1 Ịsamụwẹrị 25:39 - IWE ỌNỊNỊ

³⁹ Idevidi ộ wụ ka Ịnabarị ô wusu. Dị ọ ka, “Ẹnẹyịmavara, avọ. Wa raà sị zụ̀ ka ẹ yị nyị m mẹ̀ mẹ Ịnabarị dị ọ vavọọ mẹ̀ ụhị nyị mị. Wẹ rẹ vaa zẹẹ ka ma mẹ ịrẹyị odivi. Ịsa odivi ọnị Ịnabarị mẹ ọ raà chị kú ọ ịrẹsụ.” Di Idevidi tụ́ hi Abigẹrị ka ọnị aa nyị ọ nị.

1 Ịsamụwẹrị 25:39 ပူးပေါင်းရင်းမြစ်များ

2 Ịsamụwẹrị 1:16

Di Idevidi ka, “Wèe sú, ẹwa rị ịvị ẹngụ awụ nị. Ịrẹyị ọnị ẹwụ ụvọta kà vi ivenu, ka ẹwa wụ̀ ọza ọnị Ẹnẹyịmavara nyị mẹ ohinọyị nị.”

1 Ohinọyị 2:44

Ẹwụ ụvọta ộ yẹ ịnị ayị awụ avaba ịsa odivi ọnị ụ mẹ Idevidi ada amị. Avaba ịsa odivi ọnị ụ mẹ avọọ Ẹnẹyịmavara va sị họ̀ wụ.

Ẹsịta 7:10

Ịzẹyịza, dị e zù Ịhamanị obo gẹ ịrẹsụ ọchị ọnị o hi agụvị Imodekaya nị. Ịjị a maanị si Ịhamanị mẹ, dị ayị ohinọyị va nẹtẹ nị.

Ẹsịta 9:25

Ama ịjị Ẹsịta va ha ohinọyị eyi tu ebira odivi Ịhamanị, dị ohinọyị mẹ̀ ọda ana a chẹrẹ ka ịsị odivi oni o ro tụra Aniju ọ̀ vẹ ịrẹsụ anị nị. Di e zu Ịhamanị ọnịrị ezi anị gẹ ọchị nị.

Ahẹ Ụgama 7:16

Ẹngụkata ẹnị ẹ̀ẹ kụ́ vẹ, dị ẹ rẹ sị ịrẹsụ ẹnịnị kụ́ ọ; ebira ayịchama ọnị ẹ yaa mẹ vị ana raa varẹma vẹ ịnị ịrẹsụ ẹnịnị.

Ahẹ Ụgama 9:5

Wa raà jị ịvị yị anẹkụra ẹnẹ ẹ̀ yị yẹ Ohomorihi. Dị ụ za aza edivi dị ụ wụ̀ wa va ha nị. Wâ mẹ ka asị a kụkụ wụ́ ịrẹha ẹnịnị pooro zịna-zịna.

Ụhịrẹyị 18:22

Ọza ọ jịrị ọnẹẹ nyị ọ́ sị ịsị ozoza hee. Ẹnẹyịmavara ọ da sì ịrẹyị anị kẹnẹ.

Ụhịrẹyị 19:14

Ada ọza ò zụ da irehi, dị ọ mẹ ogu yị ọ ama Ẹnẹyịmavara kẹnẹ ọ zụ sị ọnẹẹ obooro yị ọza nị.

Ụhịrẹyị 22:23

Ẹnẹyịmavara vaa jẹẹ yị wa, ịsị aza ẹ̀ẹ kụ tu wa ọnị rẹ vaa kụ tu ẹnị nị.

Ụhịrẹyị 31:10

Ọnẹẹ obooro ọọ zwọ. Ọnị ọ nyị ụbanyị huni ẹkẹhị nị.

Ụhịrẹyị 31:30

Uzoza ọ zụ vene ọza o, ọ vaa sa, ama ọnẹẹ ana nyị angwahi Ẹnẹyịmavara vị ana vọrọ ka àa ga.

Ahẹ Isoromọnị 8:8

Yaa nyị ọyịnyara ọnẹẹ ọnyara, ozweyi ọ́ vị nị. Ệ yị ha ịrẹva. Sị́ yị vaa mẹẹ yị ọ ịhị ọnọrụ ọ̀ọ va zị ụsẹ anị kẹ?

Imika 7:9

Ẹnẹyịmavara ya raà rị ịvị awụ, agụvị avọọ yaa sị ẹngụ dọ ọyịkụ awụ. Ama ọ vị ịrẹma anị, ụ vaa vụ ịrẹvụ yị yị, di u sí atọ ịsị a mẹ yị. Ọ vaa sị yị vẹ ịnị ẹtohweyi; ọ vaa dọ yị ha.

2 Anịkọrịntị 13:7

Yaa mẹ̀ aduwaa hi Ohomorihi ka asị ụ na mẹ̀ ịsa odivi nịnị. Ẹ yị vị ka ya sị zụ̀ ka yaa mẹ ẹtẹẹrẹ. Ama yaa mẹ̀ ẹ ka wa zụụ mẹ̀ ebira ozoza nịnị; aza ẹ nyị ẹ̀ẹ daka ee ro o ka ẹyị ẹ yị mẹ ẹtẹẹrẹ.

1 Anịtẹsaronika 5:23

Ohomorihi anaā sịị ẹngwọọrọọ yị, ọ̀ mẹ ka ayị awụ nịnị ọ nị saka-saka. Ohomorihi ọ̀ navọ ivehu awụ nịnị ọnịrị ariro awụ nịnị ne beri ọchẹngụ awụ nịnị ẹ̀ vị ọnịnị; dị asị ụ nyị ohuvọ nịnị vụrụ-vụrụ ịnị ẹkụhị ọnị Ijeesu Ananyị yị vaa sị vaa vẹ.

2 Itimoti 4:18

Ananyị yị rẹ vaa dọ mịị hụrẹ ụvọ avaba ịsa odivi, dị ọ sị mị hẹẹ na ngụ ịzị ọ yà aa mẹ ịjọva ẹ́bẹẹba. Ọnị ọ nyị ụbanyị pooro zịna-zịna nị. Aamị.

Ọdọvịdị 5:2

Ga Ẹnẹyịmavara! Anisirẹrị nịnị ê tenyi ẹngụ ịrẹkụ; Ịnị ayohine aza hụrẹ ẹngụ ẹnịnị ụvọ nị.

1 Ịsamụwẹrị 24:15

Ẹnẹyịmavara ọ vaa mẹ̀ ọkarẹyị ẹmịrị ẹwụ nị, o! Ọnị ọ vee re tụ́ ịnị ịrẹyị amị, dị ọ̀ ba mi owu nị. Ọnị ọ vaa dọ mịị hụrẹ wụ ụvọ, dị ọ̀ sị zụ̀ ka mẹ yị rị ịvị awụ nị.”

1 Ịsamụwẹrị 25:26

Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”

1 Ịsamụwẹrị 25:32

Di Idevidi tụ́ Abigẹrị ohi, dị ọ ka, “Mâ kụ́ Ẹnẹyịmavara avọ ọnị ọ vị Ohomorihi anị Anisirẹrị aa hẹkẹ nị. Ohomorihi ọ tụ́ wụ va gẹrị mị ajịnị nị.

1 Ịsamụwẹrị 25:34

À yị vị ẹnị Ẹnẹyịmavara ana vị Ohomorihi anị Anisirẹrị aa hẹkẹ ana mẹ ka asị mị kanyị wụ, mâ sị Ohomorihi hị́ eku ka wẹ̀ yị yaanị maanị va gẹrị mị, eyi ọ̀ọ yaanị naa nị, ẹ yị yaanị kụkụ nyị ọnọrụ ikonya ana yà ịda Ịnabarị ana yaanị aa tịị tụ́ ụhwẹ.”

1 Ịsamụwẹrị 25:40

Di ezi ahụ Idevidi nọ Ịkamẹrị dị ẹ na kà a yi Abigẹrị ka Idevidi ộ tụ́ ẹnị hị́ ọ ka ọnị ee sì ka ọnị ọ̀ nyị ọ.

1 Ịsamụwẹrị 26:10

Di Idevidi rẹ ka Ẹnẹyịmavara ọ̀ọ yà ịzọọ, ọnị Ẹnẹyịmavara ụvọta ọ vaa wụ̀ Ịsọọrụ nị. Ọ kà Ịsọọrụ o zụ sú ịhị ẹkụhị anị ọ̀ sị gụ, à yị vị avọọ dị ọ nọ ịrẹkụ, di o ne sú ịzọọ.