1 Ịsamụwẹrị 24:11 - IWE ỌNỊNỊ

¹¹ Nda, wéē re ịta ọnị mị sị rị ụvọ aanị. Ụtọ awuru awụ mị dà a hụrẹ nị, ama mẹ yị wụ̀ wụ. Dị we re o, ka ẹ yị nyị ịsa odivi ọnị mị mẹ wụ, mẹ yị rẹ kụ́ hịrẹ wụ. Ẹ yị nyị m mẹ̀ mẹ wụ, di wee bè mị ka wa wụ̀ mị kẹnẹ nị.

1 Ịsamụwẹrị 24:11 ပူးပေါင်းရင်းမြစ်များ

2 Ịsamụwẹrị 1:14

Di Idevidi ka, “Wâ kụ̀rà ụvọ awụ wâ wụ̀ ọza ọnị Ẹnẹyịmavara nyị mẹ ohinọyị angwa ọ yị daba hi wu?”

2 Ohinọyị 5:13

Ezida anị ê ne tu ọ, dị ẹ kà a yọ ka, Ada ayị, ọnịsẹ ọnọnị ọ̀ọ yaanị kà a ka wa na mẹ ịsị ẹ katẹngụ hu ọsọnị, á vị ụ yaanị ị mẹẹ? Sị ẹ va ya ịnị ọsọnị ka, ọ ka wa na hụ enyi, dị ẹngụ awụ ọ̀ ta?

Ijoovu 10:16

Àa nyị ịsị mị mẹ ana ka ọnị ọ sị tụ ẹba, dị Ẹnẹyịmavara e be mị ka ọnị ọ pịva yị mị anka idu avọọ.

Ahẹ Ụgama 119:161

Aza ẹbanyị nịnị aa sị ụyaa rị mị ọọhẹ kẹnẹ. Ama emi ê hí angwa ịrẹyị awụ

Ahẹ Ụgama 140:11

Asị ụ zẹẹ ka ò zoza yị aza ana aa dà irechee kú ọza. Navọ ahịka odivi-odivi ò ve tù aza ene ee sì ka ẹnị ẹ̀ wụ̀ ọza nị, dị ahịka odivi ọnọọ ọ wụ̀ wa nị.

Ahẹ Ụgama 35:7

Nyị m mẹ̀ kà yị wa di e yee bè mi, dị ẹ yaa va ịrẹpaa zi mị kẹnẹ-kẹnẹ.

Ahẹ Ụgama 59:3

Ẹnẹyịmavara, ẹ yị nyị ịsị mị mẹ, ộ Ama wéē re aza edivi ẹnẹnị màa gẹ eyi amị di e yee bè mi.

Ahẹ Ụgama 7:5

Àa vị ka mâ mẹ ẹngụ ebira ẹnẹẹ, ọnịvị ẹ̀ẹ dụ mị, ẹ̀ za mị. Ẹ̀ẹ za mị ẹ̀ wụ̀ mị dị ẹ kà mị ngụ ẹtẹ.

Ụhịrẹyị 15:1

Ụmẹnẹ ọyị sị tụ́ ohi ịrẹyị vị ene hunẹnẹ ọza ayị ama ọjanagụ ọyị kà vanaā kụ ọyịkụ kwẹẹtẹ.

Arụwẹ 4:18

Agụvị ọnịvị ayị enee bè yi ahụ-ahụ, yẹ yị kụkụ nyayịnẹ va tụra oze. Dị ẹ kà, eyi ayị ọ sị nị ọ, a sị ẹkụhị ayị za ịrịka, ayị ộ ta o.

Ezikẹẹrị 13:18

Ẹnẹyịmavara Ananyị ụkata hu ka, ẹwụ nịnị anyẹnẹẹ ẹnẹnị, wa sị da nịnị. Ẹwụ nịnị aa mẹ ẹpaka ọnị waa kụụ hi ụvọ nịnị, dị waa mẹ ahọ̀nọ tụ ịnị ubobo ka ọzọza ọọ jị ọ, ụvị wa nyị ụkata tụ ịrẹsụ ẹhẹ aza ana vọ nịnị nị. Wee sị ka wa nyị ụkata tụra aza anịị ịrẹsụ nịnị, ọnị ụ zụ sị mẹ ka ọza ọ̀ yàra, à vị ka ọza ò su nịnị, dị ẹwụ nịnị ọọ rị aha anị.

Imika 7:2

Aza ana a mẹ ịzẹyịza ee ta hụrẹ ẹhẹ. A mẹ̀ vavọọ kụ́ wa, ikonya ọ yị vẹtẹ ịnị anị. Avaba aza ee bè ẹngụ, ẹnịnị ee sì ka ẹnị ẹ̀ dọ ẹngụ ụhwẹ. Ẹnịnị vị ana nyị ịrẹpa ẹnẹ ẹ yaa vàa zi ẹngụụ zị.

Ịjọọnụ 15:25

Ama â nyị ka ịrẹyị ana a chẹrẹ tụ́ ini iwe ọda ẹnịnị, ọ̀ zụ sẹ. Â vịdị chẹrẹ ẹ ka: ‘Ẹyaa nyị ịhyẹrẹ amị kẹnẹ-kẹnẹ.’

1 Ịsamụwẹrị 12:3

M mẹ̀ jẹẹ aanị, àa nyị ọza ana ka mâ mẹ̀ ọnị ịrẹyị odivi, ọ̀ kà a ọvịdị Ẹnẹyịmavara ọnịrị eyi ohinọyị ọnị ọ nyị wụ nịnị. Áá nyị ọza ana ka mâ sị ọnị imaaru? Máá sị ịkẹrịkẹtẹ ọza ọnyị ọza ọnyị? Áá rẹ nyị ọza ana ka mâ mẹ̀ ọnị rị? Ẹnẹ zụ kà ka mâ mẹ ẹchaka yị ọnị da? Áá nyị ọza ana zụ kà a ka mâ dọ ochirerenu ka asị mi kuku zụ re ịzẹyịza? Áá nyị ọza ana zụ kà ka â nyị ọnị mị mẹ ịnị ịsa ẹnẹnị, ọ̀ kà a di mi si ọ ụta varẹma.”

1 Ịsamụwẹrị 18:27

Idevidi ọnịrị isoja anị ệ jịnẹ dị ẹ na wụ̀ Anihwirisiti ịrẹka nị. Dị ọ yẹrẹ ụpa ene kú wa aha enyisi, dị ọ kụ́ avaba anị na yị ohinọyị ka oni ò re oze vị ọyẹ ohinọyị nị. Ịzẹyịza dị Ịsọọrụ sị Imikari ozi anị ana vị ọnẹẹ, dị ọ sị gà Idevidi nị.

1 Ịsamụwẹrị 23:14

Idevidi ọ na yà ịnị avị ịzị aa hị́ Izihwi, dị ọ nọ aha ọyịtẹ̀ ịnị ataba ịzọọ, dị ọ na tẹ̀ nị. Dị Ịsọọrụ ee sì ọ eyinị-eyinị nị, ama Ohomorihi ọ yị sị Idevidi chire e ụvọ.

1 Ịsamụwẹrị 23:23

Ne họ̀ use avaba ịzị ọ̀ọọ̄ tẹ, dị wa yẹ dị wa va kà a mị nịnị. Màa sị yẹ ka ọ yà ịzọọ, dị ẹmịrị ẹwụ nịnị zị na. Aha tụra aha ọnị ọ̀ọ yà ịnị Anijuda nịnị, mi vee sì ọ di me re e.”

1 Ịsamụwẹrị 25:28

Di Abigẹrị rẹ ka ọnị ộ yẹ ka Idevidi vị ana aa kụ̀ ịrẹkụụ yị Ẹnẹyịmavara. Ọ kà Ẹnẹyịmavara vaa mẹ ka ovwoovu Idevidi ọ vaa vị ohinọyị pooro nị. Ọ kà aarịhịnị ọ̀ navọ ọ̀ vagu Ịnabarị. Ọ kà Ohomorihi ọ yị vaa zẹẹ ka Idevidi ọ mẹ ịrẹyị odivi pooro dị ọ̀ sị ẹhẹ tịtẹ.

1 Ịsamụwẹrị 26:18

Di Idevidi rẹ ka, “Taarụ, sị ẹ vẹ dị waa dụ mị aanị? Sị mị mẹ̀? Sị ẹ vị ịvị awụ ọnị mị rị?

1 Ịsamụwẹrị 26:20

Navọ asị ụ wụ̀ mị tụ́ ịnị ẹtẹ ọzọga ẹnẹ ẹ̀ yị vị ịda Ẹnẹyịmavara. Taarụ, ẹwụ ohinọyị Isirẹrị ọyịvụrụ ọ sị kwẹẹtẹ aa dụ mị ana ahịka ịsị mị vị nị. Waa dụ mị anka ọza àa dụ irekwose ịnị ataba avọọ.”

1 Ịsamụwẹrị 26:23

Ọpa ebira ana vọrọ ọnịrị ịzẹyịza ọnị ọzọza ọ̀ọ mẹ, Ẹnẹyịmavara ọ̀ vavọọ si wa ụta. Wê re ka Ẹnẹyịmavara ô si wụ́ chire mị ụvọ ajịnị, ama mẹ yị dọ ka ma sị ụvọ kanyị wụ, agụvị ka Ẹnẹyịmavara ọ sị wụ nyị.