1 Ịsamụwẹrị 26:20 - IWE ỌNỊNỊ

²⁰ Navọ asị ụ wụ̀ mị tụ́ ịnị ẹtẹ ọzọga ẹnẹ ẹ̀ yị vị ịda Ẹnẹyịmavara. Taarụ, ẹwụ ohinọyị Isirẹrị ọyịvụrụ ọ sị kwẹẹtẹ aa dụ mị ana ahịka ịsị mị vị nị. Waa dụ mị anka ọza àa dụ irekwose ịnị ataba avọọ.”

1 Ịsamụwẹrị 26:20 ပူးပေါင်းရင်းမြစ်များ

Ijeremaya 16:16

Ẹnẹyịmavara kà, ọnị aa tụ́ ụ hị́ ozube ivovo ọrụrụ-ọrụrụ vẹ dị ẹ̀ vaa zá aza ẹnẹnị. Dị ọnị rẹ tụ́ hị́ ozube nịnị ka ẹ̀ ve si wa ịnị avaba ataba ọnịrị ịnị ụtẹha ịrẹta, dị ẹẹ za wa vaka ẹtẹ.

Arụwẹ 3:52

Ịrẹpa ọnịvị amị ọnị ẹ yị nyị ịsị mị mẹ̀ wa ọ sị mị za anka inomi avọọ.

Imatiwu 26:47

Íjeesu mẹ̀ yị yà ịnị ịrẹyị aa kà, dị Ijudasi, ọnya ini ezirẹma ẹwụrẹva vẹ nị. Ộ wara aza saasa ẹngụ vẹ; aza ẹnẹẹ ệ kụ́ ụhwọ beri arubebe za. Ohirẹsụ ẹbanyị irehi Ohomorihi ọnịrị azọkụ nịnị ẹ tụ́ wa vẹ nị.

Imatiwu 26:55

Dị Ijeesu kà a yị wa ịnị ụmẹ ọnọọ ka, “Ẹmị ụ kụ́ ụhwọ ọnịrị arubebe aa vaa za nịnị anka oyi avọọ nịị? Eyinị-eyinị ẹmịrị ẹwụ nịnị ộ yà ini irehi Ohomorihi, dị maa zụ̀ wụ nịnị ịsa nị, wẹ yị za mị nịnị.

1 Ịsamụwẹrị 2:9

Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.

1 Ịsamụwẹrị 24:11

Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị.

1 Ịsamụwẹrị 24:14

Ẹ̀nị Ohinọyị Anisirẹrị ọyịvụrụ daka ka ịrẹyị anị ô tù ọnị aanị? Taarụ! Re, sị ụ vana ka waa dụ? Ẹmị oku irezi, à vị ọhụpẹ.

1 Ịsamụwẹrị 24:15

Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”

1 Ịsamụwẹrị 25:29

Ọ kà ọza ọ̀ọ daka ee sì ka ọnị ọ wụ Idevidi, ama Ẹnẹyịmavara ana vị Ohomorihi anị ọ yị vaa zẹẹ. Ọ kà ọnịvị Idevidi vị ẹnị Ẹnẹyịmavara vaa dọ ụhwẹ, di o ne e ta anka a mèe ne ịrẹta hụụnị irova avọọ.