1 Ịsamụwẹrị 25:26 - IWE ỌNỊNỊ

²⁶ Nda, Ẹnẹyịmavara ộ vịdị sị sị ọ mẹ ka asị ụ na wụ̀ ọza dị wa va na rị ịvị. Ọ kà ẹ yị vị ẹwa vaa sị ụvọ awụụ si atọ ịrẹyị awụ, Ohomorihi ọ̀ọ yà ịzọọ, dị ẹwụ rẹ maanị yị yà ịzọọ nị, ọza ana àa ka ọnị aa mẹ wụ ịsa odivi vị ana vaa yà anka Ịnabarị avọọ.”

1 Ịsamụwẹrị 25:26 ပူးပေါင်းရင်းမြစ်များ

Oyinyima 20:6

Di Ohomorihi kà a yọ dị ọ ka: Ịzẹyịza ọnị ọ yẹ ka ayị ọnya ọ vavọọ sị mẹ̀ nị. Ọ kà ọnị ọ rẹ ẹ̀ yị zẹẹ ka ọ kanyị ọ nị ka ọ va rị ịvị ọnị Ohomorihi.

2 Ịsamụwẹrị 18:32

Di ohinọyị họ̀ Anikusi dị ọ ka Abịsarọmị yọ kẹ, a vị ẹ̀ nyị ịsị ẹ mẹ̀ ẹ? Di Anikusi ka ịsị e tù Abịsarọmị aanị, avọọ o mè vee tù avaba aza ana ka sị ọnị ee re ohinọyị aa mẹ nị.

2 Ohinọyị 2:2

Ẹ́ maa na oze, dị Erija kà a yị Erisa ka; ọ̀ jẹẹ ịzẹnị; agụvị ka Ẹnẹyịmavara ọ́ raà kà a yị ọnị ka ọnị oo nọ ịzị aā hị́ Ịbẹtẹrị. Ama Erisa ka, ọnị ộ sị Ẹnẹyịmavara ọnịrị Erija ọnị ọnị aa sị ayị ọnyaa saasa hị́ eku; ọnị ẹ yị yaa hụrẹ Erija ẹngụ. Ịzẹyịza, dị ẹnị ẹyịva nọ Ịbẹtẹrị nị.

2 Ohinọyị 4:6

Ịjị ịgarụwa ẹnẹẹ si hi, dị ọ hị́ ozi anị ka ọ̀ rẹ sị ọsa vẹ nị. Ama ozi anị ô tụ́ ọ ohi ka, ịgarụwa ệ ta. Ịjọnọọ dị angwẹ anaa và ọnị rẹ ta nị.

Ahẹ Ụgama 44:3

Vị agụvị ka ohiku ayị ệ dà yara kụ́ ịrẹkụ ọ mẹ ka ẹ̀ dọ ẹtẹ ọnị ụ sị yị wa vị ụkata ẹnịnị ẹ sị nyị ehuna; ụkata awụ ọ mẹ ka ẹ̀ nyị ehuna nị agụvị ka wê sì ịrẹyị ẹnịnị dị ụ vavọọ nyị wa iyi nị.

Ụhịrẹyị 31:12

Avaba ẹhẹ anị vị eneē si sii ọyịza yị ọva anị. Ọ yị dọ ka a nyị odivi ene tu ọ.

Ijeremaya 29:22

Ịhị aza ana a za ọrịhị hụrị Ijerusarẹmị ne hi Ịbabịrọnị aanị ẹẹ ka ẹnị aa tụ ozirenuu hi ọza, ẹnịnị kụkụ vaa kà a ka; Ẹnẹyịmavara ọ̀ mẹ wụ anka ọ́ mẹ mẹ Ịzẹdẹkaya ọnịrị Ahabị ọnị ohinọyị Ịbabịrọnị hù irenyi-irenyi avọọ.

Ịdanịyẹrị 4:19

Ịrẹyị ọnọnị ô hí Ịdanịyẹrị ana aā hị́ Ịbẹtịsaza irenu, dị ee ré ẹtẹ kẹnẹ nị. Dị ohinọyị kà a yọ ka, a sị ọ zẹẹ ka ụra ọnọnị ọnịrị ịsị ẹ vị iruvo anị ò hí ọnị irenu nị. Dị Ịbẹtịsaza tú ohi, dị ọ ka: Taarụ! àa yẹ ụra ọnọnị ọnịrị iruvo anị ẹ sị vị ọọza ana kụ ayị ohinọyị, dị à sị ẹ vị ohinọyị.

Anihiburu 10:30

Yáa yẹ ọza ana kà a ka, “Oni oō sí atọ nị, oni vee sí atọọ varẹma!” Ọ rẹ kà ka, “Ananyị yị vaa mẹ̀ ọkarẹyị aza anị.”

1 Ịsamụwẹrị 1:26

Dị Ịhaana kà, “Nda, wáá kụkụ yẹ mị aanị? Ẹmị ma vị ọnẹẹ ana jẹẹ ịzẹnị aa mẹ̀ aduwa hi Ẹnẹyịmavara ịhị ọnọọ nị.

1 Ịsamụwẹrị 2:9

Ohomorihi vi ene vee sere aza ana sị ayị tụra a. Aza ana aa mẹ̀ ebira edivi vị ọnị ọ vaa mẹ ka è vu tụ́ ịnị ịrahụ; ọza ẹ yị zụ sị ụkata anị ụvọta sị nyị ehuna ọnịvị anị.

1 Ịsamụwẹrị 20:16

Di Ijonatani hị́ eku yị aneehi Idevidi dị ọ ka, “Ẹnẹyịmavara ọ vaa sị họ̀ ọnịvị Idevidi nị.”

1 Ịsamụwẹrị 20:3

Di Idevidi rẹ hị́ eku dị ọ ka, “Ịzẹyịza m maa kà nị. Ada awụ ộ yẹ ịnị ayị anị ka wee sì ịrẹyị amị ẹtẹẹtẹrẹ. Agụvị avọọ ọ yị zẹẹ ka wa yẹ ịsị ọnị vaa mẹ̀ ka ayị va kụ́ wụ. Maa sị Ẹnẹyịmavara tẹ ivenu, dị mị rẹ sị ịrẹsụ awụ hị́ eku ka owu ihihine ọnya kẹnẹ ọ jị ọnịrị isu ịnẹ aanị nị.”

1 Ịsamụwẹrị 22:3

Di Idevidi rẹ hụụ ịzọọ, dị ọ nọ Imizipe ịnị ẹtẹ Imowabi nị. O mè tù ịzọọ dị ọ kà a yị ohinọyị Imowabi dị ọ ka ọ̀ navọ ọnyị anị beri ada anị ẹ̀ na yà ịdị ohinọyị ọnọọ pooro dị ọnị yẹ Ohomorihi ọ̀ọ mẹ vaa mẹ ụsẹ anị nị.

1 Ịsamụwẹrị 25:25

Di Abigẹrị rẹ ka, “Nda, aarịhịnị asị ụ sị ayị nọ ịnị ịrẹyị Ịnabarị ọhịmị ọnọọ. Wâ yẹ ka vị ọ raa mịị mẹ̀ ebira anka ịrẹha anị nị. Ịrẹha anị ọ rị Ọnụra nị. Avọọ ụra ọnọọ mẹ̀ vaka a ẹngụ nị. Nda, wáá yẹ ka ẹmị ẹ yị hyakụ re aza ọnị ụ tụ́ vẹ?

1 Ịsamụwẹrị 25:39

Idevidi ộ wụ ka Ịnabarị ô wusu. Dị ọ ka, “Ẹnẹyịmavara, avọ. Wa raà sị zụ̀ ka ẹ yị nyị m mẹ̀ mẹ Ịnabarị dị ọ vavọọ mẹ̀ ụhị nyị mị. Wẹ rẹ vaa zẹẹ ka ma mẹ ịrẹyị odivi. Ịsa odivi ọnị Ịnabarị mẹ ọ raà chị kú ọ ịrẹsụ.” Di Idevidi tụ́ hi Abigẹrị ka ọnị aa nyị ọ nị.

1 Ịsamụwẹrị 26:10

Di Idevidi rẹ ka Ẹnẹyịmavara ọ̀ọ yà ịzọọ, ọnị Ẹnẹyịmavara ụvọta ọ vaa wụ̀ Ịsọọrụ nị. Ọ kà Ịsọọrụ o zụ sú ịhị ẹkụhị anị ọ̀ sị gụ, à yị vị avọọ dị ọ nọ ịrẹkụ, di o ne sú ịzọọ.