1 Ịsamụwẹrị 25:21 - IWE ỌNỊNỊ

²¹ Idevidi ọnị vị ana vịdị aa kà a ka vi ọnị sere ịsụpa Ịnabarị ọọhẹ kẹnẹ ịnị ụnọmị, dị ọnị ọ̀ yị zẹẹ ka à nyị ene vu nị. Ọ kà ọyịza ọnị ọnị mẹ̀ ẹ, odivi o ve si si ọnị atọ nị.

1 Ịsamụwẹrị 25:21 ပူးပေါင်းရင်းမြစ်များ

Oyinyima 44:4

Ẹ mẹ̀ maanị yị na jịnẹ hụụnị ẹkụra kẹnẹ, di Ijosẹẹhụ hị́ ozi ahụ ana sị eyi pè irehi anị dị ọ kà a yọ dị ọ ka: ọ̀ wụsẹ kwẹẹtẹ dị ọ̀ dụ aza ẹnịnịị na. Ọ kà ọ̀ọ na sị saasa wa dị ọ họ̀ wa ka sị ẹ vẹ dị a mẹ wa ọyịza dị ahịka odivi e si si atọ nị.

Ijoovu 30:8

Ijoovu ka ọnụra ẹ vị nị. Ẹ yị nyị ịsa ẹ vị ini ọza. Â ra dụ wa hụụnị ẹkụra.

Ahẹ Ụgama 35:12

Màa mẹ wa ọyịza, dị ẹ sị odivi si mi atọ e yee sì ka ẹnị ẹ̀ dọ mị ụhwẹ.

Ahẹ Ụgama 37:8

Nyị isuuru asị ụ kụ́ ayị vụrụ-vụrụ Ọza àa kụ́ ayị, vị ọọ̄ mẹ ka ọ̀ naa mẹ̀ ebira odivi nị.

Ahẹ Ụgama 38:20

Aza hi ịzọọ ana ahịka màa mẹ wa ọyịza, ịsa odivi e yee sii si mị atọ nị Màa dụ ka ò zoza yị wa, dị eni ee du mi ịrẹsụ.

Ụhịrẹyị 17:13

Ọza anaā sịị ọhịmị sị atọ ọyịza, ịrẹyị odivi ẹ yị mā vana ta hụrẹ irehi pàá.

Ijeremaya 18:20

Ọnị ka, áá vọrọ ka aa sị odivii sị́ atọ ọyịza? Ama aza anị ẹ raa chị́ ụsị ka ọnị ò ve horo ngụ ọ. Ẹnẹyịmavara ọ̀ navọ ọ̀ tamayị ọnị mẹmẹ hụvị ẹnịnị va dá ịpẹ yọ, ka asị ọ́ kụ ayị hi wa.

Aniroomi 12:21

Asị ụ zẹẹ ka ịsa odivi ọ̀ nyị ẹbẹẹba awụ nịnị; ama ẹwụ nịnị ọ̀ sị ịsa ozoza nyị ehuna ịsa odivi nịnị!

Anẹhwẹsọsị 4:26

Wa zụ kụ́ ayị, ama asị ụ zẹẹ ka ọyịkụ ọ̀ sị wụ na mẹ ịvị! Asị ụ zẹẹ ka wa kịị kụ́ ayị pooro dị ọyị ọ̀ ta.

Anẹhwẹsọsị 4:31

Asị ụ rẹ̀ kụkụ nyị ẹngụrẹyị ọnịrị ọyịkụ nịnị! Asị u rè nowu kú ẹngụ nịnị, asị ụ rẹ̀ rẹ kụ̀ ẹngụ ụhụ nịnị! Hụụnị avaba ebira odivi nịnị!

1 Anịtẹsaronika 5:15

Re ka ẹ́ yị nyị ọza ana sị odivi si atọ odivi yị ọzọnyị-ọzọnyị. Waa mẹ̀ ịsa ene zoza ịnị akakana awụ nịnị, dị ụ wa rẹẹ mẹ̀ ẹ hi avaba ọza nịnị.

1Ipita 3:17

Ộ vana dahi ka ọza ọ̀ rị ụya, agụvị ka ọ́ọ mẹ̀ ịsa ozoza, àa vị ịsị Ohomorihi sì ọ vị ọnọọ nị, hu ka ọza ọ̀ mẹ̀ ịsa odivi, dị ọ rị ụya anị.

1Ipita 3:9

Asị ụ sị odivi sí atọ odivi! Ọza ọ̀ọ kụ́ wụ ụhụ, asị ụ vàa yị ọ. Ama waa mẹ̀ aduwaa yị ọ. Wâ yẹ ka Ohomorihi ee sì ka ọnị ọ̀ mẹ wụ nịnị ẹyịza; agụvị avọọ ọ hị́ wụ nịnị nị.

1 Ịsamụwẹrị 25:13

Di Idevidi hí aza anị dị ọ ka ọzọza ọ̀ kụ́ ụhwọ anị nị. Ịzẹyịza dị ọzọza kụ́ ụhwọ anị, di Idevidi ọnị rẹ sị aanị nị. Ẹhụ aza ẹnị akava avọọ ộ saasa Idevidi aa na, dị ẹnị ịrẹka jẹẹ pè ẹnya nị.

1 Ịsamụwẹrị 25:15

Aza ẹnẹẹ ệ mẹ̀ ebira ozoza hi yi ẹ́yịrị wa mè hi aha ọnya ịnị ụmẹ ọnya. Ẹnịnị ẹ̀ yị mẹ yị eyingwẹngwẹ, ẹ yị rẹ nyị ịsa ayị ene vu.

1 Ịsamụwẹrị 25:20

Ọ mẹ̀ tụra ịkẹrịkẹtẹ anị aa na, o ne si tù ịzị oze yá ịnị ataba, di o re ka Idevidi ọnịrị aza anị ẹnị ree chii vẹ, dị ẹ na gẹ nị.

1 Ịsamụwẹrị 25:7

Di Idevidi rẹ ka ezida anị ẹnẹẹ ẹ̀ kà a yọ ka ọnị ộ wụ́ ka ụmẹ ọnị ọ sịị̄ yẹrẹ ẹyị atẹmẹ anị o si tù. Ọ kà ẹ̀ rẹ kà a ka ọọ̄ yẹ ka aza ana aā kụ́ ịsụpa anịị rị mẹ̀ yà pè ọnị, ọnị ọ yị mẹ wa eyingwẹngwẹ. Dị ẹ rẹ kà a ka aza anị mẹ̀ hụrẹ yà Ịkamẹrị, ẹ yị nyị ịsụpa anị ikonya ene vu.