1 Ịsamụwẹrị 23:26 - IWE ỌNỊNỊ

²⁶ Ịsọọrụ ọnị yà akaha ataba ọnya, di Idevidi ọnịrị aza anị ẹnị re hi akaha ataba ọsa, di e wuse ee zwe ka asị Ịsọọrụ zụ za ọnị nị. Ô tù ụpẹ ọnya ụvọ Ịsọọrụ ọnịrị aza anị ee vee kú Idevidi ọnịrị aza anị.

1 Ịsamụwẹrị 23:26 ပူးပေါင်းရင်းမြစ်များ

2 Ịsamụwẹrị 15:14

Di Idevidi wụsẹ hị́ avaba ezi ahụ anị ene hi Ijerusarẹmị pè e, dị ọ ka vẹ vị yee zwe nịnị ka à yị vị avọọ ẹ yị nyị ọza ayị ana aa haa hụụnị ụvọ Abịsarọmị. Vẹ ya wusee zwe buru-buru ka à yị vị avọọ ọ̀ọ saasa ayị, ịrẹyị odivi vee tù yị. Vị aa sị ụhwọọ wụ̀ anẹkụra ọnọnị ha nị.

2 Ịtọpa 20:12

Ộ kà a Ohomorihi ọ sị ụya rị wa agụvị ka ẹ yị nyị ịsị ẹnị zụ mẹ̀ ọkọnị isoja ana va eyi ịrazị ka ẹnị aanị. Ẹnị ẹ yị yẹ ịsị ẹnị zụ mẹ̀, ama ẹnịnị ee zi Ohomorihi eyi ka ọ va gụ́ ẹnị ụvọ nị.

Ahẹ Ụgama 17:11

Ịzị màa zị dị ẹ dà kara mị e yee sì oze ẹnị ẹ va zịị gụ mịị hyẹdụ.

Ahẹ Ụgama 22:12

Ọnịvị amị ana kara mị ệ nyị ụkata anka ẹya Ẹnịnị vị ana gụ ẹtẹ kara mị Mị ka ọnịvị amị ẹnẹẹ ệ nyị ụkata anka ẹya ene hi ịnị ụnọmị Ịbasanị.

Ahẹ Ụgama 22:16

Aza edivi ana ahịka vị ẹ sị mẹẹ anka irezi avọọ vị ana gụ kara mị Ẹnịnị aa na ụvọ amị ọnịrị ahụ amị anka idu mẹ̀ẹ na uyee rị avọọ.

Ahẹ Ụgama 31:22

Angwa ô hi mi ịjị ọnọọ, dị mị ka te, vị a sị mị dụ hụụ ịda awụ aanị nọ Ama m mẹ̀ vavọọ nowu va za wụ ka wa ba mi owu, dị ụ vayị amị nị.

2 Anịkọrịntị 1:8

Ẹwụ nịnị ẹyịnyara amị, yee sì ka ya kà a wụ nịnị ịrẹyị ene tù yi ẹkụra Esiya. Ịrẹyị ene tù yi ô chì yi ẹngụ pooro, ne tù ka ya kụkụ raà hụrẹ eyi ka yee wusu.

Ẹtore 20:9

Dị ẹ gara hi avaba ẹhẹ, dị ẹ kara ịzị aza Ohomorihi kụ́ gụ hi ọnịrị ẹkụra oni o sì ịrẹyị anị nị. Dị ịra hụụ ịda Ohomorihi ẹbẹẹba chí vẹ, dị ọ wụ̀ wa và ha nị.

Ọdọvịdị 16:2

Anigaza nịnị mẹ wụ́ ka Ịsamịsịnị ya ịdị ọsẹrẹka ọnọọ, dị ẹnịnị wara ẹngụ na tẹ̀ ee zi ọ ịrahụ ọyịvụrụ oze ọbanyị ana ngụ ẹkụra ọnọọ nị. Dị ẹ ka ẹnị ee be e na ngụ umeyọnị, ẹnị ẹ̀ẹ za a dị ẹnị ẹ wụ̀ ọ.

1 Ịsamụwẹrị 19:12

Dị Imirikari sị Idevidi zị oze ini ozokete chi hi ẹtẹ, di Idevidi si zwe nị.

1 Ịsamụwẹrị 20:38

Di Ijonatani nowu hị́ ozi ọnọọ dị ọ ka, “Wụsẹ buru, asị ụ jẹẹ.” Di ozi ọnọọ sị ọpa ọnọọ dị ọ sị va yị ọga anị nị.

1 Ịsamụwẹrị 23:25

Dị Ịsọọrụ ọnịrị aza anị nyima ee sì Idevidi nị. Á mẹ̀ va kà a yi Idevidi, dị ọnịrị aza anị nọ ịnị ịrẹta ana yà ịnị avị Imawoni nị. Ịsọọrụ mẹ̀ wụ́, dị ọ dụ Idevidi nọ ịnị avị Imawoni nị.

1 Ịsamụwẹrị 23:27

Dị a vana tụ́ va kà a yị Ịsọọrụ ka ọ̀ wụsẹ vẹ ka Anihwirisiti ẹ raà kụ́ ịrẹkụ va ngụ ịnị ẹtẹ anị nị.