1 Ịsamụwẹrị 26:11 - IWE ỌNỊNỊ

¹¹ Ọ kà ana asị Ẹnẹyịmavara zẹẹ ka ọnị ọ̀ sị ụvọ kanyị ọza ọnị ọ nyị. Di Idevidi ka à jẹẹ ẹnị ẹ̀ si ọha ọnịrị ịtụmpaha ọnị Ịsọọrụ nịnị sị enyi tụ́ ana yà aha ịrẹsụ Ịsọọrụ, dị ẹnị ẹ̀ẹ na.

1 Ịsamụwẹrị 26:11 ပူးပေါင်းရင်းမြစ်များ

2 Ịsamụwẹrị 1:14

Di Idevidi ka, “Wâ kụ̀rà ụvọ awụ wâ wụ̀ ọza ọnị Ẹnẹyịmavara nyị mẹ ohinọyị angwa ọ yị daba hi wu?”

2 Ịsamụwẹrị 1:16

Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”

2 Ịsamụwẹrị 19:22

Ama di Idevidi kà, “Yere ana jị gẹ ẹmịrị ẹwụ nịnị aanị, ẹwụ ezi Izeruya? Sị ẹ vẹ di wee sì ka wa kụ́ ịrẹyị tù mi ajịnị? Ẹma vị ohinọyị Isirẹrị nị, ẹ yị nyị ọza ana a vaa wụ̀ ajịnị ịnị ẹtẹ Isirẹrị.”

Ahẹ Ụgama 17:4

Anka ịrẹyị ọnị ụ kà, mẹ yị zẹẹ ka ma saasa ebira odivi ana aza aā mẹ Mẹ yị dọ ka ma nyị ụvọ tụ́ ini ebira aza ana aā chamayị.

Aniroomi 12:17

Ọza ọ̀ọ mẹ wụ nịnị ịsa odivi, asị u sị odivi sí ọọ atọ nịnị! Waa mẹ avaba ịsa ana aza dọ ka hịịn, ịzẹyịza yọ nị!

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 24:12

Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ.

1 Ịsamụwẹrị 24:4

Dị aza Idevidi hị́ ọ dị ẹ ka, “Ẹkụhị ajịnị gẹdẹ-gẹdẹ Ẹnẹyịmavara aa kà nọ, ka ọnị aa sị ọnịvị awụụ chire wụ ụvọ, dị wa mẹ̀ ẹ óòó mè ze wu eyi.” Di Idevidi were tere pè Ịsọọrụ, dị ọ yẹrẹ ụtọ awuru anị nị.

1 Ịsamụwẹrị 24:6

Di Idevidi va kà a yị aza anị dị ọ kà, “Ẹnẹyịmavara ọ yị vaa zẹẹ ka ọnị ọ̀ sị ụvọ anị kanyị ọza ọnị ọ nyị ka ọ̀ vị ohinọyị. Ọnị ọ yị nyayịnẹ vavọọ mẹ̀ ebira hi ọga anị.”