1 Ịsamụwẹrị 26:6 - IWE ỌNỊNỊ

⁶ Di Idevidi vẹ, dị ọ va hị́ Ahimẹrẹkị ana vị Anihiti ọnịrị Abisayi ozi Izeruya ana vị ọyịnyara Ijowabi nị. Di Idevidi ka ẹnị aā saasa ọnịị nọ udi Ịsọọrụ. Dị Abisayi ka ọnị aa nọ nị.

1 Ịsamụwẹrị 26:6 ပူးပေါင်းရင်းမြစ်များ

Oyinyima 10:15

Ezi ọnị Ikanaani ma yị. Ozi ọzọkụ anị ọ̀ vị Ịsịdọnị nị. Ana vọ ẹ vị Iheti,

Oyinyima 15:20

Anihiti, Aniperizi, Anirehwayimi,

Oyinyima 23:3

Dị ọ kwẹẹtẹ hụrẹ ịzị oku ose anị yà, di o ne tù Anihiti ene hi ịzọọ dị ọ kà a yị wa ka:

Oyinyima 26:34

Iisọ mẹ̀ sị gụ ịrayị ẹbẹẹva, dị ọ na nyị Ijuditi ka ọ̀ vi ose anị nị. Ijuditi vị ozi Ibeeri Anihiti. Dị ọ rẹ na nyị ọnẹẹ ana aā hị́ Ibasemati nị. Ibasemati ọnị rẹ vị ozi Ẹrọnị Anihiti.

2 Ịsamụwẹrị 11:21

Ijowabi re ka ohinọyị vaa kà a ka, ẹnị ẹ́ẹ́ yẹ ọza ana wụ Abimẹrẹkị ozi Ijerubeseti. Dị ọ ka ẹnị ẹ́ẹ́ yẹ ka ọnyẹnẹẹ ọ yà ịrẹsụ ọvọ di o zina ịrẹta ọkụsa na nya a di o su Ítebezi nị? Dị ọ rẹ ka sị ẹ vẹ dị ụ vavọọ gụrị ọvọ nịnị? Di Ijowabi ka ohinọyị ọ̀ọ maanị họ̀ use, di ụ kà a yọ ka ozi ahụ anị Uriya Anihiti ọnị ộ hyakụ re wusu bẹẹ.

2 Ịsamụwẹrị 11:24

Dị ẹnịnị ana kụ́ ọkịta hi ịrẹsụ ọvọ di eyee ne ọpaa hi yi, dị aza ẹnyị ayị wusu nị. Ozi ahụ awụ Uriya Anihiti ọnị ọ rẹ hyakụ wusu bẹẹ.”

2 Ịsamụwẹrị 11:6

Di Idevidi tụ́ hi Ijowabi dị ọ ka ọ̀ hị́ Uriya Anihiti va yị ọnị nị. Ịzẹyịza di Ijowabi ka Uriya ò ve ne tù Idevidi nị.

2 Ịsamụwẹrị 12:9

Ọ kà sị ẹ vavẹ dị ẹwụ sị eyi wụ ọnị Ẹnẹyịmavara dị ẹwụ maanị na mẹ̀ ebira odivi ọnọnị aanị. Wâ mẹ ka à wụ Uriya Anihiti éyi ịrẹkụ. Wa rẹ sị ọ ose anị dọ wa sị ọ nyị. Ẹwa mẹ ka Anamọnị nịnị ẹ̀ wụ ọ ịnị ịrẹkụ nị.

2 Ịsamụwẹrị 18:5

Di ohinọyị va hị́ Ijonatani ọnịrị Abisayi ne beri Itayi di o hú wa ụvọ nị dị ọ ka Áarịhịnị navọ wa hụ agụvị amị asị a nyị ịsị ụ sị mẹ Abịsarọmị nịnị o! Avaba isoja ẹnẹẹ ệ wụ́ ohinọyị mèe hú ọga ẹnịnị ụvọ ini oze ịrẹyị Abịsarọmị.

2 Ịsamụwẹrị 2:13

Di Ijowabi ozi Izeruya ọnịrị aza Idevidi kwẹẹtẹ dị ẹ na gẹrị aza Abịna ụtọ okuha Igibiyọnị nị. E mè tù ịzọọ, dị aza Ijowabi yaayịtẹ ụtọ okuha, dị aza ẹnị rẹ yaayịtẹ ụtọ akẹnẹ okuha ọnọọ nị.

2 Ịsamụwẹrị 2:18

Ezi Izeruya ẹyịta vi ene hi ịzọọ. Ẹnịnị ẹ rị Ijowabi, Abisayi ọnịrị Asahẹrị nị. Asahẹrị oni o zụ zwe echi ẹtẹẹtẹrẹ, ộ rẹ huna akọnọ.

2 Ịsamụwẹrị 23:18

 nyị ọza ịnya aanị ana aā hị́ Abisayi. Ọyịnyara Ijowabi ozi Izeruya ọ vị nị, dị ahịka ọnị ọ vị ọga ẹnị isoja ohurẹẹwụ. Ộ sị ọha anị pè aza ẹnị ịrẹkẹẹchẹhị kụ̀ ịrẹkụ, dị ọ wụ̀ wa nị. Dị ọ sị ọnọọ mẹ ịrẹha yị ẹngụ anị nị.

2 Ịsamụwẹrị 23:34

Ana vọ ẹ vị Eriparati ozi Akasebayi ana vị Animaaka, Eriyami ozi Ahitohwẹrị ana vị Anigiro.

2 Ịsamụwẹrị 23:39

Uriya Anihiti Avaba aza ẹnẹnị vị ẹnị ohurẹẹwụ tụra ịhịmba.

1 Ohinọyị 10:29

Ệ na, dị ẹ na hị́ ịkẹkẹ ịrẹkụ ọnịrị umaata hụrẹ Ijipiti nị. Ịkẹkẹ ọnya ộ gụ ẹkẹhị achuchu ẹẹta, di umaata ọnị vị ẹkẹhị ẹchẹhị tụra ẹvarẹwụ nị. Di osohu ohinọyị varẹma ná wa yị ohinọyị Anihiti ọnịrị ohinọyị Anarami nị.

2 Ohinọyị 7:6

Ẹnẹyịmavara ộ mẹ̀ ka, Anisiriya nịnị ẹ̀ wụ́ ka â nyị ịsa aa sụrẹyịị vẹ. Ịsa ọnọọ vị ana sị mẹẹ anka ọkọnị isoja èe rere kụ umaata ọnịrị ịkẹkẹ ịrẹkụ aa vẹ avọọ. Ẹnịnị ệ kà a yị ẹngụ ka, vị ohinọyị Anisirẹrị nịnị na raà hị́ ohinọyị Anihiti nịnị ọnịrị ohinọyị Anijipiti ka è ve pe ẹnị kụ̀ ịrẹkụ anị nọ.

Ijosuwa 3:10

Ọ kà ọnị vaa sị wa nyị ẹbẹẹba Anikenaani, Anihiti, Anihivi, Aniperizi, Anigirigasi ọnịrị Anamọrị ne beri Anijebusi. Ịjị ọnị ọ̀ ra dụ anẹkụra ẹnẹẹ jịnẹ yị wa ẹnịnị vaa yẹ ka Ohomorihi ana yara ya pe Ijosuwa.

1 Ịsamụwẹrị 26:7

Di Idevidi ọnịrị Abisayi ne tù isoja Ịsọọrụ ịrahụ, di e ne tù Ịsọọrụ ka ọ hụtụ ịnị ajẹngụ aa sụ ara nị, di ahịka vị ọ kà ọha anị chire ẹtẹ ọgụrị ịrẹsụ anị nị. Di Abịna ọnịrị isoja ana vọ hụtụ kara Ịsọọrụ nị.