1 Ịsamụwẹrị 25:36 - IWE ỌNỊNỊ

³⁶ Abigẹrị mẹ̀ varẹma nọ ini eehi di o ne tù ka Ịnabarị aa rị eche anka ohinọyị avọọ nị. Ịnabarị aa mẹrị, eche ộ ta hụ ọ. Ẹ yị nyị ịsị Abigẹrị kà yọ pooro di eyi nị.

1 Ịsamụwẹrị 25:36 ပူးပေါင်းရင်းမြစ်များ

2 Ịsamụwẹrị 13:23

Ịrẹma ịrayị ẹẹva ana a vavọọ mẹ̀ Ịtama, ezi ahụ Abịsarọmị anaā kụ́ ẹyị atẹmẹ yọ aa mẹ̀ ụkọrọ ọnọọ Ịbaarị-Ịhazọrị ọ gụrị ẹtẹ Ehwireemi nị. Ịnị ụmẹ ọnọọ Abịsarọmị sị hị́ avaba ezi ohinọyị ka ẹ̀ vẹ ịzị ịsụpa anị hị́ ịzọọ nị.

2 Ịsamụwẹrị 13:28

Abịsarọmị ọ sị ọ kà yị aza anị ka è batọ. Ọ kà èe re ka Amịnọnị ọ sị eche hú dị ịnẹ anị ee hine nị, ọnị vaa kà a yị wa ka ẹ̀ và ịsa hị́ ọ ẹngụ, dị ẹ̀ wụ ọ. Ọ kà asị e hí angwa ka ọnị ọnọnị ọ kà a ka ẹ̀ vavọọ mẹ nị. Ọ kà ẹ̀ nyị ọtụtụrụma, asị angwa hi wa.

2 Ịsamụwẹrị 3:20

Abịna mẹ̀ vavọọ aa nọ ịda Idevidi Íhebirọnị, aza ẹnị oohu ọ kụ́ tụra ẹngụ aa na nị. Idevidi ộ mẹ̀ ịsa oni o si sì ọnịrị aza anị ọzọga.

1 Ohinọyị 20:16

Ịnị ụmẹ ọọdụ, di isoja ẹnẹẹ nyima ịrẹkụ nị. Ịjọnọọ, Ịbẹnịhadadị ọnị yà ịnị ajẹngụ o si eche hú, eche aa mẹrị ọ. Ọnị beri ohinọyị ohurẹẹwụ tụra ẹẹva ana aa gụ ọ ụvọ ẹ vavọọ hú eche nị.

Ahẹ Ụgama 112:5

Aza ana aā mẹ ẹyịza dị ẹ̀ yị mā sị ụvọ kú oku, dị ẹ̀ yị mā rẹ mẹ irikichi vị ana vaa dọ ẹyịza.

Ụhịrẹyị 20:1

Ọza ọnị e hu eche ahaahara vị ọnị echee jị ụra. Ọnụra oō hu eche dị a mẹrị ọ nị.

Ịrẹyị Ọzwọzịsa 10:19

Ịsa ọyịrị vị ana ka ọza ọọ rị jẹ ịrajẹ; eche vị ana ka ọza oo hu dị ịnẹ anị ò hine, ama ẹkẹhị a sịị mẹ avaba ẹsẹnị nị.

Ayịsaya 28:3

Ọ̀ọ vavọọ si ohweche ẹnẹẹ ene kú amu ohinọyị, dị ẹ yaa sii mẹ eyii hú ẹtẹ, dị aza kụkụ aa kụ́ ahụụ hi waa za ụdọ.

Ayịsaya 5:11

Wa sị da nịnị, ẹwụ nịnị ana aa kwẹẹtẹ ẹnẹnẹ viri-viri di wee hú echee zị nịnị. Avọọ u mè vee hú eche ọnọọ pooro huu na ngụ ịrahụ, dị ọ kụkụ aa mẹrị wụ nịnị nị.

