1 Ịsamụwẹrị 26:10 - IWE ỌNỊNỊ

¹⁰ Di Idevidi rẹ ka Ẹnẹyịmavara ọ̀ọ yà ịzọọ, ọnị Ẹnẹyịmavara ụvọta ọ vaa wụ̀ Ịsọọrụ nị. Ọ kà Ịsọọrụ o zụ sú ịhị ẹkụhị anị ọ̀ sị gụ, à yị vị avọọ dị ọ nọ ịrẹkụ, di o ne sú ịzọọ.

1 Ịsamụwẹrị 26:10 ပူးပေါင်းရင်းမြစ်များ

Oyinyima 47:29

Ịjị ụmẹ oni Ijekọvụ ee vee sú aa gụrị ẹtẹ, dị ọ tụ́ na hị́ Ijosẹẹhụ ozi anị dị ọ ka: Òo sì ịrẹyị anị ọ sị ụvọ chire agada anị dị ọ̀ hị́ eku yị ọnị. Ọ kà ọ̀ hị́ eku ka ọ vaa mẹ ịsị ọnị ọ ka ọ mẹ ka ọ yi vee vene ọnị. Ọ kà ọ̀ hị́ eku ka o yi vee ne ọnị tụ́ ịnị ẹtẹ Ijipiti.

Ijoovu 14:14

Aza òo su ọ́ọ́ vaa ịrẹma vẹ ịnị ẹhẹ? Aa vị avọọ yọ nị, ọnị aa jẹẹ zi ụmẹ ozoza ọnị akanya vaa sị ta.

Ijoovu 14:5

Avaba ẹkụhị ẹhẹ ọza vị ọnị Ohomorihi mẹ eto anị tịtẹ. Ọ yẹ ụhwẹ anị ya. Ịhị ẹkụhị ọọ gụ ẹ yị nyị ka ọ vara.

Ijoovu 7:1

Ẹhẹ ọnị ọza vẹ ịnị anị vị ẹhẹ akanya. Ịrẹvụrẹkụ yọ pooro nị. Ọ sị mẹẹ anka ọza anaa dọ ụkọrọ avọọ nị.

Ahẹ Ụgama 37:10

Ọ yị jẹẹ dị áaza edivi ẹ̀ ta wèe kuku sì ọ pooro di we yi re e.

Ahẹ Ụgama 37:13

Aza edivi ẹ̀ẹ vavọọ mẹ, dị Ẹnẹyịmavara nyị wa unyi kẹnẹ Ộ yẹ ka ọ yị jẹẹ dị a wụ̀ wa va ha.

Ahẹ Ụgama 94:23

Ohomorihi vee si aza edivi atọ ebira odivi ẹnị ẹ yaa mẹ. Mị ka Ẹnẹyịmavara ana vị Ohomorihi ayị ọ vaa wụ̀ waa ha nị.

Ịrẹyị Ọzwọzịsa 3:2

Aa nyị ụmẹ ọnị aa sịị ma ọza vẹ ịnị ẹhẹ, dị ọ nyị ụmẹ ọnị ọza sii su nị. Aa nyị ụmẹ ene e sii chire ịsa, dị a nyị ụmẹ ana a sịị há a nị.

Iruuku 18:7

Wéé ro ka Ohomorihi ọ yị vaa mẹ̀ ịsa ana vọrọọ yị aza anị ọnọọ nyị, ene ee nowuu hị́ ọọ, ọọdụ ọnịrị ịrahụ, ọ̀ọ daka za wa tura ẹtẹ?

Aniroomi 12:19

Ẹwụ nịnị ẹyịnyara amị, asị u sí atọ ịrẹyị ẹngụ awụ nịnị, oo! Ama naavọ yị Ohomorihi, di ò sí ọọ, agụvị ka â vịdị chẹrẹẹ ka Ohomorihi Ananyị yị ka, “Emeē sí atọ nị, mi vee sí atọọ varẹma.”

