1 Ịsamụwẹrị 25:1 - IWE ỌNỊNỊ

¹ Ịnị ụmẹ ọnya, dị Ịsamụwẹrị wusu nị, dị avaba Anisirẹrị kụ́ gụ, dị ẹ jị òrèrè anị nị. Dị ẹ sị ọ, di e ne e tụ́ ini eehi anị Iraama nị. Di Idevidi kwẹẹtẹ, di o si hu aa nọ ịnị ụnọmị ịzị aā hị́ Ịparanị nị.

1 Ịsamụwẹrị 25:1 ပူးပေါင်းရင်းမြစ်များ

Oyinyima 14:6

Ẹ rẹ rị Anihori ịnị ataba ịda ẹnịnị ana aā hị́ Ataba Ịsẹyị huu na ngụ Eriparani ana na gụrị ịnị ụnọmị.

Oyinyima 21:21

Ọ mè yà ịnị ụnọmị ịzị aā hị́ Ịparanị, dị ọnyị anị nọ ẹkụra Ijipiti dị ọ na nyị ọnẹẹ hụụ ịzọọ va yọ nị.

Oyinyima 23:2

Isera vị ana yà ẹkụra ana aā hị́ Ikiriyati-aba, dị ahịka ịzọọ ọ yà sú nị. Ịzọọ a kụkụ aa hị́ Ihebirọnị booro aanị nị. Abụrahamị ộ jị òrèrè anị ẹtẹẹtẹrẹ.

Oyinyima 50:11

Ịjị Anikenaani ene hị́ ịnị ẹtẹ ọnọọ vavọọ re ka aza ẹnẹẹ vavọọ aa zị ẹngụ ịnị ẹkụra Atadi ịzị a yàa tụ́ ịsa, dị ẹ ka, “Ịrẹyị ọnọnị ộ dà zị Anijipiti nịnị kẹnẹ. Wáa wụ́ e mèe sụ ùnè.” Agụvị avọọ dị a kụkụ aa hị́ ịzọọ Ẹba Imizirayimi ịzị Anijipiti yà ee sụ ùnè. Ịzọọ vị ana yà ịzị ọyịị̄ zịị hụrẹ Ijodani.

1 Ohinọyị 2:34

Ịzẹyịza di Ịbẹnaya ozi Ijehoyada ne tù Ijowabi, dị ọ va ịsa hi ọ ẹngụ dị ọ wụ̀ ọ, di o ne tụ́ ini eehi anị ana yà ịnị ọpaapara nị.

2 Ohinọyị 21:18

Ịmanasẹ ô su, di e ne e tụ́ ịnị ụbazị ịnị eehi ohinọyị ọnị Uza dà. Ịrẹma anị ozi anị Amọnị rị ohinọyị tụ́ udi anị nị.

2 Ịtọpa 33:20

Ịmanasẹ me su, di e ne ịnị eehi anị, dị ozi anị Amọnị rị ohinọyị dọ ịrẹsụ nị.

Ahẹ Ụgama 120:5

Ma sị dà! Ẹ̀nị ẹ tụ́ mị ka ma na ra ẹkụra Imeseki ọnịrị ịda Ikedari?

Ayịsaya 14:18

Avaba ohinọyị anẹhẹ ama vọ ene sú vi ene hi ini ikuta ẹnịnị hẹẹ-hẹẹ.

Ịzakaraya 1:5

Ohiku ẹnịnị ẹnịrị ọnịsẹ ẹnẹẹ ê wusu

Ịrịka 10:12

avọọ, dị Anisirẹrị nịnị kụ ẹnya ẹnịnị kwẹẹtẹ hụrẹ ụnọmị Ịsịnayị na ngụ ụnọmị Ịparanị nị.

Ịrịka 12:16

Ọ mẹ zị vẹ kwooze, dị avaba ẹnịnị kwẹẹtẹ hụrị Ihazeroti na jị udi tụ inoze Ịparanị nị.

Ịrịka 13:26

Ẹnịnị vị ene ve tu Imosiisi ọnịrị Eerọnị ne beri ịragụ Anisirẹrị Íkadesi ịnị ụnọmị Ịparanị. É kà enube, dị ẹ kụ ẹtụtụ ọchị ẹnẹ ha hụụnị ẹtẹ ịzọọ va zụ wa nị.

Ịrịka 13:3

Dị Imosiisi tụ́ anọrụ ẹnẹẹ hụụ ịnị ụnọmị Ịparanị anka Ẹnẹyịmavara mẹ mẹ̀ ọda yọ nị. Avaba ẹnịnị vị ọdọvịdị Anisirẹrị.

Ịrịka 20:29

Ịjị avaba ẹnịnị re ka Eerọnị o wusu, dị avaba ẹnịnị va ẹngụ hi, dị ẹ zị ẹngụ anị ẹkụhị ohurẹẹwụ nị.

Odeyi 8:2

Dị aza ẹnyị ene sì ịrẹyị Ohomorihi va sị oku Isitivini, di e ne ne e nị, di e jị òrèrè anị ẹtẹẹtẹrẹ nị.

Iwe Ọhụhị Imosiisi ana aa hị́ Ọyịvatụrọda 34:8

Dị avaba Anisirẹrị sị ẹkụhị ohurẹẹwụ tịtẹ zị ẹngụ anị ịnị inozi Imowabi ịzọọ nị.

1 Ịsamụwẹrị 1:19

Ịnị ẹnẹnẹ viri-viri eyinẹhẹ anị, dị ẹ kwẹẹtẹ, dị ẹ na hẹkẹ Ẹnẹyịmavara, dị ẹ varẹma nọ Iraama ana vị eehi ẹnịnị nị. E mè tù eehi, di Erikana nọ ịda Ịhaana ana vị ose anị nị. Ẹnẹyịmavara ộ wụ́ aduwa Ịhaana,

1 Ịsamụwẹrị 28:3

Ụmẹ ọnị yaa kà aanị, Ịsamụwẹrị ọnị ô wusu. Dị avaba Anisirẹrị jị òrèrè anị, dị ẹ sị ọ di e ne ne e tụ́ Iraama ịda anị nị. Ụmẹ ọnọọ Ịsọọrụ ọ kụ́ avaba ọpọchị ọnịrị ẹnẹbẹ dụ hụụnị ẹtẹ Anisirẹrị.

1 Ịsamụwẹrị 7:17

Ọ̀ọ sị ọ zị gẹ ẹtẹ dị ọ va varẹma nọ Iraama ịzị e ve eehi anị. Òo re tù ịzọọ dị ọ rẹ mẹ̀ ọkarẹyị yị Anisirẹrị nịnị. Ịsamụwẹrị ô hi ụta tụ́ Iraama ịzị ọ yàa mẹ ịsọvọọ yị Ẹnẹyịmavara.