Ijeremaya 51:57

Ọnị vaa kà ọdọvịdị ẹnịnị ọnịrị aza ana yẹ ịrẹyị hị́ ịzọọ eche. Ọnị vaa kà Ịgọvọnọ ẹnịị ọnịrị isoja ẹnịnị eche. Ẹnịnị vanaa sụ̀ dị ẹ́ yị ma vanaa ha kwẹẹtẹ. Ọnị ohinọyị ọ kà avọọ nị. Ịrẹha anị ọ rị Ẹnẹyịmavara Ochẹtẹẹngụ nị.

Ihoseya 4:11

Ịrẹkọyịsẹ ọnịrị eche ahaahara ene e yee hu, ọ raà dọ wa ịrẹyọyẹ.

Ịnahụmị 1:10

Ọnịvị Ẹnẹyịmavara sị mẹẹ anka aza ọnị eche hu ẹtẹ tịtẹ avọọ. Ị vaa rị ịra anka igegenechi ọnịrị avị ọyịwụ̀ mẹẹ rị ịra avọọ.

Imatiwu 10:16

“Re, mị tụ́ wụ nịnị aa na anka atẹmẹ ana aa nọ ịnị akakana akatapooro nịnị avọọ nị. Agụvị avọọ â nyị ka wa tangwa yẹẹrẹ nịnị anka ẹwụ avọọ, ama dụ wa yà anka arivadi nịnị ẹnẹ ẹ̀ yị mā mẹ ọza ịrẹyị odivi avọọ.

Iruuku 14:12

Di Ijeesu rẹ kà a yị aza ana dọ ọ ọzọga, dị ọ ka, “Wàaa mẹ̀ ịsaa yị aza, asị ụ hị́ ọta awụ, àa vị ẹyịnyara awụ, àa vị anda awụ nịnị ọnịrị ọnọhụva awụ ana vị opisa kẹnẹ! Àa vị ẹnị kẹnẹ, ụ hị́ nị, ẹnị rẹ vaa hị́ ẹwụ naa rị ịsa, di e sì wu atọ varẹma.

Iruuku 21:34

Dị Ijeesu ka, “Sị eyi pe ẹngụ awụ nịnị, oo! Asị ụ sị eche ọyịrị pooro ọnịrị eche ahaahara oyihú ne beri ariro ẹhẹ ọnọnị dọ ẹngụ awụ nịnị oro! Agụvị ka ẹ̀ yị vị avọọ, ẹkụhị ọnọọ o vee tù wu nịnị ịnị ụmẹ oni u wè yi ro nịnị.

Aniroomi 13:13

à vẹ yaa zị ụsẹ ana vọrọ tụra aza ẹnẹ ẹ̀ yị zị ụsẹ ịrahụ! Asị ị rẹ̀ kụkụ dọ ọda eche ọyịrị pooro kẹnẹ! Asị i rè hú eche, dị ọ̀ọ mẹrị yị; asị ị rẹ̀ mẹ̀ ebira ịdọtị irenyi-renyi, àa vị ebira kẹnẹ-kẹnẹ! Asị ị rẹ̀ zyaazị; asị ị rẹ̀ rẹ kụ̀ ụhị!

Anẹhwẹsọsị 5:14

Ịsị ẹ̀ẹ sị ngụ ịnị ịnọyị-ịnọyị, ịrẹyị ẹtohweyi ọ kụkụ vị nị. Agụvị avọọ a kà a ka, “Ẹwụ ana aa sụ ara, wa ha! Ha hụụnị isu, Ikirisiti vaa sị ẹtohweyi yị wụ!”

Anẹhwẹsọsị 5:18

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị!

1 Ịsamụwẹrị 25:19

Dị ọ ka ozida anị ọ̀ dọ ọvịdị dị ọ̀ọ na zị ọnị ka ọnị aa vẹ nị. Ama ọ yị kà a yi Ịnabarị ọva anị.

1 Ịsamụwẹrị 25:37

Ẹnẹnẹ éyi Ịnabarị mè si hweyi, di ose anị va kà avaba ịrẹyị ẹnẹẹ yọ nị. Ịnabarị ọ yị kụkụ zụ tụ́ ụhwẹ, dị ọ kụkụ tịtẹ anka ịrẹta avọọ nị.