1 Ịsamụwẹrị 27:1 - IWE ỌNỊNỊ

¹ Di Idevidi ve ro o, dị ọ ka wáá yẹ ka Ịsọọrụ vaa za ọnị ẹkụhị ọnya, dị ọ wụ ọnị. Dị ọ ka ịsị ẹ gụ hu ọ vị ka ọnị ò zwe nọ ịnị ẹtẹ Anihwirisiti nịnị nị. Ọ kà Ịsọọrụ ọ yị kuku vee sì ọnị aha ọnyọọnyị ịnị ẹtẹ Anisirẹrị ọ ka ịjọnọọ dị ọnị sị há hụrẹ ẹ ụvọ.

1 Ịsamụwẹrị 27:1 ပူးပေါင်းရင်းမြစ်များ

1 Ohinọyị 12:26

Di Ijerobowami ee ro o ịnị ayị anị, dị ọ ka, “Ẹyịyara ohinọyị ọnọnị ọ zụ varẹma nọ ini ovwoovu Idevidi.

1 Ohinọyị 12:28

Ịjị ohinọyị maanị sị ọ ro, dị ọ va sị igooru dị ẹ sị mẹ imaaru ẹẹva nị. Ịjị ọ sị wa mẹ, dị ọ kà a yị Anisirẹrị dị ọ ka, “O si ku ọnị ụ hụrẹ aa nọ Ijerusarẹmị nịnị, ô zee ọgọnị. Re ẹẹmẹ ana jẹẹ aanị, Ohomorihi awụ nịnị ọ vị ọnọọ nị, ẹwụ nịnị Anisirẹrị. Ẹnị ẹ kụ́ wụ nịnị jịnẹ hụrẹ Ijipiti vẹ nị.”

1 Ohinọyị 19:3

Erija mẹ̀ vavọọ wụ́, di ee hí angwa dị ọ sị kwẹẹtẹ di o si zwe ka asị a wụ̀ ọnị nị. Ọ mẹ̀ na sị ngụ Ịbẹẹsẹba ana yà ịnị ẹtẹ Ijuda, dị ọ navọ ozi ịda anị tụ́ ịzọọ,

2 Ịtọpa 25:17

Amaziya ana vị ohinọyị Ijuda ọnịrị anajuwe anị geeyi ịrẹkụ tụ́ Anisirẹrị nị. Ộ tụ́ hi ohinọyị Ijehowasi ozi Ijehowahazi ana vị aazị Ijehu ka ọnịrị ọ ẹ gẹ eyi ịrẹkụ.

Ahẹ Ụgama 116:11

nyị ọza ọnị mị kụkụ zụ sị ayị tụra, dị mị kụkụ ka avaba aza vi onireche nị.

Ahẹ Ụgama 55:7

Màa yaanị hira, dị maa na huu, dị mị va yà ịnị ụnọmị.

Ọyịkụra 14:12

Yàa vịdị kà a wụ Ijipiti ka wa navọ yị hẹẹ dị ya vị ọrịhị ẹnịnị? Yàa vana vị ọrịhị Anijipiti ọnị ọ gụ yị hu ka ye ve su và hị́ ịnị ụnọmị ịzẹnị nị.”

Ụhịrẹyị 13:12

Ịsa ọnị ọza e si ee tura ẹtẹ ayị anị vaa zị nị, ama ọza ene re ịsị ee si vị ọnị ayị anị hine.

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Ịrịka 14:3

Sị ẹ ve dị Ẹnẹyịmavara kụ ẹnị vẹ ịzẹnị ka enee ve su eyi ịrẹkụ? Dị ẹnị e wu su, dị ọnịvị ẹnịnị ẹ kụ ese ọnịrị ezi ẹnịnị vị ọrịhị ẹnịnị. Ọ vị ana mẹ ka ẹnị ẹ va na Ijipiti.

Imatiwu 14:31

Dị Ijeesu wụsẹ tana ụvọ anị, dị ọ za a nị. Dị ọ kà, “Ẹdọwụ awụ ộ da weyi kẹnẹ. Sị ẹ vẹ dị ụ waa mẹ ayị ẹẹva?”

Ịmaakị 4:40

Di Ijeesu kà a yị wa ka: Sị ẹ vẹ di eyee hí angwa nị? Ọ kà ẹnịnị ẹ ẹ̀ yị va sị ayị tụra ọnịị?

2 Anịkọrịntị 7:5

Ị mẹ̀ daka si tù Imasedoniya, yẹ yị yị nyị ẹngwọọrọ. Ịrẹyị vị ana gwẹtẹ kara yị. Aza aa zyaazị, angwahi yà ịnị ayị ẹyị.

1 Ịsamụwẹrị 16:1

Ẹkụhị ọnya dị Ẹnẹyịmavara hị́ Ịsamụwẹrị dị ọ ka, “Ịzị ụ vị ana vaa jị òrèrè Ịsọọrụ nee tù? Wâ yẹ ka ma raà sị ọ kwooze ka asị ọ kụkụ vị ohinọyị Anisirẹrị. Sị ọpanyị awụ dị wa ká angwẹ tụ́ ọ, ka maa tụ́ wụ nọ ịda Ijeese ana vị Anịbẹtịrẹhẹmị. Â nyị ozi anị ọnya ọnị mị raà nyị ka ọ̀ vị ohinọyị.”

1 Ịsamụwẹrị 16:13

Dị Ịsamụwẹrị sị ọpanyị anị ọnị ọ sị angwẹ tụ́, dị ọ nyị ọ ka ọ̀ vị ohinọyị éyi ẹnẹbẹnị anị nị. Hụrẹ ịhị ọnọọ dị Ụhwẹ Ẹnẹyịmavara kà Idevidi vẹ, dị ọ sị ụkata yọ nị. Dị Ịsamụwẹrị varẹma si hu aa nọ Iraama nị.

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”

1 Ịsamụwẹrị 22:5

Ẹkụhị ọnya â nyị ọnịsẹ ọnya aanị ana aā hị́ Igadi. Di ọ va kà a yị Idevidi ka asị ọ kụkụ yà ịnị ụtẹha ọnọọ nị. Ọ kà ọ̀ hụụ ịzọọ dị ọ̀ọ nọ Ijuda. Di Idevidi ka ooho, dị ọ hụụ ịzọọ dị ọ na yà ini iriku ana yà Ihereti nị.

1 Ịsamụwẹrị 23:17

Di Ijonatani ka, “Asị ụ hí angwa, Ịsọọrụ ada amị ọ yị yàa sị ụvọọ kanyị wụ. Ẹwa va vị ohinọyị Anisirẹrị, dị ahịka ẹma vị ọgwọhụva awụ nị.” Di Ijonatani rẹ ka, “Ada amị ộ hyakụ yẹ ka avọọ yọ nị.”

1 Ịsamụwẹrị 25:30

Di Abigẹrị aa kịị kà ịrẹyị dị ọ ka, “Nda, Ẹnẹyịmavara vaa mẹ avaba ịsa ozoza ọnị ọ ka ọnị vaa mẹẹ wụ. Ọ vaa sị wụ vị ohirẹsụ Anisirẹrị.

1 Ịsamụwẹrị 26:19

Taarụ ohinọyị, navọ wa wụ́ ịrẹyị amị. Àa vị Ẹnẹyịmavara ọ ka waa dụ mị nị, ọ̀ navọ ọ̀ dọ ịsọvọ ọnị maa sịị da ịpẹ. Àa vị aza ẹ maanị aa tụ́ wụ́ ịrẹyị nị, Ẹnẹyịmavara ọ yị vaa zẹẹ ka ò zoza yị aza ẹnẹẹ. Ẹ sị mị dụ hụụ ịda aza Ẹnẹyịmavara, ẹ ka ma kụkụ naa hẹkẹ ori.

1 Ịsamụwẹrị 29:2

Anihwirisiti ệ gà isoja ẹnịnị, dị ẹnyị vị ọnị ẹchẹhị, dị ẹnyị vị ẹnị akahị nị. Dị ẹnịnị tara aa na nị. Di Idevidi ọnịrị aza anị ne beri Akisi ẹnị hi ịrẹma aa dụ wa nị.

1 Ịsamụwẹrị 29:3

Dị ọga isoja Anihwirisiti nịnị ve họ̀ use dị ẹ ka Anihiburu ẹnẹnị yọ, ịzị ẹ yàa nọ? Dị Akisi ka Idevidi ana vị ọza ịnya ịnị ọga isoja Ịsọọrụ yọ nọ ọ. Ọ kà ọ sị para ịrayị ọnya ọnị ọ hụrẹ yà ịda anị. Dị ọ rẹ ka ọ mẹ hụrẹ hụụ ịda Ịsọọrụ dị ọ va yà pè ọnị, ọnị óò yi re ebira odivi ịnị ụvọ anị da.