1 Ịsamụwẹrị 26:21 - IWE ỌNỊNỊ

²¹ Dị Ịsọọrụ ka ọnị ọ sị ebira odivi mẹ. Ọ kà “Idevidi ozi emi, navọ wa vavẹ ịda amị. Ẹwa ka asị mi sú ajịnị nị. Ẹ yị nyị ịsị mị kụkụ aa sịị mẹ wụ. Ma sị ụra mẹ, me reè nyeeyi baaba.”

1 Ịsamụwẹrị 26:21 ပူးပေါင်းရင်းမြစ်များ

2 Ohinọyị 1:13

Ohinọyị ộ rẹ varẹma tụ́ ọga isoja ọsa beri aza ẹnị ẹvarẹwụ. Ọnọnị ộ hịrẹ ataba ne tu Erija, dị ọ sị idinku ku ẹtẹ ọvịdị anị dị aa da ịpẹ nị. Ọ kà ọza Ohomorihi, ọ̀ navọ ọ vayị ọnịrị aza anị de. Ọ kà ọ̀ navọ à sị ọ wụ ẹnị de.

2 Ohinọyị 1:14

Ọga isoja ẹẹva ana á vịdị tụ́ vẹ vị ọnị ịra hụrẹ ẹbẹẹba vẹ, dị ọ wụ ẹnịrị aza ẹnịnị; ama Erija ọ̀ navọ ọ̀ vayị anị de.

Ahẹ Ụgama 116:15

Àa nyị ọza Ẹnẹyịmavara ene sú, ọọ̄ zị ọ ẹngụ ẹtẹẹtẹrẹ.

Ahẹ Ụgama 49:8

agụvị ka ịsị ee sii si ụta ụhwẹ ọza ộ katarihi ẹnẹmẹhị nyị ọpa ẹkẹhị ana hụ si ọ,

Ahẹ Ụgama 72:14

Ohinọyị vaa dọ waa tụ́ hụụnị ụvọ ọza ana aa mẹ ẹvaya yị wa, dị aa chamayị yị wa. Ohinọyị ọ yị vaa sị ịrẹyị ẹnịnị tụ́ ụvọha vụrụ-vụrụ.

Ọyịkụra 9:27

Di Ihwarawo va tụ́ na hị́ Imosiisi ọnịrị Eerọnị nị. Dị ọ ka ọnị ộ dọ booro aanị ka ọnị ọ sị ebira odivi mẹ̀. Ịsị Ẹnẹyịmavara mẹ ọ gẹ ẹ nị. Dị ọ ka ọnịrị avaba aza anị e si nyeeyi nị.

Ịrịka 22:34

Dị Ịbaraamị tụ́ ọ ohi ka, ọnị o nyeeyi. Ọnị ẹ yị yẹ ka anggẹẹrị jẹẹ oze ka asị ọnị re oze na. Òo re e ka ịsa ọnị aa mẹ̀ ẹ yị vọrọ, ọnị aa va ne eehi anị avọọ ne.

Imatiwu 27:4

Dị ọ ka, “Ma sị ịvị mẹ, agụvị ka mâ sị ọza ẹnẹ ẹ̀ yị nyị ịsị ọ mẹ chire ọnịvị ụvọ ka ẹ̀ wụ̀ ọọ.” Dị ẹnịnị tụ́ ohi, dị ẹ ka, “Ịzị ọnọọ gẹ ẹyịrị ẹwụ? Áawụ ọ́nọọ kụkụ vị nọ!”

1 Ịsamụwẹrị 13:13

Dị Ịsamụwẹrị kà yị Ịsọọrụ ka, “Wáá yẹ ka ebira ụra ụ mẹ̀ aanị nị? We yi si eyi pè ọda ọnị Ẹnẹyịmavara ana vị Ohomorihi awụ mẹ wụ. Wàa yaanị sị eyi pè ọda anị, ẹwụrị ịpa awụ ọ yaanị aa rị Ohinọyị Anisirẹrị pooro nị.

1 Ịsamụwẹrị 15:24

Dị Ịsọọrụ va kà a yị Ịsamụwẹrị dị ọ ka, “Ma sị ebira odivi mẹ̀, ma raà jịnẹ ọda ọnị Ẹnẹyịmavara mẹ̀ ọnịrị ịrẹyị ọnị ụ kà yị mị. Aza ana saasa mị nọ ịrẹkụ mi ne hí angwa anị, dị mị na dọ ooho yị wa nị.

1 Ịsamụwẹrị 15:30

Dị Ịsọọrụ tụ́ ohi dị ọ ka, “Mâ yẹ ka ma sị akụvị mẹ, ama navọ asị ụ mẹ̀ ụhị nyị mị ịnị eyi ọdọvịdị aza amị ọnịrị Anisirẹrị. Navọ wa saasa mị varẹma dị ma na hẹkẹ Ẹnẹyịmavara ana vị Ohomorihi awụ.”

1 Ịsamụwẹrị 18:30

Ọga isoja Anihwirisiti nịnị vị ana aa jịnẹẹ tụ́ ẹhẹ pooro ka ẹnị ẹ̀ na kụ̀ ịrẹkụ, ama dị ahịka Idevidi aa kụ̀ ịrẹkụ ẹtẹẹrẹ huna isoja Ịsọọrụ ana vọ nị. Dị ịrẹha Idevidi aa ngụ ịrẹyị nị.

1 Ịsamụwẹrị 24:17

Dị ọ ka, “Idevidi, ẹwa mẹ̀ ebira ana vọrọ, dị ẹmị sị ụsẹ evita nị. Wâ mẹ̀ ebira ozoza hi mi, dị ahịka ọhịmị mị sị si wu atọ nị

1 Ịsamụwẹrị 26:22

Di Idevidi ka, “Taarụ, ọha awụ yị, tụ́ ozida awụ ọnya ka ọ̀ va sị ọ va wụ.

1 Ịsamụwẹrị 26:24

Anka m mẹ̀ yị mẹ̀ dọ wu ụhwẹ ajịnị aanị, avọọ Ẹnẹyịmavara ọnị ọ̀ yị mẹ̀ rẹ vaa dọ mị ụhwẹ nị. Ọ raa dọ mịị hụụnị avaba akanya.”

1 Ịsamụwẹrị 27:4

Ịsọọrụ mẹ̀ wụ́ ka Idevidi o si zwe nọ Igati, di ò yi kuku sì ọ nị.