Iwe Ọhụhị Imosiisi ana aa hị́ Ọyịvatụrọda 31:14

Ẹnẹyịmavara ộ kà yị Imosiisi ka ẹ yị jẹẹ di o su. Agụvị avọọ ọ sị Ijosuwa vẹ ịnị ajẹngụ anị, dị ọnị ọ nyị ọ ọdọvịdị Anisirẹrị nịnị. Dị Imosiisi ọnịrị Ijosuwa ngụ ịnị ịnẹ ajẹngụ Ẹnẹyịmavara nị.

Iwe Ọhụhị Imosiisi ana aa hị́ Ọyịvatụrọda 32:35

Ẹnẹyịmavara vaa họ̀ oponu, dị ọ sị ụya rị wa. Ụmẹ aa vẹ ọnị ọnịvị ẹnịnị vaa hyẹdụ; ụmẹ ọnị ịrẹyị odivi vee si tu wa ọ sị gụrị ẹtẹ.

Anihiburu 10:30

Yáa yẹ ọza ana kà a ka, “Oni oō sí atọ nị, oni vee sí atọọ varẹma!” Ọ rẹ kà ka, “Ananyị yị vaa mẹ̀ ọkarẹyị aza anị.”

Anihiburu 9:27

A sị eto anị mẹ ka ọza vị ene vee sú ụpẹ ọnya gene-gene. Òo wusu, dị Ohomorihi mẹ̀ ọkarẹyị yọ.

Ẹtore 18:8

Agụvị avọọ, avaba ụyọrị anị vị ene vee tù ọ ẹkụhị ọnya: ụkụ vaa za a, dị ọ và ẹngụ hi, dị ụngwẹ kụ̀ ọ ẹtẹẹtẹrẹ. A vaa rị ọ ịra agụvị ka Ohomorihi Ananyị yị ana aa mẹ̀ ọkarẹyị anị, ộ nyị ụkata.

1 Ịsamụwẹrị 24:12

Ẹnẹyịmavara ọ vaa mẹ̀ ọkarẹyị ẹmịrị ẹwụ, di ò si wu atọ ịsa ọnị waa mẹ mị aanị nị. Ama ẹmị ẹ yị vaa sị ụvọ amịị kanyị ẹwụ.

1 Ịsamụwẹrị 24:15

Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”

1 Ịsamụwẹrị 25:38

Ịhị ẹ tụ́ ọ ẹkụhị ẹẹwụ, dị Ẹnẹyịmavara Ịnabarị ịsa, di o su nị.

1 Ịsamụwẹrị 25:39

Idevidi ộ wụ ka Ịnabarị ô wusu. Dị ọ ka, “Ẹnẹyịmavara, avọ. Wa raà sị zụ̀ ka ẹ yị nyị m mẹ̀ mẹ Ịnabarị dị ọ vavọọ mẹ̀ ụhị nyị mị. Wẹ rẹ vaa zẹẹ ka ma mẹ ịrẹyị odivi. Ịsa odivi ọnị Ịnabarị mẹ ọ raà chị kú ọ ịrẹsụ.” Di Idevidi tụ́ hi Abigẹrị ka ọnị aa nyị ọ nị.

1 Ịsamụwẹrị 31:4

Dị Ịsọọrụ hị́ ọza anaā za ẹnya ịrẹkụụ gụ ọ dị ọ ka ọ̀ tụ̀ ụhwọ anị dị ọ̀ sị wụ ọnị nị. Ịsọọrụ ka à yị vị avọọ ẹẹmẹ ẹnẹ ẹ̀ yị ma jị ụvẹvẹnẹ aanị va wụ ọnị, dị ẹ yaa sị ọnịị mẹ ịyẹyẹ. Ama angwa ee hi ọza ọnọọ anaā za ẹnya ịrẹkụụ gụ Ịsọọrụ, ọ yị nyayịnẹ mẹ ịsị Ịsọọrụ ka ọ̀ mẹ. Dị Ịsọọrụ ọnị ụvọta tụ̀ ụhwọ anị, dị ọ sị wụ ẹngụ anị nị.

1 Ịsamụwẹrị 31:6

Avọọ Ịsọọrụ ọnịrị ezi anị ne beri ọza anaā za ẹnya ịrẹkụụ gụ ọ ọnịrị avaba aza anị mè su ịnị ẹkụhị ọnya nị.