1 Ịsamụwẹrị 23:27 - IWE ỌNỊNỊ

²⁷ Dị a vana tụ́ va kà a yị Ịsọọrụ ka ọ̀ wụsẹ vẹ ka Anihwirisiti ẹ raà kụ́ ịrẹkụ va ngụ ịnị ẹtẹ anị nị.

1 Ịsamụwẹrị 23:27 ပူးပေါင်းရင်းမြစ်များ

Oyinyima 22:14

Di Abụrahamị kụkụ ka ịrẹha ịzọọ ọ rị Ẹnẹyịmavara vee re tụ ọ. Avọọ a mẹ̀ kụkụ aa hị́ ọ pooro ve tù ajịnị nị. Ịrẹsụ ataba anị ọnọọ Ẹnẹyịmavara vee re tụ́ ọ nị.

2 Ohinọyị 19:9

Anasiriya nịnị ệ wụ ọ ka Itirihaka, ohinọyị Etiyopiya ana raa hị́ Ikusi, ọ́ raà kụ isoja Anijipiti ee vee pe ẹnịị kụ̀ ịrẹkụ. Ịjị ohinọyị Asiriya maanị wụ, ộ sị iwe tụ hi Ihezekaya, ohinọyị Ijuda.

1 Ịtọpa 14:13

O nee kù chee, dị Anihwirisiti nịnị rẹ kụ ịrẹkụ vavẹ inozi ịzọọ, dị ẹ́ rẹ vaa kụ wa ẹnya nị.

Ahẹ Ụgama 116:3

Mâ nyị ẹngụkata ọnịrị ayodu ana ahịka ọ sị vọ chee me wusu. Mị ka ọ sị vọ hwẹ̀ à raà sị mị ne chire ẹtẹ.

Iwe Ọhụhị Imosiisi ana aa hị́ Ọyịvatụrọda 32:36

Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.

Ẹtore 12:16

Ama dị ẹtẹ gụ ọnẹẹ ọnọọ ụvọ nị; ẹtẹ ộ há irenu, di o hú ọhaara enyi ọnị uye odivi ọnọọ ká jịnẹ hụụnị irenu anị vẹ nị.

1 Ịsamụwẹrị 23:26

Ịsọọrụ ọnị yà akaha ataba ọnya, di Idevidi ọnịrị aza anị ẹnị re hi akaha ataba ọsa, di e wuse ee zwe ka asị Ịsọọrụ zụ za ọnị nị. Ô tù ụpẹ ọnya ụvọ Ịsọọrụ ọnịrị aza anị ee vee kú Idevidi ọnịrị aza anị.

1 Ịsamụwẹrị 23:28

Dị Ịsọọrụ kụkụ va hụụnị Idevidi ọnị ọ vịdị aa dụ, dị ọ na và eyi ka Anihwirisiti nịnị nị. Iruvo ana a kụkụ aa sịị hị́ ịzọọ Ịrẹta ọhọ̀zahi ọ vị ọnọọ nị.

1 Ịsamụwẹrị 27:10

Ohinọyị Akisi ọ̀ọ họ̀ ọ ka ịzị ẹ rẹ na kụ̀ ịrẹkụ ajịnị, di Idevidi ka eyi ụvẹtẹ Ijuda. Ịjị ẹnyị dị ọ ka eyi ụvẹtẹ Ijerahimẹẹrị. Ịjị ẹnyị dị ọ rẹ ka eyi ụvẹtẹ Ikeni.