ ka ẹ raà sị ụhwọ chire wa ụvọ ka ẹ̀ sịị wụ ẹnị.

1 Ịsamụwẹrị 13:4

Ịzẹyịza avaba Anisirẹrị ệ wụ́ ka Ịsọọrụ ộ kụ́ ịrẹkụ na dụ isoja Anihwirisiti ene hi udi ọnya. Dị Anihwirisiti kụkụ hụ ụvị avọọ dị ẹ yaa nyị ịhyẹrẹ Anisirẹrị ẹtẹẹtẹrẹ nị. Dị Ịsọọrụ ka avaba Anisirẹrị è ve tù ọnị Igirigari nị.

1 Ịsamụwẹrị 27:11

Avaba aza ẹnẹẹ vị ọnị ọọ̄ wụ, nyị ọnị ọ zẹẹ ka ọnị ọ̀ sị vẹ Igati. Ô ro o ka ẹ va na kà a ka ịsị ọnị Idevidi aa mẹ yị. Avọọ Idevidi màa mẹ pooro ọ mẹ̀ yà Ihwirisiti nị.

1 Ịsamụwẹrị 28:1

Ụmẹ ọnya yà ịzọọ, di Anihwirisiti nịnị kụ́ isoja ẹnịnị gụ ka ẹnịrị Anisirẹrị aa naa kụ̀ ịrẹkụ nị. Dị Akisi hị́ Idevidi dị ọ kà a yọ ka ọ̀ yẹ ka ọnịrị aza anị vaa saasa ọnịị nọ ịrẹkụ